عندي مشكلة و هي اني كنت شخص متفوق دراسيا و من كام سنة بقيت فاشلة بس فشلي دا مكانش فشل مطلق كنت دايما بحاول شوية و برجع افشل و أحاول شوية و ارجع افشل و المحاولة بتبقى كالآتي بقول اني هصلي و أقرب من ربنا و اذاكر و بعمل كدا اسبوع او اتنين و برجع افشل و مهتمش و ابقى مشتته و تايهة المشكلة اني بزعل اني بقيت ضايعة كدا و زعلي بيقلب عصبية و مشاعر متلخبطة و ببقى بكره الكل و بكره نفسي اويي و حتي ربنا ببعد عنه و بفضل فالحال دا اسبوعين تلاتة و بقول خلاص لازم اقوم و ب اعيد نفس الدايرة المشكلة بقى اني بدات اياس من نفسي بقيت عارفة اني الشخص الي بيقول و مش بينفذ بدات ابعد عن ربنا و مهتمش لاي حاجة و بدات اشتم و اتعصب بسهولة و اتكلم بقرف مع الكل و اكره نفسي و اعيط ع خيبتي اما اكون لوحدي بدات احس بالضياع فالوقت دا و استسلمت لنفسي بقيت عارفة اني ماشية فالغلط و مكملة لانه انا أضعف من اني اقول حاجة و انفذها و بعد م كنت ف مدرسة المتفوقين و بطلع من الأوائل دايما فوقت لقيتني شايلة مواد و جايبة dفكله و قولت لنفسي مش هفضل كدا للأبد لازم اقول حاجة و اعملها و بالفعل بدات اذاكر و اصلي تاني و الموضوع استمر شهر و نص و من اول رمضان بدات احس بنفس الاحاسيس تاني و مبقيتش عارفة اعمل ايه انا مش هقدر اعيش كدا انا كنت بصحى من النوم و بكمل حياتي بمنتهي النشاط لاني بفضل احلم بكرا هبقى ايه و هبقى مين انا دلوقتي مش شايفة بكرا مش شايفة ليا مستقبل و حاولت انتحر مرتين ع فكرا و ربنا نجاني بمعجزة يعني اخدت الشريط و ممتش و بالمناسبة انا متابعة مع دكتور نفسي ليا سنة و نص و حتى لو الموضوع يبان بسيط بس انا بخسر الهدف الوحيد الي عايشة عشانه ارجو المساعدة
أنا شبهك تقريباً وكتير شبهك كمان استعينى بسورة البقرة هتحسيها تقيلة عليكى فى الأول...معلش قسميها ١٠ صفحات مثلا بين كل صلاة وصلاة حقيقى هتفتحلك مغاليق الأبواب وسورة الفتح أيضا جميلة. امسكى دفتر واكتبى فيه زى أهداف ولو صغيرة حتى قراءة القرآن والاذكار اجعليهم من ضمن الأهداف دى واشطبى على كل هدف وحطى مكافأة تغرى بيها نفسك فى نهاية اليوم ( أكلة حلوه تعمليها ، حاجه تتفرجى عليها..كدا ) شوفى ناس إيجابية ع السوشيال أحمد عامر ، هالة سرحان ، اسمعى النقشبندى أول ما نصحى ، وخلى المكان حواليكى رايق ومرتب ومكان مفتوح صلى على النبى بالصلاة الإبراهيمية مثلا ابدأى ب ١٠ وزودى كل مرة لحد ما تبقالك عادة. وعادى تنتكسى كتير هتقومى مرة وتقعى عشرة بس وحدة وحدة هترجعى الحياة مليانة والضغوطات بتزيد ولازم يجيلنا وقت وننهار ونضعف ونفشل لازم تعيشى دا فمتحسيش إنك وحدى اللى ممكن تكونى مريتى أو بتمرى بدا كل إنسان لازم يمر بالفترات ديه خصوصاً الناس الشاطرة هترجعى وتكونى أشطر وأقوى وأقرب لربنا صدقينى 💚 وادعيلى معاكى لأنى بردو بحاول.
تم النشر الجمعة، ٢٢ مارس ٢٠٢٤
استمري وحطي هدف مهما كان صغير والعملي الي عليكي تكوني راضيه علي أفعالك و متجلديش نفسك جامد واحده واحده وهتلاقيها سهله جدا
تم النشر الجمعة، ٢٢ مارس ٢٠٢٤
عليكي بتلاوة القرآن كثيرا وفكري جيدا في المستقبل وصلي علي النبي كثيرا سيصبح حالك أن شاء الله وخلي اعتقادك في الله كبير
تم النشر الجمعة، ٢٢ مارس ٢٠٢٤
ياسيدتي الفاضلة الفشل بداية النجاح فحاولي مرة أخري وآخرين وستنجحي باذن الله لطالما هناك لديكي الرغبة الحقيقة لتحقيق النجاح والاصرار عليه مهما كلفك من صعوبات المهم أن يكون لديك عقيدة الاصرار علي النجاح وحافظي علي الصلاة والذكر والصلاة علي النبي فلا تذهبي لطبيب نفسي انت طبيبة نفسك لابد أن يكون لديك إرادة
تم النشر الخميس، ٢١ مارس ٢٠٢٤
والله الحال من بعضه حاولي تفكري مثلا ف طرق جديده تعلقك بالمذاكره زي زمان حاولي متكرهيش نفسك لأن فالحياه دي اتنين هيفهموك نفسك و مامتك و حاولي قربي من ربنا فربنا بيقول ايه فمن تبع هدايا فلا خوف عليهم ولا هم يحزنون
تم النشر الجمعة، ٢٢ مارس ٢٠٢٤
اعملي جدول مذاكره تمشي بي وممكن تذاكري انتي وصحبتك بيكون أفضل واهتمي بصلاتك (وما خلقنا إلا للعباده) وابعدي عن الناس الفاشله والمحيطين خلي عندك حلم واعملي المستحيل علشان توصليلوا وبالتوفيق إن شاء الله
تم النشر الخميس، ٢١ مارس ٢٠٢٤
لعرض السؤال في فدني اضغط هنا