سلام عليكم. انا الحمد لله قدرت اتخلص من عادة كانت مدمرة حياتي وهي العادة السرية.وكمان مبقتش بسمع اغاني ولا مسلسلات ولا افلام من أي نوع وبقيت بصلي كل الفروض في وقتها وكمان مش بفوت السنن ومسحت التيك توك وكنت بكلم بنات دلوقتي ما بكلمش وصلحت علاقتي مع اهلي واخواتي وما بشربش سجاير وبقيت بغض بصري لدرجة اني بخاف اطلع الشارع عشان ما شفش حد وما بطلعش الا للضرورة . بس انا بعد اما عملت كدا حاسس ان حياتي بقت فاضيه وكل حاجة مفيدة بفكر فيها تقيله عليا ذي المذاكرة مثلا او اني اشتغل او اني اقراء كتاب.او اني اروح الجيم او اي حاجه وعلي طول حاسس بضيق وعايز أرجع متفوق زي الاول وعندي شغف بكل حاجة بعملها بس مش عارف.وكمان انا معنديش صحاب خالص.بس عادي بعرف اتأقلم اني اعيش لوحدي .انا عايز اعمل حجات يامة بس انا بقول بس وما بعملش حاجة والايام بتجري وانا واقف مكاني😔
انت توقفت عن عادات سيئة كتير ودي حاجه كويسه جدا و احييك عليها.. لكنك منعت نفسك من حاجات تانيه مباحه زي النزول للشارع اللي بقيت بتخاف تخرج عشان متشوفش حد ودي حاجه غلط إلى حد ما .. إنت لو كنت متعود تخرج او تنزل ومنعت نفسك من النزول عشان تتوقف عن عاده سيئه دا هيخليك تحس ان التوقف عنها وقفلك حياتك بأكملها وهترجعلها تاني.. فالأفضل إنك تخرج بشكل طبيعي وتمارس حياتك بشكل طبيعي وتجاهد في غض البصر وإدعي الله يقوي قلبك وتكون قوي قدام المعاصي ومتلتفتش ليها بسهوله نصيحتي ليك إنت عايز تعمل حاجات كتير .. إعمل قايمه بكل الحاجات اللي عايز تعملها وقسمها لحاجات مهمة ( زي الشغل والدراسة و الكورسات والكارير ) و إهتمامات ( زي الهوايات او حاجه عايز تتعلمها كهواية أو اماكن عايز تروحها او حاجات ترفيهيه ) وإبدأ في تنفيذها بإنك تبدأ بحاجة مهمه ثم تختار حاجه من الترفيه وهكذا
تم النشر الخميس، ٢ مايو ٢٠٢٤
خطوة حلوه وبدايه طريق كويس انك تقرب من ربنا وتعرف اى الغلط إلى كنت بتعملة واتعلمت منة بس مش معنى كدا انك تقفل على نفسك كل حاجة فى الدنيا سلاح ذو حدين انت اعمل الايجابى منها شوف هدفك وحلمك اى وسعى انك تحققه الوقت بيجرى ويمكن احنا مش بنحس بيه بس بنرجع نندم بعدين زى ماقربت من ربنا وحسنك علاقتك بيه ربنا بيحب إلى بيحسن عمله سعتها هاتحس ان حياتك ليها معنى وعايش علشان ليك هدف معين
تم النشر الخميس، ٢ مايو ٢٠٢٤
أفهم شعورك بالفراغ والملل بعد التخلص من العادات السيئة، خاصةً وأنّك لم تُطور عادات جديدة لتحل محلها. ولكن، تذكر أنّ هذا الفراغ مؤقت، وأنّك ستتمكن من ملئه بأشياء إيجابية تُثري حياتك وتُسعدك. إليك بعض النصائح التي قد تساعدك في التغلب على هذا الشعور: 1. ابحث عن شغفك: خصص وقتًا للتفكير في الأشياء التي تُثير اهتمامك وشغفك. ما هي المواهب التي لديك؟ ما هي الأنشطة التي تستمتع بها؟ جرّب أشياء جديدة، وانضم إلى مجموعات أو نوادي تُشاركك اهتماماتك. 2. حدد أهدافًا جديدة: ضع لنفسك أهدافًا جديدة في مختلف جوانب حياتك، مثل: الأهداف الشخصية: تطوير مهارات جديدة، تعلم لغة جديدة، السفر إلى أماكن جديدة. الأهداف المهنية: التقدم في عملك، بدء مشروع جديد، الحصول على شهادة جديدة. الأهداف الاجتماعية: تكوين صداقات جديدة، الانضمام إلى أنشطة تطوعية، مساعدة الآخرين. 3. اخرج من منطقة الراحة: لا تخف من تجربة أشياء جديدة، حتى لو كانت خارج منطقة راحتك. اخرج من المنزل، انضم إلى مجموعات جديدة، تعرّف على أشخاص جدد. 4. مارس الرياضة: ممارسة الرياضة بانتظام تُساعد على تحسين الحالة المزاجية وتُعزز طاقتك. ابحث عن نوع رياضة تُحبّها، ومارسها بانتظام. 5. اقرأ الكتب: القراءة تُساعد على توسيع آفاقك وتُحفزك على التفكير الإبداعي. ابحث عن نوع الكتب التي تُحبّها، واقرأها بانتظام. 6. تواصل مع الآخرين: اقضِ وقتًا مع العائلة والأصدقاء، وتواصل مع أشخاص جدد. التواصل مع الآخرين يُساعد على التخلص من الشعور بالوحدة ويُحسّن الحالة المزاجية. 7. ابحث عن معنى في حياتك: فكر في قيمك ومبادئك، واطلب المساعدة من شخص مُرشد أو مستشار روحي. البحث عن معنى في الحياة يُساعدك على الشعور بالرضا والسعادة. 8. لا تقارن نفسك بالآخرين: كل شخص لديه طريقه الخاص في الحياة. لا تقارن نفسك بالآخرين، بل ركز على تحقيق أهدافك الشخصية. 9. لا تستسلم: التغيير رحلة طويلة تتطلب الصبر والمثابرة. لا تستسلم إذا واجهت بعض التحديات، بل استمر في السعي لتحقيق أهدافك. مع الوقت، ستتمكن من ملء حياتك بأشياء إيجابية تُثريها وتُسعدك. أؤمن بقدراتك وإمكانياتك، وأتمنى لك كل التوفيق في رحلتك نحو حياة أفضل!
تم النشر الخميس، ٢ مايو ٢٠٢٤
عاش يا بطل ، كمل طريقك ودي اعراض انسحابية انك تحس بفراغ و وحدة والخ اعمل اي حاجه بتحبها ذاكر روح اعمل اشتراك في الچيم واتعرف علي ناس شبهك هتتغير للأفضل وانت بالفعل في وضع أفضل من السابق طبعا بالتوفيق.
تم النشر الخميس، ٢ مايو ٢٠٢٤
الي ابحللك الفراغ دا هو الجيم الجيم ايعم ليك كل حاجه وايطلع عندك الهرومون واتهتم بجسمك واتلاقي حاجه تشغل بيها الجيم فوايدو كتيره والله روحو وجرب اتحس بفرق كبير
تم النشر الخميس، ٢ مايو ٢٠٢٤
لعرض السؤال في فدني اضغط هنا