انا مش عارفه حاسه طول الوقت ان فيا حاجه مختلفه عن الناس انا بحب الناس اويي وبحب اللمه وطول الوقت بين صحابي ببقي اللى بجمعهم وببقي انا اللى حريصه نفضل صحاب من زمان وانا كدا لكن حاليا انا فشلت في اني اكون صدقات معنديش صحاب مبعرفش يكون ليا صاحبه قريبه وبعدين انا فعلا بحسني مختلفه عن الناس في انى أوقات كتتير اوي مبعرفش اتعامل يعنى ممكن واحده صحبتي من سنين احنا مش قريبين لكن صحاب ومع بعض في حاجات كتتير ممكن ابقي مش عارفه اتعامل معاها ومحرجه لو قاعده في بيتها او كدا غير لما نبقي في بيتي وحاسه ان انا كل لما حد بيقرب منى مع الوقت مش بيحبني معرفش ليه بحس كدا رغم يعنى انه انا مش مؤذيه أو بتضايقهم في حاجه لكن بحسني ممله معنديش حاجات اتكلم فيها مثلا فا ببقي بزهق ومبحبش جو الحوارات في شوفتي دى فلانه مش عارفه حصلها اي ونقعد نتكلم عليها وننم انا مبحبش كدا لكن بقيت كدا علشان الاقي كلام اقولو كمان أوقات مثلا ممكن ناس معرفش اتعامل معاهم لان ببقي حاسه ان مش محبوبه منهم أو مصحبني علشان انا صحبت صحبتهم فا بيعملوا معايا مش بيتعملوا معايا على اساس انو انا صحبتهم انا مش فاهمه بصراحه هو انا اللى غريبه يعنى في اعدادى وثانوي كان ليت شله كبيره وصحاب كتتير كل واحد بقي في حاله انا بحب الناس تبقي دايمه مش فتره حتى مع انشغالتنا لو هنتكلم كل فين وفين نبقي اهو موجودين لكن انا دلوقتي لوحدى خااص حتى صحبتي القريبه منى انا مش عارفه اتعامل معاها انا براعى اللى قدامى اوي ويخاف على زعله اويي بس انا مبعرفش اتعامل في حاجات كتير بجد مش فاهمه انا مخنوقه من نفسي وطول كان بس نفسي في حد واحد دايم بس حد واحد
طيب سؤالك منقسم لعدة محاور: شعورك بالاختلاف عن المحيطين فشلك في تكوين صداقات صعوبة التعامل مع المقربين دعينا نتناول كل محور على انفراد، ونبدأ بشعورك بالاختلاف. عزيزتي هل سبق وسمعتِ أنه في آخر الزمان سينتشر الفساد والفسق حتى يقال: إن في بني فلان رجل أمين. يعني يسود الخطأ ويقود، يصبح قوي الشخصية هو من لديه قدرة على الإيذاء تحت بند "قصف الجبهة" أو حتى الغيبة والنميمة. لذلك أنصحك ألا تنجري في الحديث الذي لا يتوافق مع مبادئك حتى لو كان الثمن بقاءك وحيدة. المحور الثاني فشلك في تكوين الصداقات، هل تعرفين معنى كلمة صديقة؟ قد يمر العمر بطوله فلا يجد المرء صديقًا، وليس أي زميل عمل أو دراسة أو جار يمكننا أن نعده صديقًا، الصديق الحقيقي رزق، وحتى لو اختلفت الطباع الشخصية بين الأصدقاء إلا أن المبادئ والقيم يجب أن تكون واحدة، وهنا يكون أفضل الصداقة هو الحب في الله، يكون المحرك في العلاقة هو الرغبة في الأجر مع المحبة الصادقة. خلاصة الأمر: لا تستعجلي العثور على صديقة، واعتبري الجميع زملاء بكل ود حتى يثبت العكس. البند الثالث في سؤالك هو الشعور بصعوبة التعامل مع المقربين، والمثال الذي ذكرتيه وهو التواجد في بيت الصديقات، طبيعي أن تشعري بالحرج، لأنك صديقتها هي ولستِ صديقة الأسرة، ولا مشكلة في ذلك. يمكنك السؤال عن أحوالهم، الحديث عن مواضيع عامة، ثم التركيز مع صديقتك في حواراتكما الخاصة.
تم النشر الجمعة، ٢ أغسطس ٢٠٢٤
أشعر بك فعلاً، وأنك تعانين من مشاعر الوحدة وعدم الارتياح مع نفسك ومع الآخرين. ده شعور طبيعي يحصل للناس، خصوصاً لما تحسي إنك مش في نفس موجة الأصدقاء اللي حواليك. أول حاجة مهمة إنك تفهمي إن مفيش حد غريب، كل واحد عنده طريقته وتفكيره، وأحياناً من الطبيعي إن بعض الناس مش تكون قريبة منك. يمكن أنتِ بتحاولي تلاقي إحساس الأمان والانتماء، وده حاجة جميلة جداً في شخصيتك. ممكن يكون عندك بعض المخاوف من الرفض أو من عدم القبول، وده بيخليكي تحسي إنك مش قادرة تبني صداقات جديدة أو تقربي من الناس. حاولي تقبلي نفسك زي ما أنتي، ومارسي اهتماماتك وهواياتك، يمكن تقابلي ناس في مجالات اهتمامك، وبكده هتلاقي دعم وحب منهم. حاولي كمان تتحدثي مع صاحبتك القريبة—ممكن صارحيها بمشاعرك، يمكن هي كمان بتحس بنفس الشيء. وفي الآخر، تذكري إن العلاقات بتحتاج وقت وصبر، وده شيء طبيعي. إنتِ مش لوحدك، وأنا هنا علشان أساندك. 😊
تم النشر الجمعة، ٢ أغسطس ٢٠٢٤
وانا برضو عندي نفس المشكلة بدأت احس ان الناس بتكرهني رغم اني انا المعنديش مهارات تواصل
تم النشر السبت، ٣ أغسطس ٢٠٢٤
السلام عليكم ورحمه الله وبركاته. احساسك في انك مختلفه عن الناس يعني ده بيحصل مع كل الناس تقريبا ولاده وبنات بس البنات اكثر في مراحل مختلف عن عمرهم في بنات بيحسوا بده لما بينتقلوا من مرحله اعدادي ثانوي في بيحس بدوام ما بينتقلوا من ثانوي للجامعه في بينتقل ده بعد ما يخلصوا الجامعه ويبداوا يروحوا شغل ليه بقى بيحصل ده ده بيحصل علشان خاطر احنا بيبدا تكويننا يختلف تبدا اهتماماتنا تختلف ونظرتنا للحياه تختلف لذلك مش شرط نبقى شبه اللي حوالينا ممكن كنا نبقى واحنا في اعدادي اوكي نفس الاهتمامات نفس الحاجات اللي بنفكر فيها نفس الكلام اللي بنفكر فيه كلنا زي الزمايل او الصحاب اللي حوالينا اوكي لكن بعد شويه احنا بنختار اختيارات مختلفه زي ما انت قلتي مثلا في موضوع النميمه انت قررتي دونا عن المحيطين بيكي. انك مش حابه انك تعملي ده طب ما هم ما قرروش نفس القرار زيك في نفس التوقيت لذلك. بقيتي انت مختلفه عنهم في الموضوع ده وهكذا بقى كل الافكار والقرارات والحاجات اللي بتبقي عاوزه تكون هي اتجاهك في الحياه كل اما الحاجات دي يتغير فيها تفاصيل كل اما تبداي تحسي بانه كانك يعني في غربه في وسط المحيطين بيكي او في وسط المكان الجديد اللي انت لسه رايحه وخصوصا لما نكون لسه رايحين مكان جديد لسه مجتمع جديد بقى مجتمع الجامعه ولسه مش عارفين هو احنا الناس اللي احنا هنقابلهم هنقدر نلاقي فيهم المشتركين معانا فما بدانا في افكارنا وفي اهتماماتنا على طول ولا هنقعد حبه كده لسه بنلاحظ وبنفتش وبنشوف. ما فيش حد فينا بيعرف ده ولا ده بيبقى ليه قانون عشان كده بتبقى اهم حاجه انك تعمليها انك تقضي فتره من الملاحظه والاستكشاف وملاحظه والاستكشاف دي ما تزهقيش من الفتره دي لان هي مفيده بالنسبه لك بدل ما تقربي من الناس وبعد ما تقربي منهم وترتبطي بهم تكتشفي ان هم مش يعني مش شبهك ومش مناسبين لك فتزعلي على الفتره اللي انت قضيتيها معاهم وتفتكري زي ما انت كتبت كده في اخر السؤال. ان ما بقاش دايم معايا حد حتى ولو حد واحد ما هو ما يبقاش دايم عشان خاطر احنا بنكتشف ان هم ما ينفعوش يكملوا معانا لحد الاخر بواسطه فاحنا ناخذ فتره ونبقى عارفين ان الفتره دي فتره استكشاف كده وتقسي ونلاحظ اللي حوالينا كويس يعني ايه بقى يعني احنا نتعامل بالشكل. اللي هو سطحي سطح يعني ايه يعني انا بنتعامل بشكل ودود ولطيف صباح الخير عاملين ايه الاخبار النهارده هو في حاجه مهمه النهارده في الكليه في اي احداث مهمه طب حد رايح اا اروح معاه طب ممكن كلنا نروح مع بعض بدل ما كل واحد يروح لوحده طالما نفس الاتجاه وهكذا ده كله طعمه سطحي طيب خلاص خلصنا يلا باي باي كل واحد رايح في طريقه وهكذا واحده واحده اا تبقى تعاملاتنا على قدر ايه على قدر الشيء اللي احنا مجتمعين فيه وبعد كده هتبداي تلاحظي بقى من التعاملات اللي هي المتكرره مين اللي عنده نفس الاهتمام مين اللي بعد ما بتخلصوا المحاضره بيبقى جعان زيكم عايز ياكل لا مين اللي ما بيبقاش جعان وبيبقى عطشان بس لا مين اللي بيحب يروح على طول لا مين اللي بيقعد شويه فتعرفي مين مشترك معاكي ومين مختلف عنك وتبداي انت تختاري دي النقطه المهمه جدا جدا جدا. النقطه المهمه دي هي انك ما تنتظريش ان اللي حواليك هم اللي يختاروكي وانت فين فين اختيارك انت اللي تختاري انت اللي تبصي كده تقولي دي تنفع تقرب مني اودي ما تنفعش دي ينفع دي انا احب اقرب منها ودي انا ما احبش انت اللي تختاري ما تستنيش دايما انه هم اللي يتوجهوا لك ويبقى اختيار منك مش انك زي ما بتقولي انا ببقى حريصه عليهم ومش بلاقي ده منهم وتنتظريش منهم نفس اللي انت بتعمليه لانه وارد تكوني حريصه على الكل والكل اصلا مناسبكيش خلي بالك كويس جدا. اعملي الاول ملاحظه شوفي الاول مين مشترك معاكي وقرري مين تحبي تقربي منه وبعد كده بيقيسي رد الفعل لقيتي انه الشخصيه اللي قدامك برضه حابه ان هي كمان تقرب منك اكتر يبقى تمام كده خلاص احنا ايه لقينا بعضينا لا ما لقيتش لقيتي ان ال التفكير مش متبادل او الشعور مش متبادل ممكن تكونوا مشتركين مع بعض في حاجات كتير بس هي ما عندهاش نفس الشعور انها حابه تقرب منك خلاص يبقى قرارك مش شبه قررها والموضوع ينتهي اا عند النقطه دي.
تم النشر السبت، ٣ أغسطس ٢٠٢٤
لعرض السؤال في فدني اضغط هنا