السلام عليكم انا داخله تالته ثانوي عام وخايفه مجبش مجموع عشان شوفت ناس كتير شاطرين وذاكروا ومجابوش مجاميع وبقيت فاقده الامل اني اجيب مجموع وماليش مزاج للمذاكره وعارفه اني مهما اتعب واذاكر مش هعرف احقق حلمي واجيب مجموع وطول الوقت مخنوقه والموضوع مضايقني وشاغلني ومبقاش عندي طاقه للمذاكره وبفكر كتير لو مجبتش مجموع هعمل اي وبعيط
عليكم السلام ورحمة الله وبركاته عزيزتي كوني أكثر هدوءًا، واجعلي هدفك هو الدراسة وعدم التقصير لا تجعلي الهدف درجة بعينها أو كلية بعينها، أولئك الذين لم يحققوا الدرجات التي تمنوها أنت لا تعرفين هل قصروا؟ هل أهملوا؟ ربما لم يهملوا لكن لله حكمة في حصولهم على درجات معينة، لعله ابتلاء، لعلها رسالة ما. ركزي فقط في أن تؤدي واجبك ولا تشغلي بالك بما سوى ذلك. استعيني بالله، موفقة.
تم النشر الجمعة، ٩ أغسطس ٢٠٢٤
فى البداية كده.حاولى انك تفكرى بشكل إيجابي وقولى لنفسك لو انا جبت مجموع كبير هعمل ايه هنا الاجابه هتختلف ومش هتعيطى. اكيد كل واحد فينا بيكون متوتر وقلقان على مستقبله بس احنا بنجهز نفسنا كويس ومنسبش الأفكار السلبية تتمكن مننا علشان نقدر نوصل لهدفنا. اعملى كل اللى تقدرى عليه وابذلى مجهود فى دراستك اكيد النتيجة هتكون مختلفه المهم ثقتك بربنا وثقتك بنفسك ويكون عندك مثابرة وصبر وإرادة قويه علشان تقدرى تواصلى حياتك وتوصلى لكل اللى تتمنيه متبدئيش مشوارك بالخوف والقلق.ابدأى بخطوات وخطة وتنظيم وقت وترتيب أولويات كل ده هيفرق معاكى جدا ولو ليكى صديقه مقربه أو لايف كوتش اتكلمى باستمرار معاهم وشاركيهم افكارك لأن الدعم النفسى مهم جدا . وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷
تم النشر الجمعة، ٩ أغسطس ٢٠٢٤
وعليكم السلام! حبيبتي، أولاً أنا هنا معك وسمعتك. فكرة الخوف من الثانوية العامة والتحصيل الدراسي موضوع صعب ولكنه مو طبيعي. لازم تعرفي إن كل واحد له طريقته في التعلم ولها ظروفها الخاصة. أولاً، الخوف يمكن يكون دافع قوي يحفزك بس لازم تتحكمي فيه. حاولي تفكري فالأهداف الصغيرة. مش لازم تفكري في المجموع الكبير فجأة، لكن حاولي تقسمي المذاكرة للمواد وخصصي وقت لكل مادة. وممكن تكتبي خطة للمذاكرة. وكمان، لو حسيت إنك محتاجة دعم، ممكن تتكلمي مع حد تثقين فيه، مثل معلم أو ولي الأمر. وكمان تذكري إن مش كل حاجة تعتمد على المجموع، فيه مليون طريقه أخرى لتنمية ذاتك وإبداعك. خدي نفس عميق، وحاولي تركزين على اللي تحبي وتستمتع به. وصدقيني، مهما كانت النتيجة، فيه فرصة لتصحيح المسار وبداية جديدة. لازم تحبي نفسك وتقدري مجهودك. أنا هنا لو محتاجة أي حاجة، وتذكري أنت أقوى مما تتخيلي! 💪💖
تم النشر الجمعة، ٩ أغسطس ٢٠٢٤
لعرض السؤال في فدني اضغط هنا