ازاي ابطل افكر في حد مش من نصيبي اصلا حاولت كتير اشغل نفسي بس في عز انشغالي بفكر فيه برضو مش عارفه اعمل اي بقيت فاقده الشغف في اي حاجه مبقتش زي الاول حاسه اني تايهه مش عارفه اعمل اي ومش عارفه انا عايزه اي من الحياه ؟
بصى هى اكيد صعبة وهاتخدى وقت طويل بس اقعدى فكري فيها انتى تفضلى بتفكري فيه وشغلة عقلك بيه وهو هايعيش حياتو اكيدلا لازم تفكرى فنفسك يمكن ربنا مش شايف خير ليكو مع بعض وشايف حد ليكى مناسب اكتر وحدةوحدة هاتنسية ربنا معاكى
تم النشر السبت، ٢٥ مايو ٢٠٢٤
انا هقول لك امتى هتبطلي تفكير في الشخص ده وانت هتستعيدي شغفك كده للحياه وتعرفي تستمري في الحياه. لما تقرري ان ما فيش مشكله ان الواحد يحلم تاني من اول وجديد لما بنكون ركزنا على شخص معين وبنينا كل الاحلام فبنحس ان احنا عملنا كل المجهود المطلوب خلاص بقى هو ده وهنسمي ولادنا ايه البيت هنعمل الحيطان بتاعته لونه ايه ونبقى يعني قتلنا الموضوع بحثا فكرنا في كل التفاصيل الصغيره قبل الكبيره فلما نيجي الحدوته تخلص نبص كده نقول ياه هو انا هعيد تفكير في ادق التفاصيل كده تاني من الاول لا مش هقدر لا ما عنديش الجهد ده طبعا الفكره بتاعه اني ما عنديش الجهد ده ده كلام مش حقيقي. والجهد موجود وربنا بينعم علينا كل يوم الصبح بنقوم وبجسمنا الحمد لله سليم ومعافى وعندنا الجهد اللي نستمر به في الحياه ولكن دي بتكون خدعه من جوه مخي. علشان ما يخلينيش اعمل مجهود تاني وهو دلوقتي بقى المجهود ده بالنسبه له مرتبط بنهايه فيها لم اللي هو انا هعمل كل المجهود ده وفي احتمال ان انا اتالم لانه ممكن الحدوته تنتهي. طب سؤال هو ايه المشكله هو الواحد لو دخل عمل طبخه لاول مره وبازت واتحرقت منه هيبطل ياكل؟ طبعا هتسمعي الكلام ده وتشوفي انه كلام غير منطقي لا طبعا يعني يروح ياكل حاجه حاجه تانيه طب يروح ياكل حاجه تانيه يروح ياكل حاجه مش نضيفه برضو لا هينتقي حاجه نضيفه وطعمها برضو حلو اذا الانسان طبيعته ان هو بيروح يدور على البدائل بيروح يدور على ايه اللي بعده طب ايه اللي بيخلينا نتصرف في التصرف ده هي خدعه بس من المخ انه لا انا مش هقدر اعمل ده ثاني في اول ما تعرفي انه الحدوته اللي خلصت مش معناها ان ما فيش حواديت تانيه وان انا هقدر عادي جدا ابني تفاصيل ثانيه في الحياه ساعتها هتبطليه تفكري في الشخص ده لو ما قررتيش القرار ده هتفضلي متمسكه بالحدوته القديمه ونفسك نفسك انك ما تبذليش المجهود ده تاني وتبقي اكتفيتي بالحدوته اللي انت بناتي كل تفاصيلها وكتبتي كل الوانها. كل حاجه فيها وتبقى توتا توته فرغت الحدوته وعاشوا في تبات ونبات بدل ما نرجع نقول حدوته من اول وجديد اتمنى تكون الفكره وصلت لك.
تم النشر السبت، ٢٥ مايو ٢٠٢٤
يبدو أنك تمرين بفترة صعبة. اول حاجة انا عايزه اقولك إنه طبيعي جدا تحسي بالكآبة والتفكير في أشياء مش من نصيبك، بس ده مش يعني انك توقفي الحياة. انتي زي أي حد تمر في مشاعر مختلطة وده طبيعي. اول خطوة حلوة هانت الاعتراف ان في حد مش من نصيبك ومش مرض انك تحسي كده، تاني خطوة ابتدي تركزي على نفسك وتطوري نفسك. جربي حاجات جديدة، اكتشفي هواياتك، شوفي أصحاب بيشجعوك، ممكن كمان تتواصلي مع دكتور نفسي نبحث مع بعض على القدرة تساعدك. في النهاية، متنسيش إنك أهم شيء في حياتك وده اللي لازم تركزي عليه.
تم النشر السبت، ٢٥ مايو ٢٠٢٤
اشغلي نفسك بحاجه مثلا حفظ قرآن. دراسة علم شرعي، تنزلي جيم، اقرأي كتب، كوني صداقات جديدة وقبل كل دا اطلبي العون من ربنا وقوليله يارب لو خير ارزقني اياه وإن كان شر ابعدني عنه وابعده عني ورضني يارب بس كدا
تم النشر الأحد، ٢٦ مايو ٢٠٢٤
لعرض السؤال في فدني اضغط هنا