السلام عليكم
انا شاب عمري ١٧ سنه لكن للأسف انا اعاني من ابتلاءات شديده والصراحه انا علي يقين انا المشكله الي عندي مش هتتحل غير بإراده ربنا وعارف أن مفيش حد هنا يقدر يساعدني بس انا هحكي من باب إني فعلا مخنوق ونفسي اتكلم مع حد بحريه شويه انا للأسف شكلي اصغر من سني يعني الناس بتفكر إني عندي ١٣ و ١٤ سنه روحت كشفت عند طبيب من ورا أهلي وعملت التحاليل وكل حاجه طلعت طلعت مظبوطه وبما انا باقي شهرين وأتم ال١٨ وانا مازال شكلي صغير ده شئ بيحسسني بفقدان رجولتي يعني بحس اني عيل فافي زي ما بيقولوا ده إن بيصدر أحيانا بعض التعليقات من الأهل زي امي واخويا ومرات عمي وبعض أقاربي علي شكلي وجسمي الصغير وانا للمشكله بسبب أني بردو رفيع شكل جسمي وحش جدا انا حرفيا كنت بتعرض لتعذيب نفسي بسبب أهلي وأنا صغير وده كان سبب كبير اني اول الحاله يعني كانوا دائما يقولي انت رفيع وانا المشكله كنت بصدقهم مع العلم اني وانا صغير مكنتش رفيع فبطلت اكل عشان لازم اكون رفيع زي ما بيقولوا كنت عيل عبيط وانا صغير وده أثر عليا دلوقتي وبما أن شكلي صغير وان اهلي كانو بيتريقوا عليا واحنا في بيت اصلا كله زعيق وصريخ وابويا وامي مش بيحبوا بعض وابويا اهملني طول فتره حياته وأمي مكنتش فضيالي يعتبر وابويا شبه ملوش وجود في حياتي غير مصاريف بس وبما اني اصغر واحد في اخواتي وحرفيا كل اخواتي كبار فكنت بقعت لوحدي كتير وبالنسبه انا معنديش صحاب ومكنش عندي صحاب فأنا كنت بهرب من مشاكلي عن طريق إني اتفرج علي porn عارفين يعني ايه طفل عنده ٩ سنين يفرج علي porn وفعلا الموضع التطور الفتره الأخيره كدا معايا بما اني زي ما قولت انا شكلي صغير فده شئ بيحسسني بعدم الرجوله مع اني نفسي اكون راجل نفسي يكون جسمي طويل وعريض وعندي عضلات فده كان بيخلني ازود الجرعه في الإباحيه وده ادي أن ميلوي اتغيرت بشكل بسيط انا الحمدالله مواظب علي الصلاه والي فعلا مصبرني إني بحكي همي ومشاكلي كلها لربنا وانا بجد عراف اجد بديل عن الإباحيه انا عندي فراغ نفسي مش عارف املاه ازاي انا نفسي حد يحسسني إني راجل مش عيل ولا بنت انا فعلا نفسي أصاحب بنات علي الأقل عشان احس برجولتي انا عارف ان الصحوبيه حرام بس انا فعلا نفس حدد يحسسني إني راجل ودائما بسأل نفسي هل في بنت ممكن تعجب بيا اصلا وهل هتكون شيفاني راجل ولا لأ وبعدين في مشكله تانيه انا فعلا معنديش صحاب وانا فعلا اتقفلت ومش عايز اكون صحاب تاني لأني حاولت ولما حاولت الشخص ده أذاني ومش عارف أعمل ايه في الشهوه الجنسيه الي عندي ديه وشكراً لو انت كملت قرائه لحد هنا وجزاك الله خيرا
تقبل نفسك وغض بصرك علشان أساس البورن هي النظره الي بتشوفها علي موقع التواصل وخلي معاك صحبه صالحه ترشدك للخير انا عندي 19 وانا والله بجد انا عندي نفس مشكلتك وامي وانا صغير كانت بتقولي انت بنت ويعتبر نفس المشاكل بس الحمدلله لما وعيت تفكيري واشتغلت بي نفسي اكتشفت انو الحجات دي مجرد زينه الحياه وانك هدفك من الدنيا ده كلها رضا ربنا وانت مش مطالب برضا والديك انت مطالب بي برهم بس وحتلاقي كلام كتير ونصائح كتير ووجه نظر مختلفه بس الاهم انك تجاهد نفسك علشان الحوار صعب جدا لما تبدأ تحس بي القوه نتيجه مخالفه هواك حتتدمن الشعور ده + علشان تفرغ الطاقه السلبيه ديه حاول تسامح وتعفو عن الي بيئذيك وتكتب كل مشاعرك في ورقه مثلا وربنا يصبرك ياخويا انت فيك كل الخير ♥️
تم النشر الاثنين، ١٦ سبتمبر ٢٠٢٤
السلام عليكم ورحمة الله وبركاته بص اولا كل الابتلاءات دي عشان ربنا يشوفك هتصبر وهتفضل تطيعه ولا هتنفر وكلنا عارفين ان ربنا مش بيبتلي الا ال بيحبهم.. انت مكتوبلك كده لازم ترضي وتحمد ربنا علي انك احسن من غيرك كتير.. وفي حاجه الصغر ده ممكن يكون وراثه ولما تبدا في العشرين هتبدا تتغير اكيد مش هتفضل كده دايما. اي حد في السن ده هيشوف ان الاهل ضده في كل حاجه وفي ناس بيجيلها اكتئاب من موضوع معامله الاهل ليهم بس هما اكتر حد عايزينا نكون احسن ومفيش حد مش هيحب ولاده. ف نحاول نصاحبهم ويكونو راضيين عننا حتي لو هما وحشين لاننا ملناش حق نحاسبهم احنا ال هتتحاسب علي معاملتنا ليهم..وهما برضو ربنا هيحاسبهملو عملو حاجه تخلينا نوصل لدرجه مش حابينها فاهمني.. وموضوع الصداقه بالنسبالي مش احسن حاجه انا كان عندي اصحاب بالهبل بنات يعني ودلوقتي مفيش اي حد فيهم معايا دلوقتي كل واحد شاف طريقه مع ان ال يشوفنا كان يقول اخوات..لو حابب صديق معاك في طريقك دور علي صحاب ياخدو بايدك لطاعة ربنا مش يبعدوك.الصاحب ال يقولك تعال نصلي مش نروح نلعب.. واخر حاجه مهما كنت بتتفرج علي الحاجات دي بطلها وحاول تكون احسن ومتخليش شهوتك تتغلب عليك كلنا بنغلط بس في فرق من ال بيتوب ومن ال عايز يفضل في مكانه وميغيرش من نفسه.. وخير الخطائين التوابين.. يعني ربنا بيحب الانسان ال بيتوب لما يغلط.. اتمني تكون استفدت من كلامي اسفه للاطالة
تم النشر الجمعة، ١٣ سبتمبر ٢٠٢٤
وعليكم السلام ورحمة الله وبركاته اولا مشكلتك هي انتا لازم تحب نفسك زي ما انت لان دي حاجه خارج ايرادتك يعني متسمعش للكلام السلبي دا وبعدين الناس اللي بتقولك انت مش راجل انا اسفه يعني هما فاهمين الرجوله غلط مش بالجسم ولا بالعضلات ولا حتي بالصوت يعني متسمعش للكلام الفارغ دا انتا لو شايف نفسك راجل وعامل قيمه لنفسك محدش يقدر يقول حاجه عليك انتا اللي سمحتلهم ينقدو فيك وبعدين انتا بتقول انا وحيد ومحدش من اهلي واقف معايا دا دليل انك مش واثق في نفسك ولا شايف نفسك راجل اعتمد علي نفسك في كل حاجه انتا دلوقت عندك 17سنه يعني مسؤول ومشكله ان جسمك مش حلو اعمل تمارين رياضيه حتي لو مش هتروح الجيم شوف فيدوهات من علي اليوتيوب والتزم بيها وجسمك هيبقا كويس وكمان علشان تكسب احترام الناس انت اولا لازم تحترم ذاتك وتحبها وبعد كدا خلي ليك كلمه وقول رأيك في اي حاجه انت شايفها مش عاجباك ومتخفش من النقد النقد موجود في كل مكان بس الذكي اللي يعرف يحول السم لدواء وانت عايز تملي الفراغ اللي جواك دا اشغل نفسك بحاجه انت بتحبها زي التمرين والدراسه او ي حاجه انتا بتحبها المهم اوعي تقعد كدا مش غير ما تعمل حاجه لان الفراغ دا هوا اللي مبوظ الدنيا كلها يعني اهتم بحياتك اصنع عالمك الخاص متصاحبش صاحب سوء او مش مرتاح معاه ولو معندك اصحاب مش مشكله عادي انا واحده من الناس اللي عندي صاحبه واحده بجد مش لازم تبقا مسنود علي حد اعمل لنفسك حاجه تتسند عليها اتمني اكون افدتك بحاجه
تم النشر الجمعة، ١٣ سبتمبر ٢٠٢٤
اولا كده اقعد مع نفسك وحاول تتقبل كل حاجه فيك وفي شكلك لأن نظرتك لنفسك هي نفس النظرة الا الآخرين بيشوفوك بيها وبعدها كده ابتدي ظبط اكلك وكل اكل في بروتين وانزل جيم واتمرن وهتلاقي جسمك دا في شهرين تلاته اتغير ١٨٠درجه وابتدي اشغل بقي وقتك بأي حاجة بدل ما بتسمع فيديوهات اباحيه جرب تسمع فيديوهات ازي تغير من نفسك جرب تتعلم حاجه جديده وأخرج من البيت اتمشي أو انزل اشتغل في الاجازة وكون علاقات مع الا حواليك حتي لو في الاول مش هتحس انك مرتاح أو خايف انك تتخذل بس افتكر انك مش خسران حاجه وانك عايش عشان تجرب وتقع هي الدنيا كده احنا عايشين عشان نتعلم واهم حاجة تفضل تصلي وخليك عارف ان ربنا معاك دايما وهو لما يشوف محاولاتك وسعيك هيقفل اي باب ذنب قدامك ومش هترجع ابدا بس حاول دائما وفي النهاية كالعادة متنساش تحب نفسك واعرف ان طول ما انت مؤمن بربنا و بنفسك كل حاجه هتتحل
تم النشر الجمعة، ١٣ سبتمبر ٢٠٢٤
معظم المشاكل النفسية بتكون نتيجة لطفولة غير سوية، والواجب علينا تجاه نفسنا اننا نصلّح الإنعواج النفسي دا ومانعلقش الغلط على حد حتى لو كان هو السبب فيه عشان دا لا هيقدم ولا هيأخر. أنا فاهمة مشكلتك جدا ولازم تقف جانب نفسك وتقويها وتقومها واحدة واحدة: ١ حب نفسك؛ الناس لو انت تخين هتتكلم لو رفيع هتتكلم لو طويل او قصير هتتكلم لو دكتور او مهندس برده الناس مش هتسيب حد وهتتكلم، ولو كل واحد فضل مراقب الناس ويشوف الناس بتقول ايه عنه ماحدش هيتقدم، فحب انت نفسك. ٢ اروي روحك بقربك من ربنا: الصلاة عمود الدين وعمود الحياة وكل حاجة، فلو صلحت صلاتك امورك هتتحسن بنسبة كبيرة وأهم صلاة تدل على حبك لربنا هي صلاة الفجر، حافظ عليها وبنفسك هتشوف ٣ عشان تتغلب على الفراغ العاطفي والوسواس اذكر ربنا كتير واستغفر ٤ اشغل نفسك، حط طاقتك في حاجة انت بتحبها... الكورة مثلا، الجيم، القراية.... ٥ اللي بيشوف حاجات مُهينة ويخلي ربنا أهون الناظرين إليه، ربنا بيهينه في عيون نفسه وعيون الناس فلو دخل مجلس بيكون كإنه مش موجود حتى الصالحين مابيحبوش وجوده ٦ فكر نفسك دايما ان عقوبة الحاجات دي النار وانك بتستخدم نعم ربنا في انك تعصيه ودا جحود وانكار للنعمة (إِنَّ السَّمْعَ وَالْبَصَرَ وَالْفُؤَادَ كُلُّ أُولَئِكَ كَانَ عَنْهُ مَسْؤُولاً )[الإسراء:36]. ٧ إن الله دائم النظر إليك فتأدب ومن ترك شيئا لله عوضه الله خيرا منه
تم النشر الخميس، ١٢ سبتمبر ٢٠٢٤
وعليكم السلام ورحمة الله وبركاته، أخي العزيز، أولاً، أود أن أحيي شجاعتك في عرض مشاعرك وأفكارك بهذا الوضوح. من المهم أن تدرك أن كل شخص يمر بتجارب وصراعات في حياته، وخاصة في مرحلة الشباب التي تعتبر مليئة بالتغيرات والتحديات. ما تمر به من مشاعر قلق بشأن مظهرك الجسدي والشعور بعدم النضوج الجسدي يعتبر شيئًا طبيعيًا في هذه المرحلة من العمر. فالكثير من الشباب يشعرون بعدم الراحة تجاه أجسادهم، خصوصًا في وقت يكونوا فيه في مرحلة التغير والنمو، وقد يتعرضون لتعليقات من الآخرين تؤثر على ثقتهم بأنفسهم. أحب أن أؤكد لك أن ليست المظاهر هي ما تعكس رجولتك، بل الأخلاق والنية والمسؤولية. يمكنك العمل على تطوير نفسك في مجالات أخرى كتعزيز قدراتك العقلية والشخصية، وابتكار طرق للاتصال مع الآخرين وتكوين صداقات. فحاول الانخراط في الأنشطة المختلفة التي تثير اهتمامك، سواء كانت رياضة، أو نشاطات ثقافية، أو تطوعية، فهي ستساعدك على توسيع دائرة معارفك وتكوين صداقات جديدة. أما بالنسبة للشعور بالعزلة والشهوة الجنسية، فمن المهم أن تتعامل مع هذه المشاعر بطريقة صحيحة. يمكنك البحث عن نشاطات تحبها تشغل وقتك وتساعدك على تجنب التفكير في الأمور التي تضر بك. كما أن التحدث مع شخص موثوق، مثل مستشار نفسي أو مرشد، قد يوفر لك الدعم الذي تحتاجه في هذه المرحل. لا تنسى أن الله سبحانه وتعالى هو الذي يفتح الأبواب ويعطيك القوة في كل بلاء تعاني منه. استمر في الصلاة والاقتراب إلى الله، واستعن به في أوقات الشدائد. أخيرًا، حب نفسي، والدعاء، ودعم الذات هم أمور مهمة. كن صادقًا مع نفسك، واعمل على التحسين الذاتي دائمًا. أتمنى لك كل التوفيق والنجاح في حياتك، وعليك أن تؤمن بنفسك وقدراتك.
تم النشر الخميس، ١٢ سبتمبر ٢٠٢٤
توقف عن هذا الفعل وتوب الي الله و واظب علي قراءة اذكار والصلاة في اوقاتها ده كله هيفرق معاك وثانيا الرجولة عمرها ماكانت بشكل خالص رجوله دي صفات في الانسان زي انه ميقبلش اذي علي اهل بيته ولا علي غيره زي كرم ويقف ويساند الناس وميجيش علي حد الشكل ده يتحل بتمارين او انك تروح الجيم ولو حد من اهلك تطاول عليك خليك حازم وصارم و وقفه عند حده ومتسمحش لحد انه يقلل منك ،
تم النشر الخميس، ١٢ سبتمبر ٢٠٢٤
السلام عليكم مش معني ان في دايما سلبيات في حياتك ده إنو حد يقلل منك ك راجل ياريت متاخدش الكلام ده علي انو هو سلبيات بل تقدر تاخده علي انو حافز ليك وتتغير للاحسن ده بالنسبه لتقليل منك ... بالنسبه لي موضوع الجنس أي حد في نفس سنك بيكون عندو نفس الشهوه الجنسيه دي هي فتره وبتعدي ونصيحه كون دايما قريب من ربنا وحاول تنزل چم وتتعرف ع ناس هناك وبعدين الشكل الصغير احسن ما يكون شكلك كبير والرجوله مش بالجسم ولا بالعضلات الرجوله في الاخلاق وإدي نفسك مساحه ووقت وانا واثقه إنك هتعدي المرحله دي هي صعبه إنو الاذيه بتبقي من الاهل بس هنعمل اي هما الاهل كده بس بيحبونا مهما عملنا سلامي ليك يا غالي
تم النشر الخميس، ١٢ سبتمبر ٢٠٢٤
يعم عايز تكبر ليه خليك صغير ياريت نفضل صغيرين ومتضايقش من حاجه ربنا عملهاك
تم النشر الجمعة، ١٣ سبتمبر ٢٠٢٤
'والذين جهدو فينا لنهدينهم سبلنا". صعبة المجاهده بس أجرها كبير
تم النشر الجمعة، ٢٠ سبتمبر ٢٠٢٤
تقبل نفسك وغض بصرك علشان أساس البورن هي النظره الي بتشوفها علي موقع التواصل وخلي معاك صحبه صالحه ترشدك للخير انا عندي 19 وانا والله بجد انا عندي نفس مشكلتك وامي وانا صغير كانت بتقولي انت بنت ويعتبر نفس المشاكل بس الحمدلله لما وعيت تفكيري واشتغلت بي نفسي اكتشفت انو الحجات دي مجرد زينه الحياه وانك هدفك من الدنيا ده كلها رضا ربنا وانت مش مطالب برضا والديك انت مطالب بي برهم بس وحتلاقي كلام كتير ونصائح كتير ووجه نظر مختلفه بس الاهم انك تجاهد نفسك علشان الحوار صعب جدا لما تبدأ تحس بي القوه نتيجه مخالفه هواك حتتدمن الشعور ده وربنا يصبرك ياخويا
تم النشر الاثنين، ١٦ سبتمبر ٢٠٢٤
ولو قالك انت وحش متصدقهوش لان الجمال ليس في الشكل بل بالصفات الصالحه
تم النشر الجمعة، ١٣ سبتمبر ٢٠٢٤
اللي اتريق عليك وقال انك وحش بكره هيبقي وحش
تم النشر الجمعة، ١٣ سبتمبر ٢٠٢٤
ربنا خلقك كدا انت ليس لديك صديق ولكن ربنا معاك ويوفقك جنبك لانك لست لديك صديق ولكنك لا تعرف ربنا بيفكرلك في ايه
تم النشر الجمعة، ١٣ سبتمبر ٢٠٢٤
يمكن انا يكون شكلك وحش ولكن لديك مهارات لا يستطيع احد فعلها
تم النشر الجمعة، ١٣ سبتمبر ٢٠٢٤
ياصحبي مش ابتلاء بس انت عندك نقص في الهرمونات زي الاكستوسين وعنصر الزنك وعندك مشكله في الفص الجبهي الامامي في الدماغ بسبب الي حضرتو بس متقلقش روح الجم وجيب مكمل الكرياتين وهتبقا تحفه علي سنجة عشره 👌♥
تم النشر الجمعة، ١٣ سبتمبر ٢٠٢٤
ساعة تمارين مقاومة يوميًا + الصيام.
تم النشر الخميس، ١٢ سبتمبر ٢٠٢٤
لعرض السؤال في فدني اضغط هنا