السلام عليكم ورحمة الله وبركاته اهلا بك هنا محتاجين نعرف ايه الضغط اللي بيقع عليكي في العمل؟ علشان تقدري تتعاملي مع المشكله بشكل صحيح. يعني بيخلوكي تعملي شغل غير شغلك؟ نوع الأفكار السلبيه اللي بتجيلك؟
علي الرحب و السعه، تحياتي لكي
تم النشر الاثنين، ٧ أبريل ٢٠٢٥
حاضر هحاول اعمل كدة وأشوف النتيجة وباذن الله تجيب نتيجة شكرا جدا لأهتمامك ومتابعة الردود 🌷
تم النشر الاثنين، ٧ أبريل ٢٠٢٥
اولا ربنا يعينك و يقويكي، ضغوط العمل بتشكل ضغط كبير علي نفسيه الفرد و هنا هتحتاجي تشتغلي علي جزء الاسترخاء سواء عضلي أو تنفسي علشان تقدري تواصلي عملك، جسمك هيفك من الضغط اللي عليه مع الاستمرارية يعني ٢٧ يوم من الاستمرارية هتلاقي فرق واضح جدا استخدمي مثلا ٣ مرات في اليوم الاسترخاء العضلي و هتلاقي فيديوهات كثيره علي اليوتيوب،، وكمان التأمل حتي لو ١٠ دقايق هيفرقوا معاكي.. و كدا انتي تشيلي التوتر من الجسم لأن جسمك مشدود بسبب الضغط اللي عليه... و كدا هيكون فاضل جزء المطالبه بحقوقك، كل اما تقبلي بوضع أقل نفع ليكي و أكثر نفع لغيرك علي حسب صحتك و وقتك و نفسيتك اللي أمامك مبيقدرش دا بالعكس بيزود عليكي اكتر و لذلك يجب المطالبه بحقوقك الرسميه في العمل و الاتفاق المسبق بالمهام الوظيفه في العقد العمل، و مفيش اغلي من صحتك الجسديه و النفسيه.
تم النشر الأحد، ٦ أبريل ٢٠٢٥
انا مديرة قسم الهاوس كيبنج في فندق شهير والقسم ده يشمل 3 اقسام اشراف داخلي ولوندري ومناطق عامة كل قسم منهم له احتياجات يومية مرتبطة بجميع اقسام الفندق مثل المخازن والمطعم والريسبشن والأمن والصيانة بتبقي معاملات يومية بخلاف السجلات والدفاتر والريبورتات اليومية والتشييك علي الغرف بالإضافة إلي جداول شهرية واسبوعية وإنجازات وراحت الموظفين باعتباره اكبر قسم من حيث الأهمية وعدد العاملين فيه وانا لوحدي مفيش تحت مني نائب أو مساعد ومؤخرا تم ضم فندق اخر كفرع جديد وتم تكليفي بإدارة القسم بالفندق الجديد كملحق للفندق القديم فأصبحت معاكي متشعبة وبتسأل في كل كبيرة وصغيرة أمام المدير حاولت اتكلم مع المدير واطلب منه مساعد ليا أو نائب ولكنه رفض بشدة حتي في اجازتي الدنيا بتخرب كل مشاكل الفندق بتصب عندي في التليفون بقيت مضغوطة جدا لدرجة اني بنام وبقوم مفزوعة علي افكار في دماغي واعباء ومشاكل مش بتخلص مخي تعب جدا واتمنيت ادخل في غيبوبة علشان دماغي تفصل وأبطل افكر نفسي الأفكار في دماغي تسكت نفسي في راحة البال والسكينة ولولا أن بيتي مفتوح من مرتبين انا كنت اخدت قرار نهائي بالاستقالة و النهاردة ضغطوني اكتر وضافولي شغل زيادة جالي انهيار في مكتبي وكلما ال HR علشان اقدم الاستقالة ولكنه قعد يقنعني أن القادم افضل
تم النشر السبت، ٥ أبريل ٢٠٢٥
لعرض الإجابة في فدني اضغط هنا