دلوقتي انا مخطوبة لواحد كويس جدآ بس اهله مبيفهموش ف الأصول ولا هو كمان يعني مبيجبوش مواسم ولا بيجولي ف اعياد ولا رمضان انا مبصش لحاجه علي فكره انا بس عايزة شكلي يبقي حلو قدام عيلتي وقدام الناس احنا عينينا مليانة الحمدالله بس دي اصول واحنا عندنا الحاجات دي المفروض تتعمل وانا مش عارفه اتكلم معاه ف الموضوع ده خالص لأن طبيعي هيفهمني غلط
انا بس عايزة حد يقولي اعمل اي او اقولو ايه وازاي
دي بسبب اختلاف التربية ، هو اهله مش متربين علي كده فبالتالي مش بيعملو كده ومش شايفين أنهم غلطانين، ف انت قدامك انك تجربي تقوليله بطريقة لطيفة كده ي خطيبي انا بحب اوي انك تجيلي ف العيد ومتعوده اني واهلي بنعمل مع بعض أجواء العيد وكده وحبه انك انت واهلك تشاركونا عبري ع مشاعرك وانك حبه يعملك كده ، مش انه وحش ومش بيفهم ف الأصول ، جربي مره واتنين بطريقة لطيفة وساعديه انك يتعلم منك الحاجات المختلفين فيها ، هو اكيد كمان عنده حاجات بالنسبالك مش بتعمليها ف عادي طبعو ع بعض ، ف الاخر بقي لو حسه انه لا مش مرتاحه ومش مبسوطه والموضوع مضايقك اوي خلاص سبيه متظلمهوش بس انا حسه انه سبب بسيط دلوقتي صعب تلاقي حد كويس ف حاولي بس متجيش ع نفسك برضو واستخيري ربنا كتير ف كل خطوة وربنا يوفقك للي فيه الخير
تم النشر الأربعاء، ٢٤ يوليو ٢٠٢٤
السلام عليكم. بصي هو خلينا نصيبها صح علشان انت لما يعني هتقوليها كده بالشكل ده لنفسك طبعا هتبداي تضايقي منه انه ما بيفهموش في الاصول هو الاصول دي بتختلف اصلا من مكان للتاني من القريه القريه ومن محافظه المحافظه كل مكان بيعمل عادات واصول خاصه بالمحيط بتاعه يعني. ضروري هنا تقفي عند النقطه دي كويس قبل ما تسميها الموضوع بقى بما انه هو اكيد اكيد مهم واكيد بياثر على نظره الناس لبعض ضروري قبل ما يعني يقف عند الموضوع ده ونقول ان هم مش بيعملوا المفروض يتعمل يعني ضروري لو نشوف هل هما عندهم الوضع ده عندنا ولا لا فبنفتح النقاش كده بشكل غير مباشر انه العادات والتقاليد ومش عارفه ايه وفي بلاد عندهم عادات غريبه جدا انتم عندكم العادات بيعملوا ايه وقت الخطوبه وتبداي تسمعي منه وتشوفي هم بيعملوا ايه في وقت الخطوبه يعني عندهم العادات بتمشي ازاي ساعتها هتعرفيها هل هم متفقين معكم في نفس العادات وهم فعلا متجاهلينها ومش بيعملوها ولا هم الموضوع عندهم مختلف. سواء كده او كده تقدري بقى تحددي انت رد الفعل بتاعك وبرده في نفس النقاش تقدروا تقولوا له ده احنا بالنسبه لنا. في المحيط بتاعنا اللي مثلا مش بيجيب كذا او اللي مش بيعمل كذا دي حاجه بتبقى يعني ايه عيب وما يصحش وكده وحتى لو هم من نفس العيله يعني دي ما فيهاش مشكله انك يعني بتتكلموا بشكل عام وبعد ما تتكلموا بشكل عام تقولي له يعني ايه انا يعني حبيت ان احنا نتكلم في الموضوع ده علشان اقول لك لانه انا توقعت ان انت تكون مش عارف او ان الموضوع يكون عندكم مختلف ان شاء الله ان شاء الله الامور يعني تكون بسيطه وتمشي بشكل بسيط ان هو بس توضيح لاختلاف العادات مش اكثر من كده مش عشان انت عايزه حاجه ولا اي كلام من ده بس.
تم النشر الأربعاء، ٢٤ يوليو ٢٠٢٤
فهمت اللي انتي بتمري بيه، الموضوع ده مش سهل خاصة لو بتحبي خطيبك وبتحاولي توازني بينه وبين تقاليد عيلتك. هنا شوية نصائح ممكن تساعدك: ابدأي بمحبة ورقة : حاولي تتكلمي مع خطيبك بلطف وبأسلوب ودود. ممكن تقولي له مثلاً: "أنا عارفة إن كل عيلة ليها تقاليدها بس كنت عايزة أقولك إن عندنا بعض العادات اللي بنحب نلتزم بيها، زي زيارات المواسم والأعياد. بتحب نتكلم عن ده؟". شاركِ مشاعرك بوضوح : اشرحي له إن الموضوع مش بس عشان المظاهر قدام الناس، لكن عشان ده جزء من تراث عيلتك واللي بتحبي إنكم تحافظوا عليه مع بعض. ممكن تقولي له: "أنا مش بقول كده عشان المظاهر، بس دي حاجات كبيرة عندنا في العيلة وأتمنى إننا نحترمها سوا". ابدئي بحلول بسيطة : ممكن تبدأي بحلول صغيرة تساعد في كسر الجليد. مثلاً اطلبي منه يبدأ بزياة بسيطة في المناسبات، زي إنهم يزورفي رمضان أو الأعياد. كوني صبورة : مش كل الناس متعودين على نفس العادات والتقاليد، وخطيبك وأهله ممكن يكونوا محتاجين وقت عشان يفهموا ويعترفوا بالتقاليد دي. تجنبي الانتقاد الحاد : لو ركزتي على ايجابيات خطيبك وأوضحتيله إنك مش بتهاجميه لكن بتحاولي تعدلي الأمور عشان تبقي مرتاحة، هيبقى أسهل عليه إنه يفهم ويقدر موقفك. في النهاية، أهم حاجة إنك تفتحي الحوار بشكل هادي ولطيف، وتحاولي توصلي لوسيلة وسط تسعد الجميع. بالتوفيق يا زكية!
تم النشر الأربعاء، ٢٤ يوليو ٢٠٢٤
لعرض السؤال في فدني اضغط هنا