الحب حرام.. نعم انا متأكد من هذا
ولازم تدخل البيت من بابه ومفيش حاجه اسمها حب والكلام ده
تمام... طب لو انا بحب واحده ودخلت البيت من بابه واهلها رفضوا رغم انها موافقة
يبقي ايه ساعتها، انا واحد واعي ومتعلم وعارف ان اكيد ربنا كاتبلي الخير في حد تاني غيرها وانها مش من نصيبي، بس بردو الواحد مش قادر ينساها... خالص
مفيش حاجة اسمها ارتباط وكلام وخروج بدون زواج ( لكن فى حاجة اسمها حب ) وفى اننا من غير ما نحب بعض هنبقي فاضيين اوى الحياه مش دايما هتمشي بامنياتنا ولا باللى بنحبه بس الواقع انك اه ممكن اكتر من احتمال يتحققوا يغير الله الامور ويبدلها ويجمعكم بالحب. تتزوج ويظل حبها بداخلك. تتزوج وتجد الحب مع زوجتك عليك فقط العمل بالاسباب واترك الامر لله يقدر لك الخير مش كفاية نكون واعيين واافهمين ...مهم بردوا نكون مؤمنين باللى فاهمينه
تم النشر الخميس، ٢٤ نوفمبر ٢٠٢٢
هو هقولك حاجة كل اللي عاوزة هتلاقيه في فيديو عل اليوتيوب اسمه ايه المشكلة في الارتباط والحب لامير منير ومحمد الغليط وياسر ممدوح
تم النشر الخميس، ١٦ مارس ٢٠٢٣
خليك فاكرها وحبها وادعيلها دايما بكل خير وابتسملها وخليك دايما حريص انك تعيش معاها اجمل لحظات حياتها بعد الجواز ولو مكملش يبقي خير وبركة حان موعد الغياب للأبد انت عمرك ما هتنساها لو ماتجوزتهاش حبها بكل طاقتك
تم النشر الثلاثاء، ٢٢ نوفمبر ٢٠٢٢
اولا الحب مش حرام لكن إدارته هي الي بتفرق فين الحلال والحرام ثانيا طالما مشيت بالمعروف ووقفت يبقي ربنا مش رايد ليك البنت هحكيلك حكاية من حكاوي خالتك يمكن تفيدك واحده اتعرفت علي واحد من محافظة تانيه بعيده وعملت استخاره وعملت المستحيل علشان تتجوز الشخص ده وعاشت معاه يجي ٩ سنين وسنه خطوبة وعرفته سنه قول يعني مع بعض ١١ سنه وقدر الله انها تنفصل بعد السنين دي كلها ، تخيل كم الصدمة الي هي عاشتها بقي ! القصد أن ربنا لما يمنع حاجة وانت علي البر أمن ليك يابني فارضي بالمكتوب وادعيه دائما ينجيك ويعوضك خيرا عنها أن شاء الله
تم النشر الثلاثاء، ٢٢ نوفمبر ٢٠٢٢
بص مبدئيا كل الناس مع الوقت بتنسى وانت مجرد ما تلاقي الشخص المناسب هيملا الفراغ، الواحد امه بتموت بينسى ويكمل عادي حتى لو اتجرح سنة بحالها من ذكراها لكن متوهمش نفسك ان مفيش غيرها وان حياتك وقفت، بس متركزش ومتفكرش، ماهو انت طول ما بتقول مش عارف مش هتعرف، وبردو طول ما بتقول لعقلك انسى هيفضل فاكر.. تجاهل وانشغل والايام بتعدي
تم النشر الثلاثاء، ٢٢ نوفمبر ٢٠٢٢
اهلا ومرحبا بك. حاول تاني وثالث .. اعرف فين الاسباب، فين المشكلة، فيه على فكرة أهالي بيوافقوا بعد ما الشاب بيخبط على بابهم بالخمس مرات. وبيتم الزواج. متحبطش من اولها، حاول تاني، واعرف ايه هي الأسباب بتاعه الرفض، ولو في ايدك حاجه تعملها علشان تصلح حاجه متتأخرش عن كده. ولو خلاص عملت كل اللي عليك في الموضوع وجبت اخر كل حل. يبقى ارضى بالامر، لربما يكون في الموضوع خيرا لك. الله اعلم بكل شيء. محدش عارف الخير فين! أتمنى ليك كل التوفيق
تم النشر الثلاثاء، ٢٢ نوفمبر ٢٠٢٢
الإنسان بيمر بتجارب بعضها بينجح و بعضها بيفشل .. كل مرة تفشل فيه اعرف ليه فشلت علشان المرة الجاية تبقي مستعد بالفعل مش بالكلام ، لكن كل إنسان و ليه قدرات انسي و اصبر و صلي ، و سيب الموضوع لله ، و طبعا تنسي الموضوع تماما علشان توفر علي نفسك وقت و مجهود هيضيعوا علي الفاضي ، و الحب مش حرام
تم النشر الاثنين، ٢١ نوفمبر ٢٠٢٢
لا تيأس ياصديقي وشوف الأسباب ال ادت للرفض ولو مش نصيبك مش مشكله الحياه فيها كتير لكن مش هتاخد غير مراتك ال مكتوبالك وربنا يقويك علي كسرة قلبك واحساس العجز ده من اصعب الحجات ف الحياه ادعي ربنا يديك الصبر وقوة التحمل والمقدره علي انك تعرف غيرها
تم النشر الجمعة، ١٧ مارس ٢٠٢٣
لعرض السؤال في فدني اضغط هنا