وعليكم السلام ورحمه الله وبركاته. اولا احييك ان انت عمال بتراجع نفسك وزعلان من حالك وعاوز تغيره ودي حاجه جميله جدا ومهمه جدا وبتقول انه الجزء الكويس جواك اكبر كتير إن شاء الله من الجزء الوحش اللي يعني ممكن يكون مسيطر عليك دلوقتي ومخليك بتعمل ذنوب كتير اول حاجه اول نقطه هل ممكن الانسان حياته تبقى خاليه من الذنوب؟ هو مفيش حاجه اسمها كده اصلا احنا طول ما احنا ماشيين في يومنا بنقع في ذنوب لذلك احنا محتاجين ان احنا نداوم على الاستغفار لان في حاجات بنقع فيها ممكن احنا مش واخدين بالنا منها اصلا إن احنا اذنبنا يعني ممكن اكون وانا بكلم مامتي وطلبت مني طلب فروحت متأفف كده وحاضر طيب هروح انا مش واخد بالي اصلا انا كده عملت ذنب انا موضوع عدى وما خدتش بالي فعشان كده في حاجات صغيره جدا بتعدي من البني ادم وهي ذنوب لانه مفيش انسان مش هيوزني يعني ربنا لو كان عاوز منذنبش كان عادي جدا خلق نوع من البشر ما بيذنبش خالص لكن ربنا لو انتم مش بتذنبوا انا هشيلكم كلكم وهبدلكم بقوم اخرين يذنبوا ويخطؤوا ويستغفروا. تمام كده ثاني نقطه. على قد ما انت زعلان على الحال اللي انت فيه على قد ما محتاج تمسك بايدك واسنانك في الصلاه يعني سيبك بقى من كل حاجه انت اتكلمت فيها امسك بايدك واسنانك في الصلاة يعني ايه ما بصليش في رمضان يعني ازاي كده ازاي تبقى صيامي كده راح فين انا كده ولا كاني صمت ولا كاني عملت اي حاجه خلي بالك من النقطه دي كويس جدا جدا جدا يعني لو قلنا فين البدايه؟ البدايه امسك بايدك واسنانك في الصلاه من اللي انت حكيته انا حاسه كده ان انت لوحدك يعني مفيش حواليك حد من صحابك ممكن يكون في نفس الطريق اللي هو بيحافظ على الفروض على الاقل فدي اول نصيحه انصحها بيها اتاكد ان عندك صحبه صالحه دي من اكثر الحاجات اللي هتساعدك في السن الحالي اللي انت فيه يكون عندك صاحب واحد على الاقل الصاحب ده يقدر ان هو يبقى ايده في ايدك ولما انت تقع هو يشجعك ولما هو يقع انت تشجعه وهكذا النصيحه الثانيه شوف طريقك ناحيه ربنا وابدا انت ارسمه بايدك يعني انا عايز شكل حياتي تبقى ازاي انا ازاي ربنا هيبقى راضي عني او انا ابقى راضي عن نفسي انا محتاج يوم يبقى فيه واحد اثنين ثلاثه. انا بعمل ال 1 2 3 ده مركز جدا زي ما بركز مثلا في اني عايز اروح العب كوره فمركز في الميعاد ومركز مين هيجي يلعب معانا وكل الكلام ده التركيز ده هو اللي احنا محتاجينه انا محتاج اعمل ايه واركز في ان فعلا هعمل كل حاجه في ميعادها وانا اللي بايدي احط معادها لو بدات بس بالحاجات دي ان شاء الله يبدا الطريق ينور معك وتبدا تروح للسكه السليمه باذن الله.
في فتره بتڪون ف حياه الانسان متلغبطه تاهيه م لاقي فيها نفسو م عارف هو فين ولا بيعمل اي مضغوط م كل ناحيه انا ماليش صحاب عامة يمڪن اعرفهم صحاب فترات او صحاب عشان في حاجه معنيه في جامعه جامعنا غير كد انا مقتنع تمام ان الصلاه حل ل كل حاجه هتنور قلبي وطريقي ومستقبلي حضرتڪ م رديتي علي ڪل حاجه ف مسدج علفڪرا مسدج يشمل جوانب كثيره م جانب واحد فقط والحمدلله ع كل شي
تم النشر الخميس، ٢٠ مارس ٢٠٢٥
تسلملي والله ع زوق حضرتڪ الجميل
تم النشر الخميس، ٢٠ مارس ٢٠٢٥
هصلي العصر اجي ارد ع مسدج حضرتڪ .
تم النشر الخميس، ٢٠ مارس ٢٠٢٥
لعرض الإجابة في فدني اضغط هنا