أنا بعتذر إن كان كلامي مش هيروق ليكي أو هيكون موضع ترحيب بس هو فعلاً الحق 1 أهلك و أهلي و أهل كل شخص ناقص خبره حبتين و صغير السن لازم يغدو قرارات بدالوا علشان منعملش حاجه تضرنا فى المستقبل. 2 أنا لاحظت إنك قولتي علشان اتصحبت على واحد خلوني أقطع علاقتي بيه بدون سبب (هما فعلن صح و غلط :صح لأنهم فعلن خايفين عليكي و أنتي مش مدركة مدا خطورة أو خطأ اللي كنت مُقدمه عليه و غلط علشان قالوا اعملوا كده بدون أسباب). 3 لو أهلك بيتحكموا فيكي زي ما حضرتك متخيله مكنتيش هتعرفي تسألي سؤالك 4 لو ربطي بين كل مره قولتي فيها فى نفسك أنا أهلي متحكمين فيا هتلاقي الحاجه المشتركة أنهم منعوكي من إنك تعملي حاجه أنت عايزه تعمليها بس هيا هضرك بشكل ما 5 لو فكرتي و لو لحظه نتيجة القرار اللي كنتي عايزاه تعمليه هتعرفي أد إيه حضرتك كنتي غلط و مفكرتيش جيداً قبلها 6 عم جاد رد عليكي رد فى قمت الجمال و ده فعلن اللي من المفترض تحاولي تعمليه لأن فى الآخر هما أهلك و عايزين مصلحتك(و ده هتدركيه بعدين بإذن الله) آخر حاجه حاولي دايما قبل ما تعملي حاجه خصوصا قبل ما تفكرى تكلمي حد ما اسألي نفسك أنا هستفاد إيه لو مفيش استفادة يبقى ده ضرر بيين لو فيه استفادة هتسألي نفسك طب أنا مش هستفاد إيه ولازم هيطلع لك عيب أو عيوب على حسب اللي أنت مقبله عليه و بس (بعتذر للمره التانية لو كلامي لم يرق لكي لكن فعلاً ديه الحقيقة و لما كنت فى سنك كنت فاكر كده بس الحمدلله أدركت أنهم كانوا بيحموني و مش عايزين ليا ضرر أى كان إيه هو).
كان لي شرف الاجابه 👋
تم النشر الاثنين، ١٢ يونيو ٢٠٢٣
لا انا فاكره ان بس اختي اتصورت تقريبا هي وصحبها بالشهادة واهلي ممنعوش غير كدا انا فعلا متشكره جدا انا دلوقتي راضيه جدا بكل حاجه حصلت معايا ومقتنعه بكل حاجه وشكرا مره تانيه
تم النشر الاثنين، ١٢ يونيو ٢٠٢٣
بلاش كلمة أكيد بدون إثبات علشان لا تقبل كدليل اسأليها علشان مترجعيش تقولي يارتيني سألت + نسيانهم هيكون أكبر غلط خليكي فكراهم و اتعلمي من اللي أنت عملتيه و متكررهوش. و بلاش شيطانك يعرف يضحك عليكي تاني و يخليكي تظني فى أهلك و أخواتك سوء ده المثل بيقول أنت و أخوك على إبن عمك و أنت و إبن عمك على الغريب. مهما بقى عندك مليون صاحب و كلهم صحاب بحق و حقيق أخ واحد من إخوتك بيهم كلهم و بس بعتذر إن طولت فى الكلام بس أنا لقيت سؤال منعش لذكريات هيا اللي جعلتني الشخص اللي أنا عليه دلوقتي. بإذن الله اخواتك يبطلوا يهزرو معاكي هزار مش حلو و تلاقي صديقة صالحة تكون رفيقة العمر تكون معاكي و تكون خير مِن مَن سبقوها.
تم النشر الاثنين، ١٢ يونيو ٢٠٢٣
لاانا فعلا اقتنعت حسيت اني بعد اما اتكلمت فهمت واقتنعت بس مش عارفه انساهم وكل اما بفكر فيهم بدايق
تم النشر الاثنين، ١٢ يونيو ٢٠٢٣
لا هو اي الي دخل مراتو ف التلميذه بتاعتو انا شايفه ان عادي لو اتصورت مع المستر بالشهادة عشان هو فخور بيها وانا لو مكانها اهلي مش هيمانعو +انا واخواتي دايما بنقول لبعض كلام محدش يستحملو بس علي هيئة هزار بس انا بزعل وبدايق وغير كدا ماما عاوزه تنقلني اكيد من المدرسة خايفه ان انا اختطلت بيهم تاني ف دي عرفتها خلاص بس هي فعلا ظنت فيا سئ انا كل كلامي مع الولد كان مبني علي شات وبس لاكن هي ظنت ان في حد لمسني وحجات تانيه مش مهم ذكرها بس الي دايقني ازاي قدرت تفكر فيا بالشكل دا واي حاجه غلط بعملها بيحملو غيري مسؤوليتها مع اني ببقي صاحبه القرار
تم النشر الاثنين، ١٢ يونيو ٢٠٢٣
وبس اقتنعتي بالكلام جميل مقتنعتيش الزمن هيقنعك زيك زي غيرك.
تم النشر الاثنين، ١٢ يونيو ٢٠٢٣
مثال عليا علشان متقوليش ده عايز يبرر أو يطلعني غلط و خلاص لما كنت فى نفس سنك أو أصغر تقريباً كنت عايز العب مع عيال الشارع أخواتي فضلوا يتريقوا عليا لما قولتلهم بطلوا ده بيدايقني مبطلوش من أول مره بس مع كذه مره و هما فعلن لاحظوا أني بدايق مش هقولك اعتذرو علشان ديه هتبقى أوفر أوي بس بطلوا يعملوا كده و خلاص.
تم النشر الاثنين، ١٢ يونيو ٢٠٢٣
جربتي تسألي ولدتك بكل إحترام و هدوء و فى وقت مناسب ليه بتنقلوني من مدرسة للتانية ممكن يكون فى سبب تاني و بالنسبة لأختك واحد أنا آسف أختك الكبيرة و مش من حقك تقوللها كده اتنين هما الإخوات كده بس لما بيعرفوا إن ده بيزعل بيبطلوه
تم النشر الاثنين، ١٢ يونيو ٢٠٢٣
طب هديكي مثل يوضحلك ليه غلط (لو التصرف فعلن صح ليه متصورش هو و مراتوا و نشر الصورة؟ ) هسيبك تفكري فى الاجابه و أظنها واضحه و علشان اثبتلك كمان فى نفس الصورة بنت تانية كانت رافعة الشهادة على وشها علشان عارفه هيا مقبله على أى و فى نفس الوقت متحرجش المدرس
تم النشر الاثنين، ١٢ يونيو ٢٠٢٣
انا مش مشكلتي اني بعدت عن صحبتي لأني اكتشفت ان هي فعلا ممكن تكون مش بتحبني اما عن الولد انا بردو يعني انا ممكن اتجانب اني ازعل بسبب البعد عنهم بس لي انقل من مدرستي الي انا بحبها كل المدارس اكيد فيها حد مش كويس مفيش مدرسة دلوقتي كلهم كويسين زي ما في الوحش اكيد فيه الحلو في الوحش وكمان هما مش بيثقو فيا اختي مثلا لو عملت تصرف غير لائق بقولها انتي مش محترمه تقولي شوف مين بتتكلم عشان يعني انا كلمت ولد وغير كدا كلام تلقيح وانا فعلا عديت ب فتره صعبه ومش عايزة حد يفكرني بيها
تم النشر الاثنين، ١٢ يونيو ٢٠٢٣
آخر حاجه بكره هتكبرى و تبصي لصحبتك نجمة التيك توك و تحمدي ربنا إنك بعيده عنها و هتفكريني و هتفتكري أهلك و هتفتكري كل شخص نصحك بأنك تبعدي عنها و أخواتك هما اللي ليكي فى الدنيا بعد الوالدين صدقيني و صدقي أى حد هيقولك كده لأنه هيكون مر بتجربة اسوء من تجربتك و أدرك إنهم فعلن لا يعوضوا
تم النشر الاثنين، ١٢ يونيو ٢٠٢٣
بس لي دا غلط انا لو مكان البنت دي اهلي هيفرحو بيا لأني المستر بتاعي حابب انو يهنئني وغير كدا انا كنت بعتبر البنت دي صاحبه عمري ف مجيش ابعد عنها لسبب زي دا نص البنات كدا دلوقتي
تم النشر الاثنين، ١٢ يونيو ٢٠٢٣
بالنسبة لصديقك اللي فهمك و بيرفه عنك وقت الزعل اتحداكي يكون حتى معرف أخوه أو أخته إنو بيكلمك و اتحداكي كمان لو مقلش لصاحبو هو بكلم بنت من باب التفاخر (بلاش تظن فيه سوء لا هو فعلن كان بيحترمني و بيعاملني حلو ) أى ولد لما بيكلم بنت صوته بيهدا و بيبقى حنون اكتر ده الطبيعي
تم النشر الاثنين، ١٢ يونيو ٢٠٢٣
بالنسبة لاخواتك أكيد هما مش قصدهم يزعلوكي (لت بيقولولي كلام جارح و بيدايقني) جربتي فى مره تقوليلهم أنا بدايق من هزاركوا و ياريت تغيروه ؟ لو جربتي هتردي و تقولي أيوا جربت و لسا بيكملوا مفيش مشكلة قوليلهم تاني و تالت لحد لما يبطلوا .
تم النشر الاثنين، ١٢ يونيو ٢٠٢٣
كلامك جميل من حقك يبقى عندك صحاب من نفس عمرك تضحكي معاهم و تهزري معاهم و نخرج سوا و ندردش سوا لكن مش كلو ينفع يبقى صاحب أنت قولتي كلمه جميله جداً (أنا كنت بدايق من أنها مبينه شعرها بس أهلها مش مدايقين ) عارفه ده معناه ايه معناه إنك عارفه إن ده فعل غلط و أهلها لا عارفه إن الأنسه اللي عايزة تحافظ على نفسها متلبسش لابس مخالف أو حتي تبين شعره مش جزء بسيط من مقدمة رأسها هقولك موقف يثبت كلامي ( بنت مدرسي العزيز اتكرمت عند مدرس و اتصورت فى صورة جماعية و المدرس نشر الصورة على الفيس من باب التفاخر بطلابه و تهنئتهم و كده المدرس راح يسلم على أبوها و يقولوا على إنجاز بنتو تعرفي ردو إيه ؟اكيد فرح لا ندهلها و قالها ده ينفع هل ده يصح البنت اتكسفت من نفسها لأنها عارفه أنو غلط و لا يصح أنها حتي تطلع فى صورة حتي لو مع مدرسها ) .
تم النشر الاثنين، ١٢ يونيو ٢٠٢٣
انتقاد ف شكلي وف دراستي ودايما انا ف نظرهم وحشه وهما حلوين صحبتي دي كانت بتفهمني اكتر منهم انا كنت بدايق بردو من صحبتي دي عشان بتبين شعرها بس لقيت ان اهلها مش معرضين ف اكيد اهلها عارفين مصلحتها وانا زهقت من كل شويه اتنقل لمدرسة انا بحبها وكمان انا صحبت ولد بس انا عمري ف حياتي مكنت كلمت حد بس هو كان بيفهمني وبيفرحني ف كلمتو وحملو صحبتي المسؤوليه مع ان هي كانت معارضه اني اكلمو بس هما مشفوش دا ودايما صحبتي كانت بتنصحني وكمان كانت بتقولي ان اقول لماما علي كل حاجه بس هما بردو صممو يشوفو الجانب الوحش فيها وانا بجد بتخنق كتير من البيت وببقي لازم ارفه عن نفسي اني اكلم صحابي بس مش عايزني اكلم حد
تم النشر الاثنين، ١٢ يونيو ٢٠٢٣
عمرك مفكرتي إن من الممكن تكون صحبتك أهلك شايفين فيها حاجه أنت مش شايفاها؟ و من قبل ما تردي لأ لانك لو فكرتي مكنتيش هتسألي السؤال ده ممكن مثال على انتقاد اخواتك أو بنسبالك إيه هو الانتقاد ؟
تم النشر الاثنين، ١٢ يونيو ٢٠٢٣
لا مش حكايه ولد هي بنت الي انا صحبتها وبعدوني عنها وكل شويه بروح مدرسة شكل وببعد عن صحابي وكمان اخواتي بينتقدوني كتير
تم النشر الاثنين، ١٢ يونيو ٢٠٢٣
لعرض الإجابة في فدني اضغط هنا