السلام عليكم
انا بحب شخص بس كاتمه جوايا ومش قايله لحد وكنت بدعي ربنا كل يوم انوا يجمعني بيه وبقولوا اديني اشاره انوا هيكون من نصيبي او لا يعني مثلا حلم او اي حاجه وكنت بقولوا ان انا راضيه بللي مكتوبلي يعني لو هوا مش من نصيبي فأنا راضيه لحد اول امبارح حلمت ان اسمي انا وهوا مكتوب علي كارت والكارت ده كارت فرحنا وبعدها قومت من النوم فأنا قولت اكيد دي اشاره من ربنا مع العلم انا كنت مصليا استخاره قبل ما نام وبعدها قومت صليت ركعتين اشكر فيهم ربنا ولحد امبارح كان عادي بدعي زي كل يوم لكن جيت النهارده وانا حاسه اني خلاص مبقتش بحبه ومش عايزه اشوفه او اسمع عنه وكمان مش قادر ادعي انوا يكون من نصيبي فهل ده اشاره من ربنا ولا ايه انا مش فاهمه لاني علي كد حبي حسيت ان حبي ده كله اتحول لكره ومش عارفه ليه هل هي اشاره ام حاجه تاني فياريت لو حد يقدر يفدني
وعليكم السلام ورحمه الله وبركاته. على الاستخاره ليه؟ لان احنا بتكون افكارنا وعقلنا مشغول جدا جدا جدا بحاجه محدده. فبناء عليه كل افكارنا واللي ممكن يظهر في احلامنا غالبا هو له علاقه بالحاجه اللي احنا قاعدين مركزين عليها فانت مركزه اكتر حاجه على ان هو يكون من نصيبك فبناء عليه يظهر لك الحلم اللي بيقول ان هواكم من نصيبك لانك مش حاطه حتى الاحتمال التاني في دماغك يعني ما بتقوليش انا مش عارفه يا رب هو من نصيبي ولا مش من نصيبي ومش بتفكري في الاحتمال ده والاحتمال ده انت بتفكري في احتمال واحد بس اللي هو انا عايزاكم من نصيبي وحتى دعواتك لربنا ايه الاستخاره بتبقى بانك بتختاري شيء وتستخيري عليه. عارفه انك بتطلبي من ربنا اشارات ولكن خليني اقول لك انه الاشارات الاكبر تاكيد للاستخاره او تاكيد انه ربنا بيوجهك شيء اللي هو مكتوب لك اكتر ولا لما تلاقي نفسك مقبله على الشيخ او بداتي تنكري منه فانا شايفه انه دي استجابه ربنا لك واشاره ربنا لك اكثر انك حسيتي ان الموضوع اتقفل جواك فجاه وانك ما بقتيش مقبله على مشاعرك تجاه الشخص ده بنفس الشكل وفجاه كانها ما بقتش موجوده وده بتكون من اكبر الدرق الدلائل انه يا اما ربنا ييسر لك الامر او ان هو يحط اي حاجه تقفله وده بيكون الدليل على انه الخير شيء فاتمنى ان شاء الله ربنا يكتب لك الخير في كل امور حياتك وييسر لك اللي فيه الخير بس ويبعد عنك اي حاجه هي مش.
تم النشر الجمعة، ٣١ مايو ٢٠٢٤
وعليكم السلام ورحمة الله وبركاته. حبيبتي، أنا فاهمة تمامًا مشاعرك وبلغبطتك. أحيانًا، الواحد بيحس بمشاعر متضاربة وممكن يكون ده بسبب توتر أو قلق داخلي. بالنسبة للحلم اللي حلمتيه، الأحلام ممكن تكون رسائل رمزية، لكن برضو مش دايمًا بتكون إشارات واضحة وصريحة. استخارتك وربك أعلم وأقدر على توجيهك للطريق الصح. إذا كنتي حلمتي بالحاجة دي وكنتي حابة الشخص ده في الأول، وبعدين فجأة تحس أنك مبقتش حابة أو مهتمة بيه، ممكن يكون ده رد فعل تلقائي من العقل والجسم أنك ارتحتي بعد الدعاء والاستخارة، وأحيانًا ده بيحصل لما الواحد يجد راحته بعد ما يسلم أمره لربنا. لو انت مش متأكدة، استمري في الدعاء واطلبي من ربنا دليل أكتر وضوحًا وافتحي قلبك للمشاعر دي. وممكن تستني شوية وتشوفي ازاي هتحسي. ممكن يكون قرار أو شعور مستعجل أو مؤقت بسبب الضغط أو حاجات تانية في حياتك. التعافي من مشاعر الحب أو الكره بياخد وقت، والمهم إنك تكوني صريحة مع نفسك وتبقي واثقة في اللي يجي من ربنا وكل حاجة هتتوضح مع الوقت. دايمًا افتكري إن ربنا عنده الحكمة الكاملة، وانتي بتسعي للأفضل وفي النهاية كل شيء هيكون لمصلحتك. ربنا يوفقك ويوجهك للطريق الصح ويهدّي قلبك.
تم النشر الخميس، ٣٠ مايو ٢٠٢٤
أيوا اطمني دا فضل من ربنا ليك الحب قد يؤدي الى الهلاك واقسم بالله التعلق بغير الله والواجبات المفروضه لحياتنا والخروج عن هذا الروتين الفطري يؤدي للهلاك في النفس والروح لانك لا تعملي ما هو نصيبك عند الله ليس هناك مشكله في الحب نفسه ولكن الحب العفيف الذي يأتي من الموده والرحمه بين الطرفين وذالك بعد الزواج لكن الحب قبل الخطوبه يكون مهلك للنفس يا اختي لانك لا تعلمين بيد من تتعلقي فنجد البنات في حاله تعاسه نفسيه بعد فراق حبيبها لانه لم يكن من نصيبها وتركت نفسها له يعلقها اكثر واكثر بعيدا عن مبادئ الدين والحب اثناء الخطوبه ان ظهر لك فيجب ان يكون في قلبك فقط ولا يعلمه خطيبك حتى لا يبادلك الاحساس وتزيدان من تعلقكما ببعض وانتم مش ضامنين الجواز او ايه ممكن يحصل فادعي بالتوفيق ليك وان ربنا يكتبلك الخير لذالك كوني عزيزه النفس ولا تتعلقي باحد غير الله
تم النشر الجمعة، ٣١ مايو ٢٠٢٤
لعرض السؤال في فدني اضغط هنا