دلوقتي انا امتحنت امتحان وربنا يعلم انا تعبت في الماده دي ازاي بس وانا بمتحن حرفيا نسيت كل حاجه وطلعت عندي غلطات كتيير اوي
لو حد عنده اي رساله لطف عشان حاسه الدنيا واقفه عند النقطه دي
مش معنى انه كان عندك اخطاء في امتحان واحد انك فشلتي او نهايه العالم دي تجربه واحده من ضمن تجارب كتير انتي نجحتي فيها ف ان شاءالله تعوضي في باقي المواد وبتفوق كمان الاهم من ده انك تكوني عارفه القلق كفيل ينسي الانسان اسمه ف لو زاد معاكي او سيطر عليكي مش هتعرفي تحلي بنفس كفائتك وعشان كده انصحك انك تسترخي قبل اي امتحان تعملي تمارين الاسترخاء العضلي والتنفس وكل متجيلك فكره انا مش هعرف احل ف امتحان او ممكن انسى اجابه او مش هحقق الي انا عايزه قاومي الفكره دي وواجهيها بفكره تانيه ايجابيه زي انا ذاكرت وعملت الي عليا ومش هنسى ان شاءالله واوقات لما تزيد افكار سلبيه شتتيها بانك تحولي تفكيرك لحاجه تانيه زي دندنه اغنيه او استغفار او تسبيح المهم متستسلميش ليها عشان متاثرش على مستواكي الدراسي وربنا يوفقك يااارب
تم النشر الاثنين، ١٦ يناير ٢٠٢٣
ممكن يكون اللى حصل مش مفهوم ايه سببه او ليه بيحصل كده بس الأكيد ومعروف ان ربنا بيسبب الاسباب كلها عشان تاخدنا فى طريق الخير. وربنا مش بيضيع اجر العمل الحسن....ربنا شاف المجهود وهيأجرك عليه بس ربنا مش لازم يديلنا الاجر فى الحاجة اللى مستنينها مممكن يراضيكى بمجهودك فى المذاكرة ده فى حاجة تانيه خالص ...ويذكرك بشىء يلحقك من مشكلة مثلا....فيبقي التذكرة دى بدل النسيان بتاع الامتحان. ربنا جميل عدل وحق ...توكلى عليه وقولى ..قدر الله وما شاء فعل والحمد لله
تم النشر الأربعاء، ١٨ يناير ٢٠٢٣
االي فات خلاص فات انساه خلاص عينك علي اللي بعده ركز في اللي جاي لان دا اللي في ايدك دلوقتي وربنا عمره ما بيضيع تعب حد ربنا قال"وان ليس للانسان الا ما سعي وان سعيه سوف يُرى" ف ماتشلش هم حاجة وطالما عملت اللي عليك خلاص سلم امرك لله وسيب الباقي علي ربنا وحاول تنام كويس قبل الامتحان ماتروحش مطبق عشان تركيزك مايقلش وبالتوفيق ان شاء الله
تم النشر الثلاثاء، ١٧ يناير ٢٠٢٣
اللي حصل حصل انت عملت اللي عليك .. وربنا عارف وشاهد ربنا عمره ما هيضيع تعبك ابدا .. حتى لو نقصت في الامتحان ده .. ربنا برده مش هيضيع ابدا مجهودك وتعبك. كون على يقين بلك. ومتراجعش اي امتحان .. اللي عدى خلص خلاص وركز في اللي بعده.
تم النشر الاثنين، ١٦ يناير ٢٠٢٣
هو قدر ونصيب واهم حاجة فعلا انك عملت اللي عليك ومكانش الموضوع اهمال منك خالص .. سيبها على الله وربنا يكرمك على قد مجهودك
تم النشر الثلاثاء، ١٧ يناير ٢٠٢٣
لعرض السؤال في فدني اضغط هنا