السلام عليكم ورحمة الله وبركاته في اوقات كثيرة اكون اريد التحدث في موضعات معينة ولكن عندما ابدا الحديث لا اجد كلمات اعبر بيها عمي اريد ان اقول واجد نفسي اتحدث في اموري بعيدة وتافهة فقد امضي ساعات اتحدث بلا فائدة وانسي الموضوع الاساسي في البداية كنت اقول ان هذا الامر يحدث لي لاني في وسط إجتماعي غير مناسب ولكني عندما بدات استخدام تطبيق فدني وجد ايضا ان هذا المشكلة ما زالة عندي لم اكن اهتم بهذا الامر فيما سبق حدا علمت ان كثرة الكلام التافه والقيل والقال وكثرة السوال كله هذا محرم في الشريعة كما انه يضيع لي وقت كبير فقد امضي 6 ساعات في الحديث عن موضوع شريح كان سوف يستغرق 10 دقائق فقط الامر الذي يجعلني اهرب من الدخول في اي نقاش او محادثه وبإختصار اريد الاجابة على هذا النقاط
كيف اتحدث عن موضعات معينة دون إطالة الحديث عنها
كيف اركز على موضوع واحد ولا اخرج منه
كيفية إكتساب مهارة إصال المعلومات
قد يكون الامر تافه بعض الشئ ولكن هذا الامر يهمني كثير ولقد قراءة العديد من المقالات وبعض الكتب وحضرة كثير من المحاضرات التي تتحدث عن هذا الموضوع ولكن المشكلة تزداد وكنت متردد في طرح هذا السوال مع اني اطرحه على منصة متخصصة في طرح الأسئلة ولكنني قررت ان اخذ بالحكمة القائلة اثنين لا يتعلمان ابدا واحد لا يسال حياء واخر لا يسال تكبير
هو حضرتك مأفصحتش عن تفاصيل اكتر و دا ممكن يخلينى افهم بطريقة خاطئةو لكن على هجاوبك على حسب اللى انا فهمته بصراحة انا كمان كنت بعانى من هذه المشكلة نوعا ما بحيس انى مكنتش بعرف انا هقةل ايه و هقوله ازاى و بطول فى الكلام و بقول تفاصيل ملهاش لزمة اصلا بالرغم انى ممكن اختصر الموضوع و لكن اول حاجة متفكرش ان دى مشكلة يعنى حاول على قد ما تقدر تقنع نفسك انه الموضوع عادى علشان ميبقاش وسواس عندك و كمان حاول انك تمارس الموضوع و تدرب عليه يعنى قول لنفسك انا هتكلمفى موضوع كذا مع فلان و هختصر الموضوع فى نقاط معينة فى البداية هيكون صعب عليك و هتحس انه مفيش فايدة و لكن بالتكرار و مع انك هتكون مركز فى كل مرة فى افكارك و الكلام اللى بتقوله الموضوع هياخد منك وقت و محتاج صبر و لكن مهارة التحدث بالذات محتاجة ممارسة و بلاش تعقد الموضوع على نفسك حاول تخلى الموضوع سلس و بسيط
تم النشر الأحد، ١٤ أبريل ٢٠٢٤
الأهم ومشكلاتها تدخل في الجد فيها بدون كلام فرعي للمشكلة مثلا بحدث أهلي عن مشكلة ما أتوجه بكلام ليس فرعي مهم
تم النشر الأحد، ١٤ أبريل ٢٠٢٤
وعليكم السلام ورحمة الله بركاته ، المشكلة ليست تافهة خصوصا لما تقول إن الموضوع ممكن يتم ايصاله فى ١٠ دقائق ويستغرق الأمر معك ٦ ساعات فبالتأكيد ليست تافهة ... أولا * ركزززز وأنت تقرأ ولا تتشتت*...معرفة سبب ما تعانى منه لا يمكن الجزم به بعد ما قولت مشكلتك فقط خصوصا انك مقولتش كم عمرك ومن أمتى بتعاني من المشكلة دي وهل فى مشاكل قد تدفع لكثرة الثرثرة زي المشاكل الاجتماعية او حياتك الخاصة اللى ممكن الثرثرة تكون مجرد وسيلة للهروب منها ! ففكر هل فى امور معينة بتحب تتكلم فيها كتير او مواقف معينه تدفعك لده ؟ ...وكمان فكر فى هوايات معينة ممكن تخرج طاقتك فيها بدل ما تخرجها فى كثرة الكلام ..وقد تكون تعانى من مشكلة نفسية وفى حاجات كثير ممكن فرط النشاط وتشتت الأنتباه أو الهوس وده الشخص بيتكلم فيه بصوت عالي وبسرعة وبيتكلم فى موضوع وقبل ما يوصل الفكرة يدخل على موضوع تاني وهكذا وتشخصيك ده اللى هتعرفه بزيارة الطبيب النفسي إن شاء الله .... فى بعض النصائح اللى ممكن تقلل قليلا من حده الأمر إنك قبل ما تتكلم١* فكر إنت عاوز تقول إيه بالظبط يعنى خلاصة الموضوع و٢*خذ نفس عميق قبل الكلام و٣* تكلم ببطئ و٤* أفصل بين كل جملة وجملة واسكت ثواني و٥*أبعد عن أي دوشة حواليك بحيث تعرف تفكر فى هدوء و٦* ركز إن تسمع أكثر ما تتكلم وممكن تعمل حيلة بسيطة بإنك تشرب ميه وتخلى الميه فى بوءك شوية بحيث إنك متعرفش تتكلم فترة وتجبر عقلك إنه يدرك إني ممكن بؤى ميتكلمش واستخدم ودني فقط مرة مع مرة زود المدة قبل ما تبلع الميه لحد ما تهدأ شوية ....وانصحك ب عدم القراءة كتير عن مشكلتك عشان متتوهمش حاجات عندك وتبدأ تسقط الكلام اللى بتقرؤه على نفسك وهى فى الأصل مش موجودة وتدخل فى دوامة الوسوسة ..كثير من الناس اللي شايفة ان عندها مشكلة تخجل من الافصاح عنها او طلب المساعدة من المختصين ولو كانت القراءة هي الحل كان كل الناس عرفت تحل كل مشاكلها بالقراءة فقط وشراء الكتب! حتى الطبيب النفسي اللى بيعالج ويساعد الناس هو لو حس انه عنده مشكلة نفسية معينة رغم انه درس الطب النفسي وقرأ عنه وعرف طريقة العلاج إلا إنه بيلجأ لطبيب نفسي آخر أو زميله عشان يساعده ! فطالما انك غير قادر على التركيز فى موضوع معين فلا تتردد فى زيارة عيادة متخصصة إن كنت جاد في رغبتك لان لو كان فى مشكلة حقيقية فلن تتمكن من علاج نفسك بنفسك من بعض النصائح البسيطة اللى ممكن نقدمها لك .
تم النشر السبت، ١٣ أبريل ٢٠٢٤
فى حل بسيط جدا و هو بمجرد ما يخطر موضوع ما فى دماغك و تحبى تتكلمى عنه ف أما تكتبيه ف ورقة أو على التليفون علشان متنسيهوش أو بمجرد ما تفكر فيه تروحى فى نفس اللحظة تكلمى الشخص دا فى الموضوع اللى فكرتى فيه علطول و الاهم من كل دا أثناء كلامك عن الموضوع المهم دا لازم الشخص اللى تكلميه يتفاعل معاكى و يبدى رأيه و تتناقشوا فى الموضوع دا لانه دا هيفيدك اولا انك تعرفى تدخلى فى اى نقاشات سواء انتى الصح أو الغلط بس هتعرف تبدى رايك بخصوص الموضوع دا ثانيا لما الشخص اللى قدامك يتناقش معاكى و يفضل يتكلم على الموضوع اللى فكرتى فيه من الطبيعى هتلاقى نفسك مشغولة فى الموضوع دا ومش هتفكرى فى اى مواضيع جانبيه لانكم انتوا الاتنين بتتجادلوا فى نفس الموضوع غير أنه كلامه فى الموضوع دا هيخليكى منتبهة معاه ومركزة بحيث متفكريش فى اى موضوع تانى لانك بمجرد ما هتفكرى فى موضوع تانى هتلاقى الشخص التانى قاطعك علشان يكمل كلامه فى الموضوع اللى كنتوا بتتكلموا فيه
تم النشر السبت، ١٣ أبريل ٢٠٢٤
لعرض السؤال في فدني اضغط هنا