السلام عليكم ورحمة الله وبركاته كيفه اتخلص من الغيبة مع العلم اني بغتاب اليوم كله يعني مواقف بتحصل بحكيها ودايما حاسه اني بغتاب حته لو كلام عادي
وعليكم السلام ورحمه الله وبركاته مبدأيا سؤالك مهم جدا جدا ولعل الله اراد بك خيرا ان تلومي نفسك على مثل هذا الذنب العظيم وتسعي للتخلص منه هقولك ال تعلمته في الموضوع ده وال نجح معايا جدا بفضل اللهو واعذريني ان اجابتي هتكون طويله شويه اول حاجه خالص هم شوية احاديث كنت بسمعهم كتير عن الغيبه هكتبهم بالمعنى* قال رسول الله صلى الله عليه ما معناه ( من ذب عن عرض اخيه ذب الله عن وجهه النار يوم القيامة) قال رسول الله صلى الله عليه وسلم ( لمَّا عُرِجَ بي مَرَرْتُ بِقومٍ لهُمْ أَظْفَارٌ من نُحاسٍ ، يَخْمُشُونَ وُجُوهَهُمْ وصُدُورَهُمْ ، فقُلْتُ : مَنْ هؤلاءِ يا جبريلُ ؟ قال : هؤلاءِ الذينَ يأكلونَ لُحُومَ الناسِ ، ويَقَعُونَ في أَعْرَاضِهِمْ ) *كنا جلوسًا عندَ النبيِّ صلَّى اللهُ عليه وسلَّم فقام رجلٌ فوقَع فيه رجلٌ مِن بعدِه ، فقال رسولُ اللهِ صلَّى اللهُ عليه وسلَّم : تخلَّلْ فقال : ما أتخلَّلُ يا رسولَ اللهِ ؟ ما أكَلتُ لحمًا فأتخلَّلُ قال : بَلى ، مِن لحمِ أخيكَ أكَلتَ آنفًا وفي حديث طويل عن رجل شهد على نفسه بالزنا وجاء للنبي صلى الله عليه وسلم طلب منه ان يطهره فرجم حتى مات بعد كده جه اتنين من الانصار تكلموا عنه بيقول واحد للتاني انظر الى هذا الذي ستره الله وجه فضح نفسه يعني فالنبي عليه الصلاة والسلام لقي جيفة حمار ميته قال لهم ياكلوا منها فقالو له غفر الله لك من يأكل من هذا فقال ما نلتما من عرض اخيكما اشد من اكل هذا انه الان في انهار الجنه ) وحديث ان ال له حق عند حد بيفضل يوم القيامه ياخد من حسناته لغايه ما يوفي حقه فلو خلصت حسناته ولسه حق الشخص مخلصش بيبدأ يتاخد من ذنوب الشخص التاني وتتحط على ذنوب المغتاب فيبقى كله ذنوب ويترمي في النار تخيلي شخص تكوني مش بتحبيه او بتغتابيه باستمرار يجي ياخد صلاتك وصيامك وقيامك وصدقاتك وذكرك لله وووووووو وياخدهم ويروح بيهم الجنه في يوم معندكيش فرصه تروحي تعوضيهم حتى دي الاحاديث ال المفروض تسمعيها كل شويه حتى لو يوميا الفترة الاولى وتحسيهم وتستشعري معانيهم جدا بالذات اول حديث وفضله الكبير جدا بالنسبه للخطوات. بقى * اول حاجه اخلصي النيه لله واصدقي الله في العزم على التخلص كن هذا الذنب وادعي كتير ان ربنا يعينك * عودي نفسك مجرد ما تجيبي سيرة حد او تسمعي حد بيجيب سيرة حد قدامك انك تغيري الموضوع لاي حدث مهم او هياخد الكلام في ناحيه تانيه خالص حتى لو هتسالي عن طبخه معينه او عن لبس معين تشتريه من فين او نوع جبنه او مربى او او بتحبيها ومش لاقياها في سوبرماركت معين او او او اي موضوع يغير الكلام عن الشخص ده طيب نفترض انك مش لاقيه كلام تغيري بيه الموضوع فخلي عندك شجاعه كافيه انك تقولي الجمله دي ( معلش يا جماعه بلاش نغتابها احنا كده بنديها حسناتنا ) او ( معلش بلاش ناخد ذنبها نستغفر ربنا كده ونشوف موضوع تاني ) او اي جمله صريحه لطيفه تنبهي بيها الموجودين انك مش عاوزة تشاركي في الكلام ده * عودي نفسك انك حتى لو جبتي سيرة حد وتكلمتي عنه شويه فمجرد ما تفتكري امر الغيبة توقفي فورا مش تقولي خلاص انا اغتبت وخلصت فهكمل لا وقفي كلام فورا وقولي ربنا يغفر لنا ولها ويصلح حالنا وحالها بصي الايه دي ( وَإِذَا رَأَيْتَ الَّذِينَ يَخُوضُونَ فِي آيَاتِنَا فَأَعْرِضْ عَنْهُمْ حَتَّىٰ يَخُوضُوا فِي حَدِيثٍ غَيْرِهِ ۚ وَإِمَّا يُنسِيَنَّكَ الشَّيْطَانُ فَلَا تَقْعُدْ بَعْدَ الذِّكْرَىٰ مَعَ الْقَوْمِ الظَّالِمِينَ ) بصي بتقول فلا تقعد بعد الذكرى مجرد ما تفتكري توقفي * في بداية تعودك اعملي على نفسك رقيب كده وقولي مثلا في نهاية كل يوم هيكون كل غيبة عليها خمسه جنيه صدقه واستغفار ١٠٠ مرة مثلا ودعاء للشخص ال اغتبته والتزمي بهذه الطاعات بعد كل غيبه تغتابيها وحاسبي نفسك بشده فعلا احسبي اغتبت كم مرة حتى المرات ال بداتي ووقفتي في النص احسبيها برضه واعملي طاعات معينه مش لازم زي ما انا قلت بس اعملي طاعات خاصه بالغيبه بعد شويه هتلاقي الشيطان يبعد عن اغوائك بالغيبه لانه هيلاقي كل غيبه بتاخدي قصادها حسنات * من انجح الامور ال بتوقفي بيها الغيبه انك تقطعي كلامك مباشرة وتقولي تعالوا نذكر ربنا احسن سبحان الله والحمد لله والله اكبر ولا اله الا الله ولا حول ولا قوه الا بالله * تحاولي تتفقي مع اهل بيتك انكم تتساعدوا كلكم على وقف الغيبه وان ال يلاقي غيره بيغتاب يفكره ويقول له اتفقنا على ايه ؟ خلي بالك انت بتديه حسناتك ! ادعي له احسن ما تجيب سيرته ؟ ومن اكتر الجمل ال ممكن تكون بين اهل بيتك للتذكرة تساليه سؤال مباشر ( تقدر تقول كده في وشه ؟؟ ) لو قال لك ايوة تقوليله يبقى روح قول كده في وشه متغتابهوش قدامنا ولو قال لك لا قوليله يبقى بلاش تاخد ذنبه * متنسيش تتوبي الى الله من كل غيبة اغتبتيها قبل كده ولازم تطلبي العفو والسماح من الناس ال اغتبتبهم مش لازم بشكل مباشر بس ممكن تقولي للناس ال اغتبتيعم يا جماعه محدش ضامن عمره والموت بيجي في لحظة ياريت كلكم تسامحوني عن اي اساءة او غيبة او سوء ظن او اي شئ حصل مني في حق اي حد فيكم بقصد او بدون قصد وطلب السماح ده عادي كل فترة استسمحي الناس مش عيب خالص وبرضه تحاولي تذكري الناس ال اغتبتيها بذكر حسن في المجالس ال اغتبتيهم فيها وتدعي لهم بظهر الغيب وتتصدقي عنهم باي مبلغ تقدري عليه وحاولي
تم النشر السبت، ١١ فبراير ٢٠٢٣
هقولك تحدى بسيط تعمليه مع نفسك هيوقفك شوية. خدى قرار ان عشان الكلام ميبقاش غيبة انك تروحى تقولى للشخص نفس الكلام اللى اتكلمتوه فى غيابه . لو لقيتى نفسك هتتكسفى تعملى ده هتوقفى فورا. اللى تتكسفى تعمليه قدام صاحب الشأن متعمليهوش من وراه.
تم النشر السبت، ١١ فبراير ٢٠٢٣
لعرض السؤال في فدني اضغط هنا