عندي 21سنه بمر بفتره ما يعلم بها غير ربنا ومش عارفه اعمل ايه ولا اساعد نفسي ازاي ولا اتخطى اللي انا فيه مشكلتي اني اخدت برشام غلط البرشام ده اذاني اوي البرشام ده عمل ماده ف جسمي ادت ان تعمل تآكل في مفصل الفخذ واني محتاجه اغير المفصل بمفصل صناعي مش هعرف اوصف قد ايه ده كان صعب عليا غير طبعا ان اهلي شافين اني السبب واني انا الي عملت في نفسي كدا وصلتلها لكدا المهم طبعا قعدنا نلف على المستشفيات عشان نعملها على نفقه الدوله بس للاسف ما كانش في نتيجه كانوا يقولوا ان مفصلي مش متوفر حاليا ف
المستشفي فضلت على امل ومستنيه ان يقولولي ان مفصلك حالي موجود وتعالي اعمليها بس للاسف كان انتظاري ع الفاضي وفي ناس اقترحوا عليا ان انا اروح الجمعيات الخيريه وان هلاقي المساعدة هناك روحت ع امل القي اي مساعد بس طلبوا ورقه من المستشفى ان لا يوجد فيها مفاصل غير كده مش هيعرفوا يسعدوني خدت بعضي وروحت المستشفى اتكلم مع الدكتور وشرحتله بس للاسف رفض وقالي مش هينفع جربت مع كذا دكتور ف المستشفى بس كان نفس الرد وانا حاليا داخله علي سنتين ونص وانا زي مانا حدا دراستي كان المفروض حاليا رايحه تالته جامعه بمارس حياتي طبيعي زي اي حد بس حتى امتحان تالته ثانوية مش امتحنته لاني طبعا صعب اني اداوم وانا بالحاله دي ف وقفت تعليمي ومش عارفه اعمل ايه اشتريت لنفسي عكاز عشان اتسند عليه تعبانه نفسيا وجسديا تعتبر دي اسوء مرحله بمر بيها
السلام عليكم ورحمه الله وبركاته اولا الف سلامه عليك وايام كانت الظروف اللي ادت للحاله الصحيه دي فا يعني قدر الله وما شاء فعل نعمل ايه في الظروف سواء هي بسبب غلطه مننا او غصب عننا او ملناش يد فيها اييي نتقبل الوضع الحالي ونشوف ايه اللي نقدر نعمله فخلينا نشوف الموضوع بشكل عملي ان انت دلوقتي. غير قادره على انك تداومي في المدرسه طيب اليوم ما سجلتيش نفسك منازل ليه ما كنتيش بتروحي على الامتحانات بس ايه اللي خلاكي ما تروحيش للحلول دي يعني الموضوع ده بيبقى بكشف طبي وبيتبين انك مش هتقدري انك تروحي للمدرسه تقدري انك تذكريه وتاخدي دروسك كمان دلوقتي الحمد لله في منصات اون لاين ويعني الحياه الحمد لله فيها من المرونه والسهوله اللي تسمح لحد ان هو يعمل كل حاجه وهو في البيت يعني لو حركته مش مسموحه وقليله دلوقتي انت حتى لو لا قدر الله يعني في وقت محجوزه في المستشفى هتقدري تعملي ده. فاحنا هنروح للواقع ونعمل الحلول دي مش عارفه انت ليه وقتها ما عملتهاش ممكن يكون بسبب انك برده بتلومي على نفسك انك انت السبب ده كان مخليكي ما تفكريش في الحلول يوم مستنيه بس انك تتحسني عشان زي ما انت بتقولي تعملي كل حاجه بشكل طبيعي لكن خليني اقول لك ان كلمه طبيعي هو اللي انا بمرسه بالواقع هو مش في الخيال بس مش اكتر من كده فالطبيعي بتاعي غير الطبيعي بتاع اي حد كل حد وعلى حسب ظروفه وعلى حسب احواله الطبيعي بتاعه مختلف فانت طبيعي بتاعك حاليا انك مش هتقدري انك تروحي كل يوم المدرسه فما توقفيش ده وتعاملي بالطبيعي بتاعك شوفي نفسك عاديه بظروفك الحاليه وشوفي ايه المتاح واللي فيه مرونه لدق وبدا يتعاملي بيه وان شاء الله باذن الله قريب تقدري تركبي المفصل وربنا ييسر لك الامور ويدبرها لك في الوقت اللي هو شايفه خير ليكي تعملي لنا عمليه وتبقي زي الفل ان شاء الله وترجعي ثاني تعملي الحاجات اللي انت حابه تعمليها وبرده هيبقى ده بشكل طبيعي بالنسبه لظروفك الحاليه زي ما انت عملت كده لنفسك وقلتي انا اشتريت نفسي عكاز عشان تقدري تتحركي وما تبقيش دايما محتاجه حد معاكي هو ده بالظبط اللي محتاجه تعمليه في كل حاجه ثانيه. ارجعي ثاني كملي دراستك بظروفك الحاليه وتعملي طبيعي وامشي في حياتك طبيعي لحد ما الحاجه اللي هي فيها قصور حاليا ربنا ييسر وتتحسن وبتعدل وتبقى شكل افضل ان شاء الله الف سلامه عليك.
تم النشر الثلاثاء، ٦ أغسطس ٢٠٢٤
لم أفهم لماذا لم تتوجهي لإدارة المستشفى لاستخراج التقرير الذي يثبت عدم توفر المفصل؟ ولما تذهبين لوحدك؟ أنصحك أن تذهبي رفقة والدك أو عمك ويكون من الأفضل لو اصطحبتم معكم أحد من المجال الطبي يتمكن من محاورة إدارة المستشفى. واسألوا الإدارة عن اقتراحهم للحل. بالنسبة للدواء الذي تسبب في المشكلة، من الذي وصفه لك؟ شفاك الله وعافاكِ.
تم النشر الثلاثاء، ٦ أغسطس ٢٠٢٤
يا حبيبة قلبي، أنا عارفة إنك بتمري بفترة صعبة وبتعاني بشكل كبير. أولاً، أنا بشد على إيدك وأقولك إنك مو وحدك في اللي بتمر بيه. ده شيء صعب جداً، وخاصةً إنك في عمر صغير وبتحبي تكمالي حياتك كما هو عادي. أنتِ بتتعاملي مع صعوبة كبيرة وليها تأثير على صحتك النفسية والجسدية. حبيبتي، من المهم إنك تحكي عن مشاعرك وتحاولي تلاقي طريقة تسعدي بيها نفسك. في شوية خطوات ممكن تتبعيها: طلب المساعدة: حاولي تتواصلي مع أخصائي نفسي أو معالج. ده هيشجعك ويساعدك تحسي بكلامك وتخرجي من الحالة اللي انتِ فيها. التواصل مع حد يفهمك مهم جداً. الدعم الاجتماعي: حاولي تتواصلي مع الأصدقاء أو أي حد ممكن يدعمك. حتى لو مجرد قعدة مع صحابك أو عائلتك، الكلام مع حد بيقدرك ممكن يحسنك. التعامل مع الوضع: حاولي تحطي خطة لتحقيق تقدم بسيط. حتى لو كان الأمر بسيط زي ممارسة هواية بتحبيها أو تلتزمي بجدول يومي بسيط. الشيء الصغير ده ممكن يخفف عنك. المساعدة الطبية: لما تتواصلي مع دكاترة، لو تقدر تقابلي استشاري تاني أو تبحثي عن مركز يمكن يساعدك في إعادة تقييم حالتك، بيكون أحسن. الاهتمام بنفسك: حاولي تحافظي على صحتك بشكل عام، زي الأكل والنوم. ده مهم جداً. وممكن تحاولي تمارسي بعض التمارين الخفيفة، حتى لو كانت تمارين تنفس أو استرخاء. فتاة 21 سنة، الحياة قدامك، وأنتِ قوية. ممكن تلاقي طريقة للخروج من كل ده. ثقي بنفسك، واعرفي إن الأمل دايمًا موجود. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الثلاثاء، ٦ أغسطس ٢٠٢٤
العفو وان شاء الله خير
تم النشر الأربعاء، ٧ أغسطس ٢٠٢٤
ربنا يفك كربك يارب احتسبي عند الله وطلعي صدقة حتي لو بسيطة خالص ربنا يشفيكي ويعافيكي
تم النشر الأربعاء، ٧ أغسطس ٢٠٢٤
كلامك كله صح وجميل جدا وشكر لدعمك 🤍
تم النشر الأربعاء، ٧ أغسطس ٢٠٢٤
بصي اول حاجه لازم تعرفيها انك مش السبب وتشيلي حته لوم نفسك دي من دماغك لان ده قضاء ربنا و ربنا كاتبه وانتي لسه متولدتيش اصلا و بعدين يا حبيبتي مش يمكن ده خير ليكي انت مش عارفه كان ممكن يحصل ايه بدل كده قولي الحمد لله ان ربنا رأف بيكي و رحمك والحمد لله محصلش اكتر من كده وتحمدي ربنا وتقربي منه ، ربنا احن علي العبد من اي حد ، هو اللي خلقك واعلم بحالك ، يمكن ربنا ابتلاني علشان عايزك تقربي منه اكتر ، صلي وقربي من ربنا و ادعي ، ادعي بكل اللي في قلبك ، وانتي ساجدك احكي لربنا كل حاجه في قلبك و قوليله علي كل اللي انتي نفسك فيه ، ادعيه بأي حاجه حتي لو انتي شايفاها مستحيله من وجهه نظرك ، ادعيه وقولي يا رب اتشفي يا رب حتي من غير م اغير مفصل انت قادر يا رب علي كل شئ ، قربي و ادعي كتير لان الحاجه الوحيده اللي ممكن تغير القدر هي الدعاء وصلي اهم حاجه الصلاه وانك تقربي من ربنا لأنه هو المنجي الوحيد ليكي من اي حاجه بجد
تم النشر الأربعاء، ٧ أغسطس ٢٠٢٤
خليكي مؤمنه بقضاء الله وقدره واعلمي ان ربنا بيقدر للعبد الخير حيث كان وبس لأن قضاء الله كله خير
تم النشر الثلاثاء، ٦ أغسطس ٢٠٢٤
جربت تتواصلي مع مؤسسة مرسال؟ ّhttps://www.mersal-ngo.org/
تم النشر الثلاثاء، ٦ أغسطس ٢٠٢٤
ونعم بالله العلي العظيم
تم النشر الثلاثاء، ٦ أغسطس ٢٠٢٤
لعرض السؤال في فدني اضغط هنا