اتمني اللي يرد يكون حد فاهم فعلا ..ابدتيت أدرك أن أنا إنسان عادي وأقل كمان ..كنت فاكر نفسي احمد واحد في كون عشان بجيب درجة حلوة في امتحان وبكسب بطولات في رياضة وبقيت اتحدي نفسي بحاجات مش هعرف اعملها أو الإمكانيات صفر .....ازاي أن السنة دي اجيب مجموع 100% حلو ولكن يزود علي ده و اكون مليونير ....ولكن من اول شهر وانا زهقت و شفت تحدي غيره 😂......بقيت مش عارف اعمل ايه ولا ايه من كمية الحاجات اللي في دماغي وأدركت ساعتها أهمية أن تكون واقعي مع نفسك صح ازاي وادي ع الأقل كل هدف وقته الصح مش عشان أنا في عالمي شايف نفسي جامد يبقي عمله في يومين ولو معملتهاش اضاديق .....ازاي اكون واقعي
الواقعية بسيطة اوى عينك على مهمة واحده ...حتى لو هتكتبها فى ورقة واحده قدامك خلصها وخلى اللى بعدها مرتبطة بيها لو معملتش دى مش هتروح لدى اكتب كل الافكار عشان تخرج من دماغك ...بس اقفل عليها الدرج وما تطلعهاش الا لما تخلص المهمة الواحده الحاليه الموضوع بيبان عبيط اوى بس هو نتايجة بتستمر وبتتكون عندك واقعية الانجاز وبتفرق بين الحلم والهدف
تم النشر السبت، ١٦ سبتمبر ٢٠٢٣
كويس جدا ان ادركت انك مش واقعي .. من الحاجات المهمه لأي هدف في الحياة، انه يكون له متطلبات معينه .. طيب ايه هي المتطلبات ديه؟ ان هدفك يكون واقعي فعليا واقعي من جميع النواحي، يعني منقولش عايزين نعمل كذا .. وكذا ده يبقى خيال .. مستحيل انه يتحقق دلوقت؟ فأكيد مش هيتحقق. زي ماقولت عايز ابقى مليونير، طيب المفروض علشان تبقى مليونير ايه الحاجات اللي ممكن تعملها، وتعملها ازاي؟ وايه هي المتطلبات اللي تخليك تبقى مليونير؟ لازم كما الهدف ده يكون محدد يعني ايه محدد .. يعني منقولش انا عايزة اكون ناجح ( ده هدف عائم) لأ حدد انت عايز تعمل ايه بالظبط .. تنجح في ايه؟ زي ما قولنا هدف محدد. لازم كمان الهدف يكون قابل للقياس. يعني ايه قابل للقياس .. يعني له شئ يمكن قياسه .. عايز انجح مثلا السنة ديه بتقدير معين (شئ محدد وملزم بخطة تمكن قياسها) لازم كمان ان الهدف يكون محدد بزمن مينفعش ابدا الهدف بتاعك يكون عائم كده من غير اي موعد او ديدلاين ... لازم يكون محكوم بزمن محدد، لو محكوم بزمن مش هتعرف تنجزه ابدا. والحاجة المهمة جدا بقى ان لازم هدفك يكون على صلة وثيقة بما تفعله يعني ايه الكلام ده ؟ يعني انت عايز تعمل الحاجة ديه علشان هتساعدك ف انجاز شئ معين. عايز تلعب رياضة علشان مثلا عايز تاخد البطولة المعينه .. وهكذا حاجه مرتبطة بحاجه. دماغك مشوشة او فيها كمية حاجات كتير يبقى الحل انك تحدد اولوياتك، شوف ايه الاهم ثم المهم .. وحاول تشوف قدرتك على انجاز الشئ ده ازاي؟ يعني مش معقولة تحط 100 حاجه ولازم يحصلوا في 4 يايام مثلا؟ وانت قدرتك الاساسية مش هتعرف تعمل كل ده ف 4 ايام. قدر قدرتك كويس وشوف هي تعرف تتحمل ايه، وده ولا عيب ولا غلط. "رحم الله امرئ عرف قدر نفسه" يعني من اهم مقومات النجاح انك تعرف قمتك كويس وتعف انت تقدر تعمل ايه بالظبط. وهي مش بكتر الحاجات نهائي .. يعن مش لازم تبقى بتعرف تعمل مليون حاجه علشان تبقى جامد، ولا انك تبقى (انسان غير عادي). يعني الموظف الحكومي اللي بيروح شغله ويجي يقعد منتخ على الكنبة .. انت ممكن تشوفه انه انسان زي الباقي عادي! يعني هو بيعمل ايه جديد في الحياة يعني؟ مع انه راضي، مع انه مبسوط اوي بالحياة ديه، مع انه مستور، مع انه راضي البال .. ف فكرة انه عادي هو مش ميزة ولا عيب. هو حابب ده وراضي بيه. انت لو فكرت ف حاجه هنلاقي ان الميديا هي اللي بتشكل العقول، هي اللي بتحدد انت تعمل ايه، وتبقى ايه؟ اعمل اللي انت عيازه لو انت عايز ده فعلا، ميبقاش مجرد توجه من احد. وربنا يوفقك
تم النشر الأحد، ١٧ سبتمبر ٢٠٢٣
أنت شايف عالم "صغير" لذلك شفت نفسك أجمد واحد في العالم سافر واتحرك وخض تجارب واقرأ كتب وشوف العالم لكي تنضج وتخرج من مرحلة التفكير المحدود "قل سيروا في الأرض فانظروا"
تم النشر الأحد، ١٧ سبتمبر ٢٠٢٣
أهلًا بك.. ربما تقسو على نفسك بعض الشيء، ولكني سعيدة بملاحظتك أن هناك العديد من الأهداف التي تشغل بالك في الوقت نفسه، وكما كان الزحام هو السبب لكونك تبحث عن طريقة تعيش بها واقعيتك سيكون السبب لتحقيق هذه الأهداف، ولكن بالتركيز على بعض النقاط مع نفسك أولًا (في ورقة وقلم وحدد التالي). اكتب نيتك من الهدف الذي تود الوصول إليه، كن صريحا مع نفسك وابتعد عن مثالية الأهداف. قسّم هدفك لخطوات تستطيع قياسها وتتبع تقدمك فيها. حدد الأهداف القابلة للتنفيذ مع مهاراتك الحالية، وقم بحفظ الأخرى بعد تحديد ما يجعلك قادرًا على تحقيقها فيما بعد. اجعل خطواتك مرتبطة ببعضها ومحددة بالزمن لكي تستطيع تحقيق نسبة النجاح التي تسعى إليها. وفي النهاية؛ أحلامك شيء طبيعي أن تتخطى قدرتك، لهذا خلقت أحلام ولكن بعضها قابل للتحقيق إذا قدّرت لنا مع سعينا إليها.. بالتوفيق
تم النشر الأحد، ١٧ سبتمبر ٢٠٢٣
يا باشا لازم تهدي من نفسك اه كلنا عندنا حماس وكدا بس تهدي واحده واحده وهتقدر تعمل اي حاجه وكل حاجه انت عاوزها ... بس اقولك انت متعدد الشغف بمعني انك عاوز تعمل حاجات كتير ف وقت واحد مثلا.. نصيحه اتفرج عل الفيديو دا https://youtu.be/ZmBJGtSCTLk?si=Z_ozCEfnmAGQg_2s
تم النشر الأحد، ١٧ سبتمبر ٢٠٢٣
لعرض السؤال في فدني اضغط هنا