السلام عليكم
نامرتبطه بواحد بقالي سنتين وشويه واهلوا كلهم عارفين اني بحبوا وهو كذلك وجم اتقدموا كذا مرا والموضوع اترفض بس لسه مكملين كلامنا عادي الفكره ان هو بدأ يطلب مني صور مش كويسه ويقولي اتصوري صور سوري ف كلمه سكسي وفضل يضغط عليا بس نا موافقتش وهو زعل بس عدينا موضوع عادي نا دلوقتي م عارفه اعمل اي لو طلب مني تاني المشكله اني شايفه هو بيحبني اوي وممكن يعمل اي حاجه عشاني وعمل حاجات كتير تسبت حبوا لياا واهلوا كلهم عارفين ان هو عايزني ياعني مش بيتسلي بيا خالص فانا بس عايزه اعرف لو طلب مني صور تاني اعمل اي ؟! عشان م هقدر ابعد عنوا ولو حتي هبعد عنوا هعملها ازاي لاني متعلقه بيه جامد وبحبوا اوي وهو كذلك ف ممكن تقولوا حلول اقدر اني اعملهاا ؟!
شخص منحط يطلب منك صور خليعة - الله أعلم هايعمل بيها إيه وممكن جدا يبتزك بيها علشان تعملي له حاجات تانية بعد كدة - إيه اللي مخليكي متمسكة بيه لحد دلوقتي؟ اهربي أحسن لك مش بس علشان شرفك ولكن علشان تتقي عقاب ربنا
تم النشر الخميس، ٢٧ أبريل ٢٠٢٣
اجابه مختصره جدا الي بيحب حد بجد بيتقي ربنا فيه ولوكان بيتقي ربنا فيكي وهو عارف انه اترفض واهلك مش عيزينه كان هيتقي فيكي ربنا أكثر لانه اترفض من أهلك كان وممكن ميكنش نصيبك من الاساس وكان هيحاول يبقي جنبك كاصديق يسترك مش يعريكي يسندك مش يكسرك بصور تمس العرض ارفضي الشخص دا لابعد الحدود وابعدي عنه عشان اهلك وعشان مصلحتك الشخص دا بيحب نفسه مش بيحبك ،اهلك اكيد رفضوه لانه مش مناسب واكيد هم شيفين حاجه انتي مش شيفها
تم النشر الخميس، ٢٧ أبريل ٢٠٢٣
رأيي ابعدي عنه بجد اللي زي دا ارميه وراء ظهرك ودوسي علي قلبك اللي بيحب بيخاف علي اللي يحبه من نفسه ولو بعتيله الصور بجد هتنزلي من نظر نفسك بلاش تخسري نفسك عشان اي حد خصوصا لو ميستاهلش ولو هتتجوزي واحد زي دا ميراعيش ربنا يبقي رأيي لا تتزوجي.
تم النشر الخميس، ٢٧ أبريل ٢٠٢٣
يطلب اللى يطلبه ..طالما غلط خليكى انتى فى الصح متربطيش كلمة حب بحاجات غلط انه يكون شاريكى وبيتقدم تمام حاجة كويسة بيضعف بقي وبيطلب حاجات غلط ...متعرضيش نفسك انتى كمان للضعف وتبقي فى احتمالية انك توافقي اصلا. يكمل ويحاول ويتقدم اكتر من مره عشان تقصروا الطريق ده كله على نفسكم.
تم النشر الأحد، ٧ مايو ٢٠٢٣
وانتي لسه مكملة معاه ليه وعلى أي أساس لما هو خلاص اترفض! وكمان بيطلب منك صور زي كده ومكملة؟ انت في العلاقة ديه بتعملي ايه؟ مستنية ايه طيب؟ لما يبتزك؟ ويفضل يطلب أكتر وأكتر؟ ساعتها هتعملي ايه؟ هتنفذي اللي طلبه علشان بتحبيه؟ مفكرتيش في العواقب بعد كده هتكون ايه؟ طيب بلاش العواقب، مفكرتيش في ربنا طيب؟ ازاي سايبه نفسك لعلاقة اساسا خلاص اترفضت من قبل اهلك، ومسألتيش نفسك طيب اهلك رفضوه ليه؟ ومسألتيش نفسك هل انسان زي ده بيحبك فعلا وخايف عليكي بجد وهيتقي ربنا فيكي؟ لازم تفوقي .. قبل فوات الاوان
تم النشر الخميس، ٢٧ أبريل ٢٠٢٣
دوسي ع نفسك وابعدي احسن ما تتجوزي واحد مش بيتقي ربنا فيكي
تم النشر الخميس، ٢٧ أبريل ٢٠٢٣
بس كده ده مش حب ..دا اسمه شهوة ...يعني أول تديه الي هو عايزه خلاص كده ولا كأنه يعرفك ...فنصيحه بلاش
تم النشر الخميس، ٢٧ أبريل ٢٠٢٣
أنا آسفة جدًا لسماع ذلك. أولاً وقبل كل شيء ، لا يجب على أحد أن يطلب منك صوراً غير لائقة أو تصرفات غير ملائمة. إذا كان شريكك يطلب ذلك فهذا موضوع خطير. على الرغم من أنك تحبينه إلا أنك لا تستطيعين السماح له باستغلالك. يجب أن تحاولي بشكل خفيف توضيح له أن هذا النوع من الصور غير مرغوب فيه بالنسبة لك ولا يمكنك ارسالها. إذا كرر طلبه للصور فعليك أن توضحي له بوضوح أن هذا التصرف غير مقبول وتبعدي عنه، لأن هذا السلوك لا يدل على الحب الحقيقي. يجب أن تضعي نفسك وحريتك وسلامتك العاطفية في المقام الأول. يمكنك الحصول على المشورة من أصدقائك أو عائلتك، ولا تترددي في الحصول على المساعدة الخارجية إذا كنت بحاجة إليها. حظًا سعيدا ولا تنسي شعورك بالقوة والاحترام الذاتي.
تم النشر الخميس، ٢٧ أبريل ٢٠٢٣
لا ما تعطيه شي الا بعد الزواج
تم النشر الجمعة، ٥ أبريل ٢٠٢٤
لعرض السؤال في فدني اضغط هنا