انا بنت عمري 16 سنه وانا الكبيره في اخواتي ولما تقرأو اللي حصلي هتعرفو قد ايه انا في ضغط وكل حاجه عليا
من وانا صغيره من 8 سنين تقريبا بابايا بعيد عني بسبب مشاكل وكده والموضوع مسببلي عقده وكل يوم بفكر في اللي حصلي وتيجيلي نغزه في قلبي ومبقدرش اخد نفسي ومبقدرش اعيط وبنام كتير اوي ودايما بحلم باليوم اللي بابايا سابني فيه انا واخواتي وماما ومبقدرش اتخطي الخناقه اللي حصلت ابدا وبجد حياتي بحسها متلخبطه ومبقدرش اتكلم مع حد لاني بكون خايفه انو يسيبني زي ما بابايا عمل حصلي كام موقف كده مع بابا اكدلي انو مبيحبنيش والموقف الاول كنت صغيره وكنت في فتره لما بابايا مشي وسابني المهم كنا بنزورو ودي كانت المره اللي قبل الاخيره اللي كنا بنزورو فيها من 7 سنين المهم انا كنت بره مع اختي الصاله واخويا الصغير كان مع بابايا في الاوضه كان وقتها عمره 5 سنين المهم كان بيقول لبابايا يا بابا ليه سبتنا؟ قالو وبكل جفاء الارض عشان امي عايزاني اعمل كده كنت ساعتها هدخل الاوضه ف الطبيعي اني هسمعو وهو بيقولها ومن وقتها وانا مش قادره انسي ولا اخويا حتي قادر ينسي برغم انو كان لسا صغير مش قادره اقولكم الاحساس اللي حسينا بيه دموعي كانت بتنزل بس كتمت صوتي عشان محدش يسمعني ودخلت وانا بضحك ولا كإن في اي حاجه ودي كانت اول مره امثل في حياتي واتصنع الضحكه ومشت الايام وهو دلوقتي متجوز وعندو ولد عمرو ما بين سنتين او 3 سنين معرفش عنو غير اسمو ومشوفتوش غير العيد الصغير اللي فات المهم في زميل لماما ويبقي عمها في نفس الوقت شاف بابا في عزاء ف بيقولو يعم اتقي الله في اولادك هما ملهومش غيرك قالو ما انا عندي ابن دلوقتي برضو الراجل اتصدم وعرف قد ايه احنا كنا عايشين مع وحش والكلام اللي كان بيتقال عننا مش حقيقي ولو 1 في 100 . هقولكم موقف تاني حصلي في شهر 11/ 2023 كنت رايحه لدكتور كان قلبي واجعني وكده قولت لبابايا تعالي معايا وكنت خايفه يعمل معايا زي ما عمل وانا صغيره لما ايدي اتكسرت وساعتها قالي متتصليش بيا تاني قولي لامك هي اللي هتوديكي المهم يعني المرادي وافق ف كنا بحجز خلاص ففي واحده كانت موجوده هناك فبتسأل انا عمري كام انا كنت هجاوب لقيتو هو جاوب وقال 17 وانا كنت لسا هدخل في 16 الموضوع وجعني اوي اللي هو الشخص اللي مفروض يبقي كل حاجه بالنسبالي واكتر شخص المفروض يكون عارفني غلط في عمري؟ الموضوع ممكن يبان تافهه بس محدش هيحس بجد غير اللي هيجرب.
الدنيا موقفتش علي كده حتي اتصدمت في اقرب الناس ليا صحبتي عشره عمري 9 سنين صحاب كنا نعرف بعض من ايام الابتدائي وجت في يوم 7/5/2024 صدمتني فيها خلت عندي الثقه منعدمه في اي شخص عرفتني ان السر مينفعش يبقي بيني وبين حد السر يبقي بيني وبين نفسي اوكي يجماعه الواحد مينفهعش يبقي كتوم بس انتو هتعرفو ليه بقول كده دلوقتي لما تقرأو الموقف. الموقف باختصار هي شكت اني هاخد حد غالي من عندها واني بكلمها عشان اخدو منها وعايرتني باهلي وقالت اني بغير منها واني مبحبلهاش الخير وان انا شخصيه مريضه والكلام ده الفكره مكنتش في كده بس لا الفكره انها كانت بتفكر في الموضوع من شهرين وكتبت بوست علي الفيس عشان تسأل الناس تعمل ايه واتهمتني بحجات كتير اوي توجع وبعد كل ده سامحتها لاني مليش غيرها وهي وصحبتي التانيه وصحبتي التانيه دي اثبتتلي ان مش السنين وانها اكتر حد ممكن الواحد يثق فيه ولانها دافعت عني لما صحبتي الاولي قالت عني الكلام ده ولما كلمتها عليا بطريقه وحشه بس هل انا هرجع اثق في حد تاني؟ هل هقدر اقول لاي حد حاجه عني تاني؟ مستحيل برغم ان صحبتي التانيه مش هتقصر بس العيب مش فيها العيب فيا انا ونسيت اقولكو ضغط اهلي عليا وكلام ماما الجارح اللي هي متقصدوش بس بيوجع وهي بتبين لينا انها مش عايزاني وفي اي وقت هتسيبنا واننا شبه ابونا وهي مش هتقدر تعمل كده بس الكلام نفسو بيوجع واخر حاجه انا مبعرفش اقول لبابايا يا بابا ولما بشوفو بقولها بالغصب ودي هي الاحداث اللي مش قادره اتخطاها وفي حجات كتير اوي اوي بس كفايه كده 😂.
خليكى مع امك وابوكى عمليه بما يرضى الله ومتفكريش فى اى حاجه غير صحتك ونفسك وامك وسيبيها على الله ربنا مش بينسى حد ووالرزق بتاع ربنا
تم النشر الأربعاء، ٢٢ مايو ٢٠٢٤
بصي انا هقول لك ليه؟ احنا ما بنعرفش نتخطى احنا ما بنعرفش نتخطى علشان احنا نفسنا انه اللي حصل ده. ما يكونش حصل نفسنا انه في حاجه تبقى جديده في الواقع تغير الكلام ده احنا مش عايزين ده يكون حقيقي وانا اللي بيوقفنا عن التخطي. لكن اول ما هتبقي ربنا انه الحقيقه. هتلاقي نفسك خدت خطوات في خط. ايه ده يعني مطلوب منك انك تصدقي وتتعاملي على ان بابا غلط؟ انت زعلانه انت زعلانه منه تصرفاته اللي انت كنت بتحاولي فيها تتجاهلي ان هو ثابته بتحاولي تثبتي انه لا هو يعني. لكن هو ما جاش برضو. هو بيثبت لك الواقع وانت مازلتي بترفضي. وانت تكلمي به لما تيجي هتتكلمي عن نفسك وانا عارفه ان دي هتحس انها صعبه لو تخيلتي انك هتعملي كده بس هو التخطي هو ده اللوب بتاعه انك تقولي انا. عندي 16 سنه وعايشه مع والدتي انا واخواتي لانه بابايا سيدنا ومتجوزه وعنده ابنه ومش عايش معانا ومش بيسال عنه. عارفه لو عايزه تتخطي عايزه الحاجات دي بطل توجعك تصدقي ان هو؟ مش بقول ان دي حاجه سهله خالص الاب او الام او في ناس للاسف الاثنين وطول الوقت مضطرين يتعاملوا مع حاجات بتوجع بس احنا بنتعلم بنتعلم ازاي لما تيجي الحاجات اللي بتوجع دي نعمل قصادها ايه الحقيقي لكل الحاجات اللي بتوجع اللي اتعلمت منها اعمل ايه لو جيت حاجه تانيه شبه
تم النشر الأحد، ١٩ مايو ٢٠٢٤
عزيزتي، أولاً أنا آسفة جدًا لما حصلك من تجارب صعبة ومؤلمة. الشعور بالضغط والقلق طبيعي تمامًا في مواقف زي دي. واضح إنك مضغوطة كثير وبتتعاملي مع مشاكل مرهقة للغاية. الحل الأساسي في مثل هذه الحالات هو التحدث مع مستشار نفسي أو مُدرّب حياة يساعدك على فهم مشاعرك ويقدم لك الدعم اللازم. عندنا دايماً طبيب نفسي متاح هنا بالتطبيق لو تحبي تحجزي جلسة معاه. إستشيري معه واحكيله كل اللي بتمري بيه وهو هيساعدك تتعاملي مع المواقف دي بشكل أفضل ويعطيك الأدوات اللي تحتاجيها لتقوية نفسك وتجاوز المرحلة دي. بالنسبة للثقة اللي خسرتيها بحكاية صاحبتك، ده حاجة مُؤلمة جدًا بالفعل. ولكن الحياة فيها أوقات صعبة وناس تخيب ظننا فيها، بس لازم نتذكر إن في ناس تانية تستاهل ثقتنا وحبنا. وأخيرًا، بالنسبة لوضعك المعقد مع أبوك وأمك، برضو لازم تحاولي تتحدثي معهم وتعبري عن مشاعرك بطريقة صريحة ومتماسكة. مش لازم تتحملي كل العبء لوحدك. لا تترددي في طلب المساعدة والدعم من حولك، ولا تنسي أن العناية بنفسك وصحتك النفسية مهمة جدًا. دعيني أدعمك في هذه الرحلة ونكون جنبك في أي وقت تحتاجين فيه.
تم النشر الأحد، ١٩ مايو ٢٠٢٤
ان شاء الله يحبيبتي انا وانتي😭💞💞
تم النشر الاثنين، ٢٠ مايو ٢٠٢٤
معلش ان شاء الله ربنا يعوضك خير💜💜
تم النشر الاثنين، ٢٠ مايو ٢٠٢٤
لعرض السؤال في فدني اضغط هنا