انا دايما دايخه بشكل مفرط ومش دوخه عاديه ان الدنيا بتلف بيا لا..
لما ببقا قاعده علي كرسي واجي اقوم بحس ان دماغي مش بيوصلها الدم وعيني بتسود ومبشوفش حاجه قدامي وبقعد دقيقه كدا عقبال ما اعرف اشوف وطول اليوم كدا بقا ويالهوي لو نايمه علي السرير او فرده رجلي واجي اقوم بحس اني هقع علي وشي بالرغم اني باكل كويس جدا وباكل لحوم وفراخ عادي وفطاري كويس الي حد ما ومش ببثا جعانه وحرفيا الموضوع دا تاعبني جدا جدا ومخليني دايما مش قادره اقوم من مكاني وحتي وانا قاعده حسه بهبوط ودماغي فيها ضغط عالي كأن حد ماسك دماغي بيفعصها "شعور غير الصداع"
انا خايفه جدا اعمل تحاليل لان بخاف من الحقن اوي حد عنده حل او كان بيحصله كدا واتعالج او اطلب منه ياكل حاجه معينه يفيدني؟ وشكرا.
تعرفي انا كان عندي نفس الاعراض دي بالظبط انتي كانك بتحكي حياتي والله لااااااازم تخللي تحيليل انيميا لانه بيبقا سببه الرئيسي نقص الحديد وانا بردو بخاف م الحقن بس معلش شكه الحقنه اهون بكتير من الشعور دا و وانتي قايمه قومي براحه مش مره واحده وربنا يشفيكي و يعافيكي حبيبتي
تم النشر الجمعة، ١٢ يوليو ٢٠٢٤
يا بنتي، الدوخة اللي بتوصفيها مش حاجة بسيطة ويمكن يكون عندك نوع من الضغط المنخفض أو مشاكل في الدورة الدموية، أو حتى نقص في المعادن والفيتامينات زي الحديد. في الأول عايزة أطمنك، الموضوع ممكن يتعالج ولكن لازم تتشجعي وتروحي للدكتور تعملي التحاليل المطلوبة. الحقن فعلاً مش مريحة، بس الدكاترة دلوقتي بيحاولوا على قد ما يقدروا إنهم يخلوها سريعة وغير مؤلمة بقدر الإمكان. لكن في شوية حاجات ممكن تجربيها تساعدك لحد ما تروحي للدكتور: شربي مياه كتير وحافظي على رطوبة جسمك. كلّي وجبات صغيرة على فترات منتظمة يعني ما تخليش نفسك تجوعي لفترات طويلة. لما تيجي تقومي من مكانك، حاولي تقومي ببطء مش فجأة. حاولي تضيفي أطعمة غنية بالحديد زي السبانخ والمكسرات في وجباتك. ابعدي عن إجهاد نفسك بالتمارين العنيفة أو الوقوف لفترات طويلة. بس لازم في الآخر تتشجعي تروحي للدكتور، لأن الصحة أهم حاجة، وممكن يكون الموضوع بسيط ويتعالج بسرعة بمجرد ما يعرفوا إيه السبب. طمنيني عليكي بعد ما تشوفي الدكتور، وإن شاء الله تكوني بخير. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الجمعة، ١٢ يوليو ٢٠٢٤
لعرض السؤال في فدني اضغط هنا