السلام عليكم
انا عندي مشكله اني ميعرفش افهم الي حواليا ودايما مخدوعه فيهم وللأسف بكتشف ده بعد فتره طويله وبكون اتاذيت منهم وقتها مش عارفه الصراحه اتصرف ازاي لان انا كمان من الشخصيات الي بصدق بسرعه وبآمن جدا وللأسف دي مش حاجه كويسه انا عارفه، وده الي مخلي مثلا صاحبة عمري عشره ١٢سنه اكتشفت انها عمرها ما حبتني في يوم وباعتني في لحظه بجد مبقاش عندي ثقه في حد لاني مش ببقي عارفه افرق الشخص ده كويس ولا لا بجد ونفسيتي تعبانه من كتر ما بسمع كلام اني هبله واي حد يضحك عليا واني مش بفكر وبآمن بسرعه والكلام ده كله وكمان اخدت صدمات كتير في ناس مش عاوزه انصدم تاني وبجد عاوزه اتغير بس مش عارفه اعمل ايه
وعليكم السلام ورحمه الله. وبركاته طب الاول خالص عشان لازم اعلق لك على دي. بقى لكم 12 سنه يعني اكيد صحاب اكيد في ما بينكم مواقف حلوه ووحشه. شئ طبيعي جدا هنا. احنا بنتكلم على مصطلح اللي انت بتكرريه اكتشفت انها مش بتحبني ولا عمرها حبيت. كنتوا بتتعاملوا ازاي في 12 سنه وهو ايه شكل الحب ده اللي انت بتتكلمي عليه انه ده اللي هيثبت لك ان هي صديقه كانت تستحق صداقتك انك كده ما تضحكش عليك. فكره انك تكوني مركزه بمعنى وهو مش المعنى الصح هي اللي ممكن تسبب لك موقف زي ده بمعنى ايه بمعنى انه انا شايفه انه لو انسان بيحبني خلاص يبقى هيفضل معايا طول الوقت ومهما حصل هو مش هيروح في اي حته ومهما حصل مش هيفهمني غلط ومهما حصل مش هيتغير طباعه ناحيتك طبعا ده كلام مش حقيقي اصلا لا احنا ممكن نكون قريبين من بعض الفتره بيحب بعض كويسين جدا مع بعض ولكن نيجي لفتره ثانيه. تتغير الاحوال تتغير حاجه في شخصيه حد فينا حد فينا يصدر منه فعل يكون صعب جدا بالنسبه للتاني ولذلك نبدا ناخذ قرارات جديده فانتم بعد 12 سنه هي صدر منها تصرف او انت صدر منك تصرف او حصل الظروف خلت في قرار انه لا احنا مش هينفع نكون صحاب ثاني لانجي ترجمتي ده على انك انت ما كنتيش شايفاها صح 12 سنه ده صعب شويه لا انتوا كنتوا كويسين من 12 سنه ما فيش حاجه ولكن الظروف اتغير ده اتجاه. في اتجاه ثاني انك بتتكلمي انك مش قادره تفهمي ليه حواليك مش قادره تفهمي اللي حواليك يبقى احنا هنا ممكن نكون مش عارفين نسمي الاشياء بنسمياتها لذلك ممكن يكون اللي قدامي بيضحك في وشي. انا ابدا اترجم ان هو بيضحك في وشي ان هو عاوزنا نبقى اصحاب في حين ان هو لا هو بس بيضحك في وشي علشان نبقى. تمام هو بس بنتعامل بود مش اكثر من كده. فخلينا نقول ان فهمك للاخرين هيبقى الاول نابع من فهمك لكل المعاني ولكل الافعال او الردود الافعال فانك تكوني مطلع اكتر ده هيساعدك فانك تفهمي انه في تصرفات بيبقى واضح جدا منها ان الشخص ده سيء يعني حاجه ما يختلفش عليها اثنين لو انت بتاخديها على انه لا تمام وعادي وايه المشكله هنا بقى هي دي المشكله اللي انت ضروري تبقي واعيه فيها اكثر من كده وتبدئي تصححي ده جوه عقلك. لو ده بيحصل معاكي ابدئي افهمي بقى من اول وجديد وقولي انا هبدا اخد معلومات جديده فلو انا جيت قلتلك ان في حد يجيب كل يوم بيقول لك. اعزميني على الفطور اعزميني على الفطور كل يوم بيقول لك على الفطور لو انت بتترجمي ده على انه لا ده هو بيقول لي كده علشان هو بيحب يجي يفطر معايا فستوب انت كده نظرتك بنياها بشكل عاطفي. معاني غلط عندك انت وهو ده اللي بيخليكي تبعيني انك بتتخدعي بسهوله وشايفه الناس غلط. وبتخمي في الناس لا هو الموضوع واضح شخص كل يوم جاي ياكل على حسابك فقط لا غير فانت تمام وما عندكيش مشكله وانت ما ترجمتيش ان الشخص ده شخص استغلالي المشكله عندك هنا دلوقتي فاحنا مش هنلومه الطيبه وانه انا ببقى متعشم في الناس وبصدق الناس بسرعه وبقى منهم مش هحط المعاني دي لان مش هينزل المعاني اللي فيها مشكله. احنا مش محتاجين نخون الناس طول الوقت لا عادي جدا احنا الثقه بتمن على مراحل وهاحط في الناس حسن الظن في الاول خالص تباعا الا لو ظهر من همه فلو جزر منه مواقف وانت مش مش بتتركي ده ومش بتبداي فعلا تبني الصوره اللي واضحه قدامك يبقى هي هنا المشكله. بصي كويس حللي كويس علشان تبدا الدنيا تبقى احسن معاكي من غير مع شخصيتك ولا اي حاجه.
تم النشر الثلاثاء، ٣ سبتمبر ٢٠٢٤
عليكم السلام انا حابب اتكلم عن نقطه السنين دي لانها مش مقياس محبه نهائي ممكن تكوني انتي تربيتك في بيت أهلك مختلفه عن تربيه غيرك ف بتبالغي في غلاوه الناس عندك وفاكره انك غلاوتك انتي عندهم هكذا وانا عارف ان بعد السنين دي الحوار يزعل بس اكيد في أسباب تخلي حاجات زي دي تحصل زي مثلا القناع اللي فضلت لبساه كام سنه زهقت منه ! في حاجات كتير جدا ولله بس كل اللي عايز اقوله انك متندميش على اي خير ومتزعقليش على أي حد مهما كانت عشرته هو اللي يزعل أنه خسر شخص كويس وطيب لان الطيبين دلوقتي عمله نادره جدا ف كده كده قيمتك محفوظه مهما عدت سنين على فراقك باي شخص لانك متربيه ف بيت اصول بس كده اتمنالك التوفيق والنجاح الدائم ❤️
تم النشر الأربعاء، ٤ سبتمبر ٢٠٢٤
عليكم السلام ورحمة الله وبركاته. أعتقد أنه سيكون من المفيد لك أن تعرفي معنى الصاحب، ما الذي تتوقعيه من الصاحبة/ الصديقة المثالية؟ حددي هذه النقاط بدقة، ثم حددي أي منها يمكنك التنازل عنه قليلًا، وأي منها تعديه خطًا أحمر لا يمكنك التغاضي عنه. الآن عودي لتقييم علاقتك بالفتاة التي تحدثتِ عنها، بنسبة كم في المائة كانت تناسبك؟ إذا كانت على مدار السنوات السابقة صديقة مناسبة فانظري ما هي الأسباب التي عكرت صفو علاقتك بها؟ إذا كانت غير مناسبة فالمشكلة هنا عندك أنتِ؛ لأنك تغاضيتِ عن صفات أو سلوكيات مؤذية لك، وهذه كانت بالنسبة لك علاقة متعبة، وهنا أراكِ تتحملين الكثير من اللوم، إذ كان من المفترض أن تنتبهي لهذه المؤشرات. والآن أريد أن أخبرك بنصيحة مهمة، اجعلي تعاملك مع الجميع، (وأنا أعني الجميع) سطحي، والتعامل السطحي هنا ليس الرسمي أو الجاف، بل تعامل عابر. يعني إذا تعامل ودّي محترم بشوش لكن لا يشمل أي حديث عن خصوصياتك. الصديق الحقيقي رزق، والرزق نحصّله بالدعاء، فأكثري من الدعاء، واصبري حتى تنالي هذا الرزق، وعندما تقابلي الصديقة الحقيقية ستعرفينها لأنها على مدار الأيام ستحترمك في غيابك وحضورك، ستكون داعمة لكِ، ستفهمكِ، ستبديك على نفسها، ستصدقك النصيحة. كل هذه الصفات تظهر مع الأيام. أكثري من الدعاء أن يرزقك الله البصيرة والفراسة والفهم والحكمة.
تم النشر الثلاثاء، ٣ سبتمبر ٢٠٢٤
ابداي علاقتك مع الناس بالتدريج يعني مش اي واحدة تروحي تقعدي معاه وتعتبريها صاحبتك ولازم المواقف هي اللي تثبتلك مش كلام الحلو ومتحكيش اي حاجه عن نفسك لصاحبيتك لازم يكون عندك خصوصية ركزي علي نفسك وعلي اهدافك
تم النشر الثلاثاء، ٣ سبتمبر ٢٠٢٤
وعليكم السلام ورحمة الله وبركاته، أختي ندى. أفهم تمامًا مشاعرك وصعوبة المواقف التي مررتِ بها. من الطبيعي أن يشعر الإنسان بالأذى والخداع عندما يُقابل هذا النوع من المواقف. لكن، من المهم أن ندرك أن الثقة ليست عيبًا، بل هي سمة إنسانية رائعة، لكن علينا أن نتعلم كيفية إدارتها بشكل أفضل. إليك بعض الخطوات التي يمكن أن تساعدك في هذا الأمر: تقييم العلاقات : حاولي أن تقيمي الأشخاص من حولك بشكل موضوعي. انظري إلى تصرفاتهم وأفعالهم قبل منحهم ثقتك. خصصي وقتًا للتعرف عليهم ومعرفة شخصياتهم. تعلم الحدود : من المهم أن تتعلمي كيف تحددي الحدود في علاقاتك. لا تضعين ثقتك بكل سهولة، وتأكدي من أن الشخص الآخر يستحقها. الاستماع إلى صوتك الداخلي : إذا شعرتِ بشيء غير طبيعي تجاه شخص ما، لا تتجاهلي هذه المشاعر. استمعي إلى حدسك، فهو غالبًا ما يكون مؤشرًا مهمًا. التعلم من التجارب : كل تجربة يمكن أن تكون درسًا. حاولي أن تستفيدي من ماضيك وتحويل الصدمات إلى مصدر قوة. تبني الصبر والتأني : امنحي نفسك الوقت للتعرف على الناس بشكل أعمق قبل اتخاذ قرارات سريعة حول الثقة. البحث عن الدعم : قد يكون التحدث مع شخص تثقين به، مثل أحد أفراد العائلة أو صديقة، مفيدًا لك. يمكن أن يساعدك ذلك في فهم مشاعرك ومخاوفك بشكل أفضل. رحلة التحسين الشخصي : لا تتراجعي عن رغبتك في التغيير. استمري في العمل على تطوير نفسك وبناء ثقتك بنفسك، فذلك سيساعدك في التعامل مع الأشخاص بشكل أفضل. تأكدي أنه مع مرور الوقت، ومع التدريب على هذه المهارات، ستستطيعين فهم الآخرين بشكل أعمق وتفادي مواقف الألم التي تعرضتِ لها سابقاً. تذكري دائماً أن لكل شخص عيوبه وحسناته، وأن الثقة يجب أن تُبنى بشكل تدريجي. وفقك الله في رحلتك نحو التغيير.
تم النشر الثلاثاء، ٣ سبتمبر ٢٠٢٤
طيب مانتي بايدك تغيري كل ده ايه الل مانعك.. ايه الل مانعك ان لو حد زعلك از جرحك بكلمه انك تاخدي موقف، ايه الل مانعك انك لو لقيتي حد علطول بيئذيكي زي مابتقولي انك تبعدي.. ايه الل مانعك عن كل ده... غيري من نفسك يحبيبتي ومش تحملي برضه الغلط كله عليكي انتي ف الاول والاخر تصرفك ده طيبه منك مش هبل ولا حاجه.. انتي هدي عيار الطيبه ده شويه علشان الناس مبقاش لها امان وانتي مش مجبره تتحملي ف حياتك حد بيئذيكي نفسيا
تم النشر الخميس، ٥ سبتمبر ٢٠٢٤
وعليكم السلام
تم النشر الخميس، ٥ سبتمبر ٢٠٢٤
عارفه والله الفكره انه مش بيبقي باين عليها في الأول مبعرفش بقا اذا كانت كويسه بتحبني بجد ولا لا دي الفكره لكن اكيد لما حد ياذيني ببعد بس انا انصدمت فيها بعد عشره مدة طويله اوي ومكنتش انكشفت شخصيتها دي فا دي المشكله ومش عارفه افهم ازاي الي حواليا بقا
تم النشر الجمعة، ٦ سبتمبر ٢٠٢٤
لعرض السؤال في فدني اضغط هنا