حزينة طول الوقت حاسة إني بتأثر بالحاجه بشكل مبالغ فيه وساعات مبيهمنيش اصلا "بجد مش مجرد ادعاء" قطعت علاقتي بالناس كلها"ده إذا كان في علاقات اصلا" حرفيا ما عدا ماما واختي الصغيرة.
حاسة إني تعبت من التفكير طول الوقت حاسة إني بصدر طاقة سلبية فبقيت بنعزل علي نفسي عشان مأذيش حد او اصدرلة أي نوع من الطاقة السلبية وده تقريبا انتصاري الوحيد بعد ما إتأذيت جامد من مشاكل كتيرة و من ابويا اللي زود عليا كل ده بالتقليل مني
حاسة إني جبت أخري وبحاول اقرب من ربنا طول الوقت عشان يساعدني فالأول لما ادعي واعيط لربنا بلاقي امور كتيرة اتحلت ورجعت اتبسط ورجع شغفي ورجعت ليا الحياة من تاني بمعني اصح بس دلوقتي بصلي ،بقرأ قرآن ، بدعي لربنا واعيط الامور بتهدي بس مبتختفيش او بمعني اصح "احنا فالدنيا فمفيش راحه " بس مبنساش مبتلمش من الآخر
بقالي كتير اوي بحاول اتعافي من الاذية "اللي معرفش سببها بالمناسبة لأنهم كتير" بس للأسف ابي زودها عليا حاسة أنه كسرني من غير ذرة ندم ،بقالي كتير وخفيت عن الاول ، كنت بنهار ومبعرفش اقعد لوحدي كان لازم اقعد مع حد حتي لو مش هتكلم بس يقعد جمبي عشان مأذنيش ،كنت بهرب منه طول الوقت كنت بهرب من ابويا طول الوقت عشان أنا علي حافة الانهيار اصلا مكنش بيسيبني غير لما بنهار وانا طبعي بكتم فبنهار اسرع ، لدرجة فكرت في إني اخلص علي نفسي عشان مبقتش عارفه اسيطر علي نفسي الحاجه الوحيدة الي كانت بتهون عليا إني اقوم اعيط لربنا وأقرأ قرآن واصلي بس دلوقتي حاسة بالارهاق ،اللي مريت بيه مكنش سهل دلوقتي احسن من الاول بمراحل الحمد لله بس عايزة اخف بسرعه حاسه بالإرهاق من كتر ما طولت مبقتش بطيق حاجه مبقتش اطيق اعمل حاجه واكملها للآخر لا شغل ولا علاقات من ساعة ما بدأت اشتغل وانا مبكملش في الشغلانه شهرين حتي واسيبها مش عارفه مالي ولا ايه الحل والدكاترة النفسيين غالين اوي
ولما لقيت الامور بتدهور مني رحت كشف لدكتورة نفسية وشخصتني بإكتئاب حسيت بتحسن بعد ما حكيت حسيت إني قادرة اكمل او حمل كبير انزاح م علي كتفي
أولاً، أنت لست وحدك في هذه المشاعر السلبية وهذه الصعوبات التي تواجهها، وليست علامة على ضعف أو فشل شخصي. بالعكس، فإن طريقة التعامل مع الصعوبات وتحملها هي علامة على القوة النفسية. ثانيًا، الاهتمام بالنفس والتفاصيل الصغيرة يمكن أن يساعدك على الشعور بالارتياح. جربي بعض الأنشطة الهادئة التي تستمتع بها، مثل القراءة أو الرسم أو اليوغا أو الاستماع إلى الموسيقى. كما يمكن أيضًا أن تجربي الخروج للتنزه والاستمتاع بالطبيعة أو القيام بنشاط بدني مثل المشي أو الركض. ثالثاً، إذا كنت تشعرين بالتعب الشديد وعدم القدرة على إكمال المهام، فحاولي تقسيمها إلى مهام أصغر وأسهل لتنجزها في فترات زمنية محددة. لا تضعي نفسك تحت الضغط لإكمال المهام كلها في فترة زمنية قصيرة. رابعًا، من الضروري أن تبحثي عن دعم الأشخاص الذين يمكنهم مساعدتك، مثل الأصدقاء والعائلة. يمكن أيضاً أن يكون من المفيد البحث عن خبراء في المجال النفسي الذين يمكنهم تزويدك بالنصح اللازم والدعم العاطفي اللازم، وستجدين دائمًا دعمًا هنا في تطبيق Fadak. إذا كنت بحاجة لبعض المناقشة أو الاستشارة، يمكنك التحدث إلى مستشار الصحة النفسية المتاح الذي يمكن أن يوفر نصائح فردية بناءة تساعد على تحسين حالتك النفسية.
تم النشر الأربعاء، ٢٩ مارس ٢٠٢٣
اللي انتي فيه ده تراكمات .. لكن ممكن تسردي لينا اكتر، حصل ايه علشان يحصل اللي انتي فيه ده دلوقت؟ وعلاقتك ايه ب والدك؟ ولكن فيه حل كويس جدا، وانك تكتبي مذكراتك ... كل يوم ، تكتبي مشاعرك والاحداث اللي بتحصل في يومك، كل حاجه .. صدقيني هيفرق معاكي جدا.
تم النشر الأربعاء، ٢٩ مارس ٢٠٢٣
هو أنا مفروض أقولك كلام إيجابي بس صدقيني حاسه بيكي جدا ومليون دوامه ورا بعض ودماغك خلاص هتنفجر ولكن ال بيصبر ويخلينا نكمل إنها فعلا دنيا ودار شقاء فانيه بنحتسب صبرنا لله يتقبله ويكفر بيه ذنوبنا.. وعلي قدر الايمان يأتي الابتلاء فالحمد لله إن ربنا بيعلق قلوبنا به آكتر.. وكل فتره حاولي تخرجي وتفرغي كل متاعبك وأفكارك وتفصلي شويه لنفسك ترتبي دماغك واهم حاجة صحتك ف بهداوه كده وطبيعي حببتي يجيلكك فتره إرهاق استعيني بربنا وارمي ورا ضهرك الفات مش تخليه ياكل من دلوقتي.. الحمدلله حببتي لو اتبعتي نظام مرققات القلوب وهي إنك تعرفي أحوال المرضي والمحتاجين هتفوقي إنك فنعمه كبيره وهينه وربنا مش بيحمل حد فوق طاقته فالحمد لله مش تستعجلي بالعكس خدي وقتك فالتعافي و النسيان واستمتعي بالموجود
تم النشر الأربعاء، ٢٩ مارس ٢٠٢٣
لعرض السؤال في فدني اضغط هنا