راهو حكمني حزن شديد ليوم توحشت هذاك طفل لي حبيتو قالولي صحباتي بلي تعلق وتاني و انا راني نكتب هكذا راني نتمنى لوكان يرحع بيا زمن شوي لللورا و منديرش واش درت غير باه منخسروش نبقى قدامو نشوف فيه من بعيد و نهدر معاه من بعيد و نعيش و هو قدامي حتى نحبو من بعيد بلامنقولو نحبك ..نفسي يسمع واش راني نهدر داخلي و يشوف درجة حب لي مديتهالو .ملغري صحبلتي كامل غالولي تعلق خصر كنت شديدة غيرة عليه ومنفعلة بزاف و نزعف منو على اقل كلمة كان يغولهالي مي كان يعجبني حال كي كان يجي ليا يغولي سمحيلي و نسامحو ثم ثم .و كنت نحب نقعد معاه حتى ولبت نحفظ كامل تفاصيلو ضحكتو .حزنو .معالملتو .واش يحب يسمع عرفت بلي يحب يسمع زيدكا و عرفت عيد مبادو جامي راطيتو بلا ما نغولو عيد ميلاد سعيد ...قبل ما تلاقا بيه كنت اتعس انسان يعني صح حياتي كانت بلا مشاكل و لا زعاف مي كنت نضل وحدي و كره حياتي اصلا اكنت نكره نروح نقرى فل لافاك هذيك كي تلاقيتو و هو و صحبو يعنى فل لول وليت نهدر معاهم على جال صحبو كان يضحكني و تشغل كنت محتاجة شخص يخليني نضحك خصرش كنت اكأب وحدة فل دنيا و ليت نضل مع منير سرتو كي صحبتي راحت من هذيك لافاك كنت بزاف نغسر معاه و نفرح كي نكون معاه و مبعد وليت نحبو يعني معلاباليش كيفاه و لا وقتاش مي حبيتو ملغري صحباتي غالولي ولفتيه برك هذا مشي حب يعني وليت نظل معاه ،نصل نغزر فيه و كي نغزر فيه ما نحسش بالوقت كي فوت كنت نحب كي نشوفو يصحك و اي دقيقة يقولي فيها اي نقراه ولا اي حاجة تخليني نقعد معاه كنت نديرها غير باه نقعد معاه .حتى حاجات لي كان ينتقدني بيهم كنت نسي نغير روحي فيهم غير باه نبان قدامو يشوفني برك .هو عكش تتماما كان يعاملني كأخت برك اصلا قالهالي مور معترفتلو بلي حبيتو و انا علابالي بالي بحب وحدة وحدوجرة كامل .ملغري سييت نبعد عليه مقدرتش مي حسيت وليت نأذي فيه بعدت سيرتو تاني كي كنت ندي نصائح صحباتي كي كانو يقولولي اتجاهليه و بلوكيه و ذليتي روحك كي راكي تهدري معاه مع كامل واش صرى و كامل يعني كاين صوالح عندهم حق فيهم لوكان بعدت عليه من لول مكانش صرالي كامل هكا انا تحطمت و هو ولا يتهرب مني خيفني تشغل انسانة مهبولة حابة تقتلو هكا نحسو ولا يشوفني ملغري عتذرت منو قلتو سمحلي على واش غلطت و تاني قلتو من واش كنت زعفانة منو وعلاه كنت نتجاهلو و كنت نتصرف معاه شوي بقسوة و قتلو واش قالولي صحباتي وقتلو منقدرش نهدر معاك و بلي نشاء الله يعيش سعيد و كلش .مي والله غلبتي دمعتي نعار دوزيام و كنت نحكي مع صحبتي على كلش و حكيتلها واش حسيت برك هي ولات تهدر عليه بطريقة مش مليحة ملغري كنت نغولها هو مشي هكاك كنت تزيد تكمل . وصحبو كان يسمع و بانة عودلو انا والله ما كنتش قاصدة كنت حابة نريح من احساس لي كنت فيه . انا يوم كي كنت تهدر معاه كأصدقاء و كنت نحكيلو نغسر معاه كنت نحس براحة كبيرة مام كي كان يسمعني برك و قتلو منيش قادرة نخسرو على جال هذي سبة خطر كنت حاسة غير هو لي يفهمني و يحس بصولح لي ضروني و يعتذر و تاني كنت نشوفو بزاف وفي و مليح درجة و ليت نغير على صحبتو لي كان معاها و بعد عليها كنت نغول لوكان غير راني في بلاصتها عمري ما نبعد عليه و عمري ما نضرو و لا نسمح فيه و لا ندير حاجة تزعفو مني مهم سرا يسر . مي محبنيش كان يشوفني ضعيفة شخصية ملغري انا انسان بزااف سونسيبل و بزاف بهلولة ومجنونة و بلي نبالغ في اي جاست كي كنت نغولو ننضر واحد يديرلي هكا و كذا . و تاني مكنتش نقدر نتحكم في اعصابي سيرتو كي وليت نغير و زدت قتلو بلي نحبو نغير عليه بزاف لسراحة كان مليح بزاف معايا مي حسيتو تبدل عليا فل عام تالي و زادت وحدة هي لخلتني نبدا نغير كثر و ننضر كي قاتلي شافتو مع وحدة قاعد يغسر و بلي كي تعجبو وحدة يبدا يغسر معاها و بلي تبدلت تصرفاتو .و مبعد زدت سفتو يهدر فل تليفون وليت ننضر كثر و مبعد وليت كل ما نشوفو مع طفلة نبعد في بلاصة ما يشوفنيش فيها و نبكي نبكي و نقدرش نسكت من بكى و ليت بزااف نتدابز معاه على اي سبب و نتقلق و ننضر يعني موراها كي شفت روحي مشي قادرة نستوعب غيرتي زايدة و كثرة دبزة معاه بعتلو فل انستقرام بلي نحبو و فهمتو كامل واش نحس مي ملغري كامل هكا معبرنيش بحتى كلمة خصر كان زعفان مني كتن قبلها ديزابونيتو بلا قصد .خصر كنت تفاتنت معاه و ديزابونيتو يعني مور مع ما عترفتلو و شفتو ما ريبونداليش بلوكيتو . امبعد ولا يغزر فيا بزااف و نغزر فيه غزرت كانت بعمق حسبت بلاك يحبي و بلاك مقدرتش نخليه يفهمني و هي وقيلا كنت نضرة شفقة عليا برك . وليت هدرت معاه و اول حاجة طلبتها منو قتلو سمحيلي كتن بلوكيتك .قالي بلوكيتيني و نسيتي كامل 3 سنين عشرة لي كانو بيناتنا .مقدرت نقولو والو مقدرتش نقولو بلي جامي راح على بالي فهذيك سمانة و بلي كنت نتعذب و قلبي مضرور بزاف مي هاذو كامل مقدرتش نغلهوملو مقدرتش نقولو مقدار حب لي قتلو نحبهولك شحال مقدرتش نغولو منقدرش نعيش بلا بيه و بلي كل لحظة بعيد عليا فيها تعذبني و ننضر و بلي حتى مورها زدنا تفاتنا خصر كان يغسر مع بنات و طلب من وحدة تشوفلو وحدة قدامي باه تولي معاه انكوبل و قلبي بدا يحرق مقدرتش نحبس مقدار نضر لي كنت نحس بيه مقدرتش و قتلو ارواح نهدر معاك ولا يتهرب مرة و زوج و ثلاثة . و مرة رابعة حكمتو يعني قتلو يفاسي لي ميساج قالي مقدرتش خصر تليفونو كان مبلوكي و صحبو ولا يعيطلو باه يهدر مع هذيك طفلة لي كان حاب يولي معاها انكوبل بلا ما يعرفها و لا يشوف و جها اصلا نضريت قتلو شحال و انا نستنا فيك تحبني و لا تغزر فيا و انت لالا مشفتني و لا حبيتني و قتلو ابقى تجري مور هذوك لبنات و هو قالي وراهم هذو لبنات لي راكي تشوفيني نجري موراهم و رحت ندخل نقرى شفت هذيك طفلة و سمعتها تقلهم عجبتو و فرحانة و انا قلبي زاد ضرني و ليت نبكي وحدي مقدرتش والله ما قدرت نسكت من بكى .روحت عودت عيطتلو قتلو ذليتني و كسرت قلبي و نضريت بسبتك و بلي منقدرش نبعد عليه و نخسرو لازم و بلي نحبو ولا يقولي علابالي علابالي مي منقدرش نحب مرة وحدوخر حبيت مرة وحدة كي راحت هي راح معاها لحب كامل يعني وليت نقولو و انا و انا هو كوباعليا ديراكت بلا والو . نضريت روحت لدار و ليت نبكي و فيحالة ربي بعلم واش صرى فيا . مهم فاتو يمات و انا نتجاهل فيه نبعد عليه زعفانة منو و مضرورة مل صوالح كامل لي دارهملي و من تاني وعلاه ما حبنيش واش ما فياش دايمن كنت نسقسي هذي سؤال يعني بلاك منيش شابة و بلاك كنت ندابز معاه و بلاك انا انسانة وزني رقيق و تاني في نضرو ضعيفت شخصية مي كنت ما مخلية عليه في والو كنت لي نقدر عليها نديرهالو كنت نضل نغسر معاه و نضحك اناوياه و كنت نحب نهبلو و نبدل جو و منحبش نشوفو زعفان كنت نسمعلو قصص تاوعو مع صحبتو ملغري كنت ننضر مي كنت نسمعلو باه يريح و نسقسيه وعلاه صرالك كذا و كذا معاها باه اذا حبني و ليت معاه منغلطتش نفس غلطات لي درتهملو و كنت نقولو دايمن اقرى و نحوس عليه كي ما يجيش و نبعتلو في عيد ميلادو اول وحدة و في اي مناسبة نبعتاو و نهدر معاه نسي نجبدو من كأبة لي راهو فيها و نسيي نخفف عليه .ونضل نبعتلو فل ليريل لس يضحكوه و نهدر معاه باه نبدلو جو و نخليه يضحك اصلا مكنتش نقدر نشوفو زعفان بأي شكل من اشكال درجت لوكان قالي بعدك فيه راح ليا نبعد عليه . كنت محتاجة منو صراحة برك لي مصرحنيش بيها وقت لي كنت نحوسو يقولهالي و مكنتش حابة كي كان يتصرف معايا هكاك تجاهل و راميني على حيط بهذيك طريقة انا نهدر معاه و هو داير كيتمان و يقولي راكي تبالغي و موسوسة انتي و هكذا .ملغري جامي تصرف معايا هكاك و لا دارلي هكاك .هذيك نفس بنت لي تحب تحشر روحها في كولش ولي قاتلي راهو متبدل وقيلا راهي في حياتو وحدة و حابة تبكي منيتك نتي بركاي ما تتبهلي في وحد نهارات مور ما تدابزنا كامل هذي دبزة راحت حكماتو تاني وسقساتو وعلاه مراهوش يعدر معايا قالها انت راكي تقوليلها واش تدير و تاني كنت كل ما نحط ستوري مالغري مدابزين يدخل و يشوف و رياجي عليهم و هو مش عوايدو يرياجي و لا يشوف لستوري انتع واحد و لا وحدة زعفان منها .و مبعد هدرت معايا و صحت مع نقطت ضعفي خطر وليت نتوحشو و تاني كي شفتو يرياجي على ليستوري انتاعي و ليت نغول سور انا غلطت و غلطت بزااف و هي كي قلتلها حابة نتسامح معاه قاتلي احكيلي و هي اصلا هذا واش كنت حابة تعرف واش كاين برك و تزيد تكمل عليها قالتلي اطلبي منو سماح عادي هو عبد مليح يسامحك انا راني نغولك و قاتلي تاني هو راهو حسبني بلي انا راني نقلك واش تديري و قتلها بصح صحباتي كذا وكذا و كذا قالولي ما تهدريش معاه راهم غالطين قاتلي باينة و زيد انت غلطتي بزااف و لازم تقوليلو سمحلي و زيد انا كعنصر حيادي راني نقولك روحي طلبي سماح و ودرت هكاك و كيما حيت من قبل قتلو كلش واش زعفني منو و قتلو سمحني على قاع واش غلطت في حقو قتلو صحياتي واش كانو يقولولي ديري و كلش يعني و قالي سمحت و انا سمحتو مي قتلو مراح نرجع ليك و لا نهدر معاك .و موراها سمع صحبو واش كانت تقولي صحبتي و على واش كنت تنصح فيا مرة جاية منغلطش . مهم و على اساس منزيدش نشوفو و نتلاقاو مي تلاقينا هذي سمانة فل لافاك هو ولا خايف مني و يبعد عليا و تهرب و حتى لحق حتى يقول لصحلبو يشوفو اذا رحت من لافام ولا لا باه يروح و انا كنت قتلو بلي منزيدش نحلقو ولا نهدر معاهه و تاني بلوكيت كامل مواقع التواصل الاجتماعي تاوعي باه صخ منزيدتش نبعتلو ولا نهدر معاه .مفهمتش وين راه مشكل
أنتِ حاليًا في حالة تعلق مرضي ولستِ في حالة حب، حاولي تجاوز الأمر.. سيكون صعبًا بالتأكيد في البداية لكن أنتِ تستحقين أفضل من هذا. لماذا تستمرين في التعلق بشخص يبدو أنه لا يريدك أو لا يبادلك نفس مشاعرك وتعذبين نفسك بهذه الطريقة. هناك الكثير من الأسئلة داخل التطبيق عن كيفية علاج التعلق المرضي وتخطي الماضي المؤلم، ابحثي من خلال شريط البحث واقرأي نصائح الخبراء. توقفي عن السؤال إذا كنتِ ظلمتِه أولا أو ما السبب الذي جعله لا يحبك، كل هذه أسئلة لا فائدة منها وستجعلك تغرقين في الحزن واليأس أكثر. اهتمي بنفسك أكثر واشغلي حياتك بما يطورها وينميها ويملأ الفراغ فلا تضطري للبحث عن عواطف زائفة مع أشخاص قد لا يقدرون مشاعرك. بالتوفيق.
تم النشر الخميس، ٢٠ فبراير ٢٠٢٥
عزيزتي، أود أن أبدأ بالقول إن مشاعرك مهمة ويجب أن تعتني بها. ما تمرين به هو أمر طبيعي، لذا أرجو أن تأخذي وقتك لتفهمي نفسك ومشاعرك. من الواضح أنك قد استثمرت مشاعر عميقة في هذا الشخص، الأمر الذي جعل الفراق يشعرك وكأنه جزء من حياتك قد تمزق. يعاني الكثيرون من مشاعر مماثلة عندما يتعلق الأمر بالأحباء أو الأصدقاء الذين يشعرون أنهم فقدوهم، ولذلك فإن هذا الحزن طبيعي. من المهم أن تتذكري أن الحياة قائمة على التجارب، وأن كل تجربة تحمل دروسًا لنا. قد يكون من المفيد أن تعكسي على ما حدث بينكما، وحاولي أن تستفيدي من هذه التجربة بشكل إيجابي. لقد عبرت عن مشاعرك بشكل صريح، وهو خطوة مهمة. ولكن، تذكري أنك لست وحدك في هذه المشاعر، وهناك خطوات يمكنك اتخاذها لتجاوزها: تقبلي المشاعر : اسمحي لنفسك بالشعور بالحزن والغضب والحنين، فهذا جزء من عملية التعافي. تواصلي مع الآخرين : تحدثي مع الصديقات الموثوقات وشاركي أحاسيسك معهم. اجعلي لنفسك وقتًا : خصصي بعض الوقت لنفسك، للقيام بأشياء تحبينها وتجعلينك تشعرين بالسعادة. تعلمي من هذه التجربة : فكر في ما تعلمته عن نفسك من خلال هذه العلاقة، وما الذي يمكنك تحسينه في المستقبل. إذا كنت تجدين صعوبة في التأقلم أو إذا استمر الحزن لفترة طويلة، فقد يكون من المفيد طلب المساعدة من متخصص يمكنه دعمك بشكل أكبر. تذكري أن الله سبحانه وتعالى يختار لنا ما هو أفضل، وعلينا أن نضع ثقتنا في حكمته. ادعِ لله أن يرشدك ويمنحك الصبر والقوة لتجاوز هذه المحنة.
تم النشر الخميس، ٢٠ فبراير ٢٠٢٥
لعرض السؤال في فدني اضغط هنا