السلام عليڪم ورحمه الله وبرڪاته
انا شاب عندي 20 سنة، نظرتي لنفسي اني شخص ڪويس متربي تربيه سليمه اهلي ناس ڪويسين عندي 3 اخوات انا اڪبر واحد في اخواتي ڪلنا اولاد بس عندي ڪام حاجه عايزه احڪيها او ڪام مشڪله
. العاده السريه معروفه ان هي حرام م بترضي ربنا بندم بعد ڪل مره بعملها فيها بزعل جامد اني اذيت نفسي عملت حاجه دي قدام ربنا بندم م عارف ابطلها ف اي الحل .
بسمع بودڪاست ڪتير
حاجه بعد ڪده مبطل سماع اغاني مسحها بس ساعات برجع اسعمها
ڪل ما ابقى زعلان او مضايق انزل اغنيه حزينه او ايه قرانيه ف عايز حب ابطلها خالص .
انا بتوتر ڪتير
بتڪسف يعني مثلا لما ابقا في جامعه اخاف اسال دڪتور ي يضحك عليه او يسألني او طلاب يضحكو او يسالني بخاف اسال م بسال نبض قلبي بيزيد
ګمان بعض ضوافري من التوتر النفسي ضوافري ترجع زي م هي بس باكل فيها من التوتر عامة
انا عارف ان الصلاه والتوبه اساس الصلح الطريق الصح بس مش عارف اثبت عليها بقطع فيها زعلان من نفسي اني مصلتش في رمضان ده
حاجه بعد ڪد حاسس انها ڪويسه اني مبطل سجيار بقالي15 يوم
بس بجد بتوتر بخاف ڪتير اوي
ڪنت مرتبط ببنت رمضان اللي فات سبنا بعض بصراحه حبتها كتير اوي رجعنا رمضان ده ڪلمتها انا اتعبنا بعدين لاقيت انها عملت بلوڪ فقولوا اعمل اي اي الحل برغم اني بحبها ڪتير ڪنت بعمل المستحيل عشانها ليه تبلڪني عارف ان العلاقه حرام فقولتها نتڪلم فين وفين عشان ربنا ميزعلش مننا رايح ابعتلها لقيتها عامله بلوك كلمتها م رقم تاني مردتش عملت بلوك
مش عندي شغف حاجه م قادر اذكر مليش نفس ديما مقفول م كل حاجه
برده انا النوم بياثر ع مزاجي بيخليني م طايق حد م عايز اتكلم مع حد ببقا متلغبط
قلبي وجعني بجد عايز اعيش حياه نظيفه م غير ذنوب ارضي ربنا
وعليكم السلام ورحمه الله وبركاته. اولا احييك ان انت عمال بتراجع نفسك وزعلان من حالك وعاوز تغيره ودي حاجه جميله جدا ومهمه جدا وبتقول انه الجزء الكويس جواك اكبر كتير إن شاء الله من الجزء الوحش اللي يعني ممكن يكون مسيطر عليك دلوقتي ومخليك بتعمل ذنوب كتير اول حاجه اول نقطه هل ممكن الانسان حياته تبقى خاليه من الذنوب؟ هو مفيش حاجه اسمها كده اصلا احنا طول ما احنا ماشيين في يومنا بنقع في ذنوب لذلك احنا محتاجين ان احنا نداوم على الاستغفار لان في حاجات بنقع فيها ممكن احنا مش واخدين بالنا منها اصلا إن احنا اذنبنا يعني ممكن اكون وانا بكلم مامتي وطلبت مني طلب فروحت متأفف كده وحاضر طيب هروح انا مش واخد بالي اصلا انا كده عملت ذنب انا موضوع عدى وما خدتش بالي فعشان كده في حاجات صغيره جدا بتعدي من البني ادم وهي ذنوب لانه مفيش انسان مش هيوزني يعني ربنا لو كان عاوز منذنبش كان عادي جدا خلق نوع من البشر ما بيذنبش خالص لكن ربنا لو انتم مش بتذنبوا انا هشيلكم كلكم وهبدلكم بقوم اخرين يذنبوا ويخطؤوا ويستغفروا. تمام كده ثاني نقطه. على قد ما انت زعلان على الحال اللي انت فيه على قد ما محتاج تمسك بايدك واسنانك في الصلاه يعني سيبك بقى من كل حاجه انت اتكلمت فيها امسك بايدك واسنانك في الصلاة يعني ايه ما بصليش في رمضان يعني ازاي كده ازاي تبقى صيامي كده راح فين انا كده ولا كاني صمت ولا كاني عملت اي حاجه خلي بالك من النقطه دي كويس جدا جدا جدا يعني لو قلنا فين البدايه؟ البدايه امسك بايدك واسنانك في الصلاه من اللي انت حكيته انا حاسه كده ان انت لوحدك يعني مفيش حواليك حد من صحابك ممكن يكون في نفس الطريق اللي هو بيحافظ على الفروض على الاقل فدي اول نصيحه انصحها بيها اتاكد ان عندك صحبه صالحه دي من اكثر الحاجات اللي هتساعدك في السن الحالي اللي انت فيه يكون عندك صاحب واحد على الاقل الصاحب ده يقدر ان هو يبقى ايده في ايدك ولما انت تقع هو يشجعك ولما هو يقع انت تشجعه وهكذا النصيحه الثانيه شوف طريقك ناحيه ربنا وابدا انت ارسمه بايدك يعني انا عايز شكل حياتي تبقى ازاي انا ازاي ربنا هيبقى راضي عني او انا ابقى راضي عن نفسي انا محتاج يوم يبقى فيه واحد اثنين ثلاثه. انا بعمل ال 1 2 3 ده مركز جدا زي ما بركز مثلا في اني عايز اروح العب كوره فمركز في الميعاد ومركز مين هيجي يلعب معانا وكل الكلام ده التركيز ده هو اللي احنا محتاجينه انا محتاج اعمل ايه واركز في ان فعلا هعمل كل حاجه في ميعادها وانا اللي بايدي احط معادها لو بدات بس بالحاجات دي ان شاء الله يبدا الطريق ينور معك وتبدا تروح للسكه السليمه باذن الله.
تم النشر الخميس، ٢٠ مارس ٢٠٢٥
أبدأ دلوقتى حالا اتوضى وصلى ركعتين فى خلوة مع الله .. ابكى لله واشكوه همك واستغيث به .. هو اعلم بك من نفسك ولكن أصدق مع الله يصدقك .. وابدا بالحفاظ على الفروض من هذه اللحظة ..هذه هى البداية إن نجحت فى إتمامها إن شاء الله .. سيلهمك الله الرشد إن شاء الله
تم النشر الخميس، ٢٠ مارس ٢٠٢٥
انك تحاول ده لوحده كفايه حاول ترتب أولوياتك كده الأول واول حاجه ابدا بيها وهي الصلاه ممكن تعمل جدول عادي وعلى كل صلاه تصليها مكافأة ليك ممكن حاجه انت بتحبها اي حاجه بقى حاول تذكر ربنا كتير وده يساعدك وادعي كتير اوي ممكن تلصق على الحيطه بتاعه اوضتك استيكر كده فيها ادعيه وذكر وحاجات كده اعمل مكان معين للصلاه يعني مثلا المكان اللي بتصلي فيه في اوضتك تحط فيه مصليه اشتري مصليه ومصحف حلوين كده وافرش المصليه في المكان ده والزق على الحيطه دي ادعيه وايات قرانيه وحاجات كده وجيب شريط زينه لونه اصفر كده وحطه على الحيطه دي وكده يعين وممكن تشوف افكار على النت تاني حاجه انت بتقول ان عندك اخوات قرب منهم وأخرج معاهم واقعد معاهم اكتر ممكن تنزلوا في يوم بما ان احنا في رمضان ممكن مثلا تنزلوا وتفطروا بره وبعد كده تصلوا الترويح في المسجد وبما انتو اولاد ممكن تنزلو كلكلوا حجز كوره مع بعض وخرجات الاولاد دي بقي حاول الكام يوم دول تقرب من ربنا يمكن تبلغ ليله القدر لسه قدامك فرصه اهو وكل يوم ربنا بيديك فرصه شوف اي اكتر حاجه بتحبها واعملها بالنسبة بقي للمذكره احنا حرفيا كلنا فاقدين الشغف بس بنحاول، قوم كده زي الشاطر زاكر محدش هينفعك غير مستقبلك وابدا والله هتلاقي الدينا سهله قسم دنيتك ولما تخلص المطلوب منك كافئ نفسك بحاجه بتحبها بالنسبة للبنت اللي بتحبها والحوار ده ركز دلوقتي في مستقبلك وبعدين حوار الارتباط ده هتنسى عادي انت لسه في اول حياتك ولو ليكوا نصيب مع بعض هتجتمعوا وسيبك خالص من حوار الارتباط وركز في مستقبلك وابدا ابدا اي حاجه المهم تبدأ اي حاجه ابدا مستناش الوقت المناسب هضيع قوم كده من مكانك وشوف هتعمل اي واعمل اي حاجه واتمرن بقي اي حاجة لو حتى تتمشى كل يوم نص ساعه حتى وابعد عن السوشيال ميديا خد اجازه فتره كده اخر حاجه انك بتتوتر وكده لازم تكون واثق في نفسك خليك كده واثق يعني هما هيعملولك اي ولا اي حاجه امشي كده وانت واثق ولا كأن في حاجه ولا توتر نفسك تولع الناس كلها وحاول تتحكم في الحوار ده ومتعضش صوابعك دي خالص ولا تيجي جنبها وحاول لما تلاقي نفسك متوتر تعمل تمارين تنفس كده واهتم بنفسك ثم نفسك ثم نفسك وحبها اوي وقرب من أهلك وبس كده ابدا دلوقتي ربنا معاك ويوفقك
تم النشر الاثنين، ٢٤ مارس ٢٠٢٥
وعليكم السلام ورحمة الله وبركاته، أخي محمد. أفهم تمامًا ما تمر به من مشاعر وتحديات، وأود أن أؤكد لك أن مشاعر الذنب والارتباك التي تشعر بها هي مشاعر شائعة بين الكثير من الشباب. لكن من الجيد أن لديك الوعي بالمشاكل التي تواجهها ورغبة قوية في تحصين نفسك والابتعاد عن المعاصي. بالنسبة للعادات السيئة التي ذكرتها، مثل العادة السرية وسماع الأغاني، من المهم أن تعرف أن الرغبة في تغيير سلوكياتك تعكس نضجك ورغبتك في تحسين نفسك. إليك بعض النصائح العملية: التوبة والنية الصادقة : الإنسان معرض للزلات، ولكن الأهم هو الندم الصادق والنية القوية للتوبة. حاول أن تُجدد نيتك في كل مرة تشعر بالضعف واذكر الله. استبدال العادات : حاول استبدال الأغاني بأشياء إيجابية مثل الاستماع للقرآن أو محاضرات علمية تحفزك. اخصص وقتًا للأنشطة التي تعزز من روحك مثل قراءة الكتب المفيدة أو ممارسة رياضة. التعامل مع التوتر : إذا كنت تشعر بالتوتر في الجامعة، حاول التحضير للمواقف التي تخاف منها مسبقًا، مثل طرح الأسئلة. يمكنك أيضًا تحمل بعض التوتر والعمل على مواجهته بدلاً من الهروب منه. الصلاة : حاول أن تنظم وقتك لتكون الصلاة جزءًا من روتينك اليومي. قد تكون البداية مع الصلاة في أوقاتها ثم التدرج في القيام بالنوافل. علاقتك مع الفتاة : من المهم أن تضع حدودًا لنفسك في العلاقات. إذا كانت هذه العلاقة تسبب لك إزعاجًا، فقد يكون من الأفضل التوجه إلى الله والصبر. النوم : حاول الانتباه لمواعيد نومك، لأن النوم الجيد يؤثر بشكل كبير على مزاجك ونشاطك اليومي. أختتم قولي بمشاعرك تجاه نفسك: عليك أن تكون لطيفًا مع ذاتك. الرحمة بالنفس والقدرة على المسامحة الذاتية خطوات مهمة نحو التغيير. فالله غفور رحيم، والتغيير يبدأ من الداخل. تذكر أن السعي نحو حياة طيبة هو ما يهم. أسأل الله أن يوفقك لكل خير ويقويك على تجاوز هذه التحديات. إذا كنت بحاجة لأي دعم إضافي، فإنني هنا للمساعدة.
تم النشر الخميس، ٢٠ مارس ٢٠٢٥
حاضر بس م ڪل حاجه سهله .
تم النشر الجمعة، ٢١ مارس ٢٠٢٥
تدويرك علي داعم شئ مهم جدا دور علي صاحب كويس او اخوك أو انزل نشاط حلو و احفظ قران في المسجد و هتلاقي ناس كويسه تشدك لصح...... أقعد مع ناس كبيره و أتكلم معاهم في تطوير و إنك متغلطش غلطتهم و جرب تقراء في نصوص الدين في الحاجات البسيطه آوي إللي حضرتك تعتبرها مشاكل و هي إن شاء الله اقل من كدا...... افهم إن مش الغلط يتكرر مره و آتنين و تلاته بس اللي غلط إنك تبطل تحاول
تم النشر الخميس، ٢٠ مارس ٢٠٢٥
الحمد لله ان في شباب كدا
تم النشر الخميس، ٢٠ مارس ٢٠٢٥
لعرض السؤال في فدني اضغط هنا