السلام عليكم
انا والدي موظف وطبيعة شغلو انو معاه في الشغل سيدات فافي يوم من الايام اكتشفت ان والدي بيكلم واحده وكمان بيعاملها احسن ما بيعامل والدتي وطريقتو في البيت مش احسن حاجه وكمان الست دي بتبعتلو رسايل مش كويسة وهو بيرد عليها بنفس النمط وبيبعتلها فلوس كمان وبيجبلنا جزء من المرتب مش بيكفي احتياجتنا ولما باجي اطلب سواء انا ولا والدتي واخواتي منو نكفي احتياجتنا يقول مانا اديتلكم فلوس فهل اعرف والدتي خيانة والدي ليها ولا لا واتصرف ازاي وكمان لو اخدت فلوس من الفيزا علشان اكفي احتياجتي بدون علمة كدا تحسب سرقة ولا اي؟؟؟؟
شكرا لحضرتك على المشاركة قال رسول الله صلى الله عليه وسلم (من ستر مسلماً ستره الله يوم القيامة) إذا تفضلتي وبلغتي والدتك هيكون من باب إفساد ذات البين وتخريب البيت وفرقة للعائلة كل بني آدم خطاء الاب هذا ميزانه يحمل فيه مايشاء فليس عليك محاسبته وأنت تؤجرين علي الستر اكيد الموقف بالنسبة لك مؤلم مكانه الاب اللي اتهزت وحبك وغيرتك علي أمك بس ممكن يكون درس ليكي ربنا وضعك في هذا الموقف فكري بينك وبين نفسك ممكن أستفيد من الدرس ده ايه مش اكسب من الموقف ايه لحسابي (زي انك تاخدي من الفيزا ) نرجع الأمر لأصل الدين ونسمي الأمور بمسمياتها عشان ميلتبسش علينا الأمر ونحتار فيه وان شاء توصلي للحكمة من الدرس
تم النشر الثلاثاء، ٣٠ يناير ٢٠٢٤
متقولش لوالدتك اي حاجه ، ولو اخدت حاجه من الفيزا بدون علمه تحسب سرقه ليك انت ، انما والدتك تقدر تاخد اللي يكفي الاحتياج فقط ، فقط للاحتياج ، اما الحل للمصيبة بتاعت والدك فاللي تقدر تعمله انك تستره وتدعي ربنا انه يهديه ويبعد عن الست التانيه دي ويبعده هو كمان عنها ، ولو جدك موجود او جدتك او حد كبير او مؤثر على والدك كلمه واحدة واحدة ولكن متقولش ابي يخون امي او شي من هذا القبيل ، قول ان ابويا بيكلم واحدة وانا شاكك انها مش قريبتنا وكده ، او الافضل انك تحاول تكلم والدك لوحده وتحاول تعرف مين دي وتحاول تقنعه يوقف اللي هو بيعمله دا ، وفكره ان ربنا يراه وان ربنا هيحاسبه على اللي بيعمله دا ، وانه في جنة وفي نار في الاخر فالافضل ليه انه يتوب ويتقي ربنا فيكم ، وبالله عليك استره ، فلو انت كنت مكانه لاحببت ان يسترك الناس جميعاً ، فاستره لعل الله يسترك في الدنيا والآخرة
تم النشر الاثنين، ٢٩ يناير ٢٠٢٤
وعليكم السلام اولا ازاى وصلت للمحادثات اللى بين الوالد وبين الست.؟ لو بالصدفة فلا بأس.. لو التفتيش وراه يبقي ده تجسس وربنا نهانا عنه فعليك بالاستغفار لهذا الذنب. والدتك هى اللى ليها الحق تاخد ما يكفى احتياجاتكم وميكونش سرقة. الخطأ وارد عند الوالدين واللى عليك لو حبيت تعمل هيبقي انك تنصح الوالد بشكل غير مباشر. (حتى لو بعتتله رساله مكتوبه على ورقه بدون اسم)
تم النشر الثلاثاء، ٣٠ يناير ٢٠٢٤
السلام عليكم .لاتخبر احد واحتفظي باحترام ابوك لكم واحترامك له ..ما فيه والدك نزوة وسف تنتهى عاجلا أو اجلا .دعى العاصفه تمر بأقل خساير. كل مثل هذ العلاقات كتب الله لها عدم الاستمرار .إياك تخسرى والدك أو تكونى سبب لشقء والدتك.
تم النشر الأربعاء، ٣١ يناير ٢٠٢٤
لا.خلي مامتك بعيد..واوعي تعرفيه اي شي..لانه لو عرف..اعتقد سوف يفعل اكثر مما تتوقعين لانه مبقاش سر يخشي منه..
تم النشر الأربعاء، ٣١ يناير ٢٠٢٤
حول تدخل حد من قريبه او اخواته اللى بيتقي الله
تم النشر السبت، ٣ فبراير ٢٠٢٤
بلاش تخبري ولدتك باي حاجه نزوه وهتعدي وهيرجع يفوق لنفسه مع الوقت بس علي ما ده يحصل يلازما يلاقي الفه ونس ومحبه ف البيت مع مراته وعياله عشان هما دول اللي هيخلو يفوق من اللي بيعمله هيخاف ان ربنا يبعد عنه بركه البيت والزوجه والاولاد والحياة المستقره
تم النشر الأربعاء، ٣١ يناير ٢٠٢٤
السلام عليكم
تم النشر الأربعاء، ٣١ يناير ٢٠٢٤
افضل طريقة حاولي توصلي الى تلك المرأة سواء بشكل مباشر أو عن طريق الهاتف او عن طريق شخص ثالث او عن طريق أهلها او عن طريق مجهول واخبريها انو من الأفضل أنها تبعد عن الراجل ده لان سمعتها بدأت تطلع وبدأ هذا العلم ينتشر وبدأت الناس تحكي فيه.. كل هذا من باب التخويف والزجر.. هذا في حال وصلتي لها عن طريق مجهول او ايا كان وهذا هو الأفضل أما في حال إبلاغ أهلها او احد أقاربها او إبلاغها هي يفضل عن طريق طرف ثالث يكتم عنكم ويروح يكلمها او يكلم أهلها او احد أقاربها انو بدأت سمعتها تطلع والافضل لها انها تبطل المشي بالسكة دي والراجل متزوج وعنده عيال والمشي بالسكه دي يعرضها للمشاكل وخراب السمعة
تم النشر الأربعاء، ٣١ يناير ٢٠٢٤
نصيحه من اخ اهم حاجه ان كل حاجه بتشوفيها تعملها سكرين شوت وتبعتيها لنفسك او تحتفظي بيها عشان لما تيجي تواجهي والدك وينكر يكون معاكي دليل بكده بحيث ان انت تعرفي تمسكي والدك لان ما تزعليش مني اللي زي والدك ده هو كده طول عمره عمره ما هيتغير سواء كانت والدتك مقصره او لا اللي زي والدك ده خلاص بقى فيه ولازم انك تمسكي له زي نظام حاجه عليه علشان يكون ماشي مضبوط واسف على اللي انا بقوله ده كله لكن دي الحقيقه وعلشان وقت كده تجيبي والدتك لان والدتك مش ذنبها حاجه ان هي جوزها بيخونها ولازم تتكلمي معاه علشان اول مره باحترام ومش تنسي ان ده والدك
تم النشر الثلاثاء، ٣٠ يناير ٢٠٢٤
واكلمي مع باباكي بينك وبينه بس عرفي مامتك كلمه تشيل مستقبل ليها وليكم لان باباكي م وقت ما يكون ليه علم أن مامتك عرفت هيمنع عنكم المصروف فا الاحسن اكلمي مع باباكي بينك وبينه وعرفيه انك شوفتي رسائل دي وانك حولت للست دي فلوس وان الي شوفتيه هيكون بينك وبينه ولو المصاريف بقيت ع القد عرفي حد كبير م أهله يكون ليه تآثير عليه وحافظي تماما أن مامتك مش يكون ليها علم منعا لخراب البيت أو لمشاكل
تم النشر الاثنين، ٢٩ يناير ٢٠٢٤
اولا متعرفيش مامتك بالي باباكي بيعمله لان هيحصل مشاكل كتيره جدا
تم النشر الاثنين، ٢٩ يناير ٢٠٢٤
لعرض السؤال في فدني اضغط هنا