السلام عليكم عندي مشكله صعبه جدا ياريت تساعدوني
ناا بكلم واحد قريبي بقالنا حوالي تلت سنين او سنتين وبنحب بعض جدا وهو معرف اهلوا بيا وجه اتقدم بس اترفض وكذا مرا بس احناا لسه مكملين وبنتكلم علي امل ان احنا ناخد بعض ومفيش حاجه مستحيله
المهم ناا كنت بقابلوا وكنا بنضحك ونهزر والدنيا تمام اوي وفجأه مسكت تلفوني لقيتوا باعت لاكتر من 100 واحده داخل يكلمهم وكمان داخل لبنات م كويسه ياعني باعت هاي نتعرف مثلا وحنبهاا ايموشنات مش تمام كدا وكمان الي داخل يسالها هيا دي صورتك وجنبها ايموشن قذر كدا المهم اتخانقت معاه واي دا وبتاع قالي دا م زمان والله ومش فاكر وفضل يبرر وفعلا الكلام دا كان من سنه بس هو نسي يمسح الشتات مع العلم اني ف وقتها كنت بكلموا
ف بعدين حاليا فضل يعتذر وبقولي سامحيني ومش هتحصل تاني ونا بحبك ومش هقدر اعيش من غيرك ونا كنت ضايع زمان بس معاكي اتغيرت وكلام من دا
اي رأيكوا اكمل واسامح ولا لا
نا نفسيا مش متقبلاه وقلبي بيقول سامحيه عشان بحبوا لاكن الي شفتوا علي تلفونوا مش شويه نا اتكسرت جامد الي هو قرفت منوا كدا بس يمكن فعلت هو اتغير والكلام دا كان من زمان ونا ظلماه مش عارفه افيدوني لاني حياتي واقفه مش عارفه اخد قرار نهائي
وعليكم السلام هو الاصعب فى المشكلة انك سايبة الكلام بينكم رغم رفض اهلك. هل انتى شايفه اسبابهم مع الوقت هتتغير . طيب اهو ربنا ظهرلك حاجة انتى كنتى غافلانه عنها عشان تعرفى ان السكة غلط. متتجاهليش اللى بيظهرلك....والموضوع مش موضوع سماح ولا الكلام ده ...ده موضوع انك تتأكدى انك بتختارى زوج وشريك حياه يكون شبهك وينفعك وترضوا ربنا سوا.
تم النشر الأربعاء، ٢٢ مارس ٢٠٢٣
طيب انتي مكملة على أي أساس؟ يعني لما لما جه كلم أهلك، واترفض انتي ليه مكملة معاه؟ وايه الخطة اللي هيقنع اهلك بيها بالزواج؟ ما هو لازم تكون فيه خطة لاقناع اهلك، مش معقول مثلا هتقعدي معاه سنتين ثلاثة كمان معاه! الاهم بقى ... مسألتيش ليه نفسك، ان اهلك رفضوه؟ وجهة نظر الاهل في الشخص الام والاب بتبقى مهمة جدا في الشخص، ف اكيد هما ليهم وجهة نظر ومهمة، لازم تستمعي ليها وتفكري فيها. أما بقى عن الحاجات اللي لقتيها على الفون بتاعه ف ديه حاجة غير مبشرة بالمرة، ولازم تراجعي نفسك كويس جدا في العلاقة ديه. وفكري في الشخص نفسه وفي اخلاقه وفي طباعه، ونحاول معلش نركن المشاعر والحب والفراشات على جنب، ونفكر في الشخص نفسه، هل الشخص ده يصلح انه يكون زوج صالح ليكي ولا لا؟ هو ده الشخص اللي عايزاه أب لااولادك ولا لا؟ وحاولي بقدر الامكان بعد ما تفكري في كل ده ... لو كان قراراك انك تكملي ف ياريت تسرعي في انه يشوف طريقة يقنع بيها اهلك، لان كلمة مفيش مستحيل ديه، (عادي يعني ما ممكن اهلك يصروا على موقفهم) برده ... ف حطي ديه في بالك برده . واتمنى ليكي التوفيق
تم النشر الأربعاء، ٢٢ مارس ٢٠٢٣
بصي هو الموضوع ممكن يكون جه من عند ربنة عشان ينجيكي من غلط كبير انتي بتقعي فيه اولا انك مكمله رغم رفض اهلك وثانيا ممكن يستغلك وياذيكي ويتجاوز معاكي زي البنات دي وثالث حاجه انه بيكون عنده طبع ومهما البنت عملت عمرها مهتملى عينه لانه بيفكر ف حاجه واحده دول للتسليه ودي مراتي ام عيالي الي واثق فيها ف خلاص هتفضلي الصوره الحلوه قدام الناس وهو هيفضل يعك بينه وبين نفسه ولو فضلتي تدوري وراه هتفضلي تلاقي ف الحل من وجه نظري قوليله انك مش واثقه فيه وانك اتكسرتي بسببه وانك شكيتي ف كل لحظه بينكم وف كلامه وف مشاعركم وانه حتى اعتذاره انتي شاكه فيه لانه مجرد كلام مش فعل وانهي معاه عايزك وبيحبك يعمل المستحيل ويخلي اهلك يوافقوا عليه رفضوا يبقا هم شايفينه مينفعلكيش وهم عندهم نظره اكيد
تم النشر الأربعاء، ٢٢ مارس ٢٠٢٣
لعرض السؤال في فدني اضغط هنا