انا بمر بفتره كويسه الي حد ما بس دماغي متلغبطه حبتين تلاته كده كنت مصاحبه شخص واعترف بحبه وانا رفضته ع اساس اني مش عاوزه ائذيه واوعده بحاجه ويتعشم ويحصل العكس واكون كسرته ف بعدت عن الشخص ده وقولتلو مش هينفع نتكلم تاني وكده عشان ف حد متقدم واهلي موفقين وده حقيقي بس انا مش عاوزه الشخص اللي متقدم ده مش متقبله الزواج ع صالونات عامةً المهم ان الشخص ده رجع بعتلي تاني يطمن علياا وانا فرحت انه فكرني وكده ويعني كل شويه يدخل يطمن وكده وانا مش عارفه احدد مشاعري ليه غير اني معجبه بيه بشخصيته وبطريقة كلامه بتفكيره ناضج كده لكن حب مش عارفه احددد انا بحبه ولا لا معلومه بس اننا عمرنا مشوفنا بعض (صحاب سوشيال) المهم انا فهمته وقولتلو خايفه يكون ردي عليك يعلق بحاجه انا مش مقولتهاش واني بطبعي بعامله كويس اويي وبهتم بتفاصيل وكده ومعن انا برفض اي حد ف حياتي يدخلهاا تماما وبعمل بلوك لاي حد انما هو ده بالذات بحب اتكلم معاه بيريحني فكرياا وهو بس محتاج اشاره مني اني اديله الفرصه انه يجي يتقدم وعنده استعداد عادي بس انا خايفه من حاجات كتيره اوي ومش عارفه الاقي حل
حبيبتي، اولا احساسك بالذنب طبيعي ومش حاجة غريبة لانك بتحبي تكوني صريحة وواضحة مع الناس ومش عايزة تأذي حد. ثانيًا، الخطوة اللي أخذتيها عشان ترفضي الشخص الأول من مبدأ انك مش عايزة تعشيّمه وكسرة، كانت خطوة ناضجة وصحيحة. دلوقتي، إذا قلتِ إن فيه حد متقدم ليكِ بس انتِ مش مستريحة له، ده موضوع تاني ولازم تفكري فيه كويس. حاولي تتكلمي مع أهلك بصراحة وتشرحي لهم انك مش حاسة بالراحة مش شرط تقوليهم على الشخص التاني دلوقتي. بالنسبة للشخص اللي رجع يطمن عليكي، إذا كنتِ معجبة بشخصيته وطريقة تفكيره، ده شي إيجابي. لكن الحُب حاجة تانية وبتحتاج وقت عشان تحسي بها مع التفاعل والزمان. ممكن تدي نفسك شوية وقت وتفكري هل هو الشخص المناسب ليكِ للتقدم، وده مش ضروري يعني تدخلي في حاجة سريعة. البنات بيكون عندهم مشاعر متخبطة في الفترة دي لانها قراراتها مصيرية. ممكن تبدأي معاه بانه يتقدم بشكل غير رسمي شويه، يعنى تعملي جلسة تعارف مع أهلك، شوفوا اذا ارتحتم لبعض اكتر في الواقع بعيد عن السوشيال. اذا حسيتِ براحة وسعادة بوجوده في حياتك اليومية، ده ممكن يكون مؤشر للعلاقة الجدية. واخيرا، لا تخافي من اتخاذ قرارات مصيرية بس كوني عاقلة وصبورة وتذكري ان الحياة مليانة فرص وتجارب. اكيد هتقدري تلاقي الحل لما تهدي وتفكري بهدوء. بتمنالك كل التوفيق والحب والراحة في حياتك.
تم النشر الثلاثاء، ٩ يوليو ٢٠٢٤
شكرا لحضرتك علي المشاركة🌷 انتي محتاجة تدوري ورا احساس الذنب اللي جواكي ؟ ولا محتاجة تتعاملي مع مخاوفك ؟ كل اما احدد بالظبط اشتغل علي ايه هيكون سهل عليا الاقي نتيجة مرضيه حددي وانا معاكي
تم النشر السبت، ٢٠ يوليو ٢٠٢٤
السلام عليكم. بصي انا مش هتكلم كثير قوي لانه حابه اديك نصيحه. يعني محدده وواضحه ونهائيه اتمنى انك تاخدي بيها. صحاب سوشيال ما فيش حاجه اسمها كده مش صح؟ اييي اللي اعترف بحبه كان ممكن يكون احسن من كده ويقول ان هو حابب يجي البيت لو كان هو شخص جد وفي منه يعني رجا او طريق في الخير اللي انت بتفكري فيه ده انت بتفكري في احتمالات هتدخلك في دوشه وما فيش منها اي لازمه فانا لو سمحتي بنصحك ولا قصه تدي فرصه ولا اي حاجه يا ريت يكون عندك مبدا واضح سواء قدام الشخص ده وقدام اي شخص ثاني انه سواء اعترف بحبه او ما اعترفش بحبه ده مش هيفرق اي شيء خالص غير انه اللي حابب ان هو يتعرف عليك اول حابب ان هو يقرب منك يتفضل في البيت عند اهلك مش اكتر من كده الشخص اللي اتقدم سواء بقى انت مقتنعه بيه او مشخلي بالك علشان ما تختاريش غلط او ما تبقيش مشتته في شويه حاجات ملهاش لازمه خالص.
تم النشر الجمعة، ١٢ يوليو ٢٠٢٤
شكرا بجد لكلامك ده ♥
تم النشر الجمعة، ١٢ يوليو ٢٠٢٤
تاني حاجه محدش عارف الخير فين بجد ادي فرصه لبتاع الصالونات ما يمكن يبقا شخص كويس انتي مقعدتيش معاه برضه ولازم عشان خاطر تختاري لازم تعرفي الطرف الآخر دا متناسب معاكي ولا لا والولد اللي عالسوشيال دا زي مقولتلك لازم تشوفيه ويتقدم لكن اي ضمانات هيقولك بحبك وبتاع وحلاوة البدايات بعدين يقولك انا مش بتاع جواز بقا ويتكل علي الله فلازم بجد زي مبقولك عشان خاطر بس متندميش فالآخر وتضيع فطاقتك وتستهلكي مشاعرك
تم النشر الجمعة، ١٢ يوليو ٢٠٢٤
اول حاجه الولد اللي عالسوشيال دا لازم يتقدم بلاش تخشي فحاجه مش مضمونه عشان ربنا يباركلك فيها بس وتكون فالحلال وانتي مشوفتيهوش انتي ايش عرفك انه مش بيستعبط كله بيعرف يقول كلام حلو ويبينلك انه حلو وي وي هتعرفيه ازاي وانتي مشوفتيهوش وش لوش وتعرفي هو صادق ولا لا ف لازم عالأقل لو اختارتيه تتخطبوا وتشوفوا بعض عالأقل تعرفيه اكتر وكدا لان الشات فعلا مش مقياس تخيلي بتكلمي حد من ورا شاشه انتي متتعرفيش انطباعاته عالواقع ولا بيجمل من نفسه قدامك ولا لا كل حاجه بتبان عالواقع اكتر
تم النشر الجمعة، ١٢ يوليو ٢٠٢٤
حطي سلببات وايجابيات اولا وابدأي بها فكري في الخطوه
تم النشر الخميس، ١١ يوليو ٢٠٢٤
لعرض السؤال في فدني اضغط هنا