انا كنت اشتغلت فترة بس وانا كنت بشتغل كنت دايما متوترة وايدي كانت ببترعش جامد رغم ان معلوماتي النظرية كبيرة ورعشة اللي في ايدي مش بعرف اتحكم فيها يعني لما ايجي اعمل عينة بتجيلي افكار ان انا مش هعرف اعمل عينة او مريض هيزعقلي او هبوظ حاجةونبضات قلبي بتكون سريعة جدا وتركيزي مشتت ومش بعرف اجمع حاجة وده كان بيخلي ناس زمايلي يعني يتنمروا علي لان انا اشطر منهم جدا في جانب النظري مع العلم ان انا اصلا لما بخرج من البيت نبضات قلبي بتكون سريعة وبتوتر جامد وبيكون واضح جدا علي هية اعراض جسدية وانا اصلا في بلد ارياف يعني اما اعراض توتر بتظهر بلاقي نظرات في عنيهم كدا فيها استغراب وحرفيا مبقتش بحب اطلع برا البيت
السلام عليكم ورحمه الله اهلا وسهلا التوتر و الخوف بيأثر فعلا عليكي حتي و إن كان عندك قاعده علميه رصينه، ولكن الافكار بتخليكي مش علي نفس الكفاءه النظريه. و هنا انتي محتاجه : ✴️ التعرض الكثير لنفس الموقف مع تغير افكارك و دا ممكن يكون في البدايه زي التخيل لو انتي مش قادره خالص تاخدي العينه. لكن لو بتعرفي تاخديها و مجرد الافكار بتخليكي تترعشي بس بتكملي هتحتاجي انك تشتغلي كتير و تقولي لنفسك انا عملتها كتير و تفصلي من اي حاجه حواليكب ، خلي تركيزك كله علي العينه مش علي الأشخاص اللي معاكي ولا كلام اي حد. ✴️هتحتاجي تعملي تمرينات استرخاء عضلي شديد و تمارين تنفس عميق هيساعد ف أن الرعشه و الأعراض الجسديه اللي بسبب التوتر تهدأ بدرجه كبيره جدا، هتلاقي التمارينات علي اليوتيوب. ✴️ محتاجه تتعاملي مع افكارك و انتي ماشيه بقاعده كما لو ، يعني و انتي ماشيه تتعاملي كما لو الناس مش بتبص ليكي و كأن محدش مركز معاكي خالص. ✴️ إن اتاحت الفرصه تلعبي رياضه حتي لو في البيت ياريت تعملي كدا هتساعدك جدا. تحياتي لك 💐
تم النشر الخميس، ٢٧ يونيو ٢٠٢٤
السلام عليكم بصي هو كده الموضوع ملهوش علاقه بالشغل وبس هو الموضوع موضوع انك مهتم قوي وعامله تركيز كبير جدا على راي الناس لك او هي الناس هتشوف اللي انت بتعمليه ده ازاي او على حكم الاخرين عموما وهاجي النقطه الفكره دي هي اللي عامله لك الموضوع كله السؤال هنا انت ليه مهتمه براي الاخرين هل طول الوقت مثلا وانت صغيره كانوا اهلك؟ بيقولوا لك ناس هتقول علينا ايه الناس هتقول ايه ما تعمليش كده عشان ما حدش يقول عليك كذا فده الطبع جواكي ولا انت حاسه انك ما عندكيش صرغافيه في نفسك ودائما بتسالي اللي حواليكي رايك ايه رايك ايه ولا بتقدري تكوني رايي لنفسك يعني الامور دي بتفرق جدا وهي دي اساس الموضوع لو قدرتي تشتغلي على الموضوع ده وتوقفيه وما ينوكيش كلام حد هتلاقي تركيزك بقى اكتر واا عموما لو في مساله الشغل بالذات مش كل حد معلومات النظريه كويسه بيبقى في العملي كويس يعني في ناس بصراحه شاطرين في العملي رغم ان عمرنا يعني معلوماتهم النظريه او يعني ما نجحوش بمجموع يعني ما جابوش تقدير عالي قوي ولكن هم عمليا شاطرين فهو مش مقياس. ولو انت مش عايزه تخسري شطارتك دي وعايزه تسقنيها بالعمل فتركزي كويس قوي انك تحلي الموضوع ده عشان يهديكي كتير وشغلك يبدا يظهر.
تم النشر الأربعاء، ٢٦ يونيو ٢٠٢٤
قومي بزيارة طبيب وعمل التحاليل اللازمة، فربما يوجد لديك ضعف في الأعصاب أو بعض العناصر الهامة في الجسم والتي تتسبب في حدوث ذلك.
تم النشر الخميس، ٢٧ يونيو ٢٠٢٤
روحي لدكتور وخدي علاج انا ماشيا ع علاج للاعصاب بسبب رعشة ايدي دي والحمدلله بتخف
تم النشر الأربعاء، ٢٦ يونيو ٢٠٢٤
حبيبتي، واضح عليكي إنك بتمرّي بموقف مش سهل، بس متقلقيش، في حلول وأمور ممكن تساعدك تتحسني. خلينا نبدأ ببعض النصائح العملية: التنفس العميق: لما تحسين بالتوتر أو الخوف، جربي تتنفسي ببطء وعمق. حاولي تاخدي نفس عميق من بطنك (مش صدر فقط)، وخرجي الهواء ببطء. دي الطريقة ممكن تهدي وتقلل نبضات قلبك وتساعدك على التركيز. التدريب على التوتر: حاولي تتخيلي المواقف اللي بتحسسك بالخوف أو القلق، وخلي مخك يتعود عليها. ابدئي بتخيل المواقف البسيطة، وبعدين زوّدي الصعوبة تدريجياً. كده بتدربي عقلك على التعامل مع التوتر. التمارين الرياضية: الرياضة بصفة عامة بتساعد في تحسين المزاج وتخفيف التوتر. حتى المشي اليومي لمدة نصف ساعة ممكن يعمل فرق كبير. العلاج الكلامي: لو حسيت إن الأمور خارجة عن سيطرتك، ممكن تفكري في التكلم مع مختص نفسي. الجلسات دي ممكن تكون مفيدة في فهم نفسك أكتر وتطوير استراتيجيات للتعامل مع الخوف والقلق. البحث عن الدعم: ماتخليشي نفسك وحدك. كلمي أصدقاءك أو أفراد عائلتك اللي بتثقي فيهم، وحاولي تحصلي على الدعم منهم. تعزيز الثقة بالنفس: حاولي تركزي على النجاحات الصغيرة اللي بتحققينها كل يوم، مهما كانت بسيطه. دي الطريقة هتساعدك تبني ثقة بنفسك تدريجياً. تحسين بيئة العمل: اتكلمي مع مديرك أو زملائك عن مشاعرك، خاصة لو كانوا بيتنمروا عليك. يمكن مناقشة الأمور بطريقة هادئة ومفتوحة يؤدي لتحسين الوضع. تذكري، إنك مش وحدك في المعركة دي، وإنه من الطبيعي تحسي بالتوتر والقلق أحياناً. الأهم هو إنك تحاولي تواجهين المخاوف وتبحثي عن طرق لتحسين حالتك النفسية. لو عاوزة تتكلمي أكتر أو عندك أي استفسارات زيادة، أنا هنا علشان أسمعك وأساعدك. 💪❤️
تم النشر الثلاثاء، ٢٥ يونيو ٢٠٢٤
لعرض السؤال في فدني اضغط هنا