انا بقالي ٦ سنين منفصله .... اتأذيت كتير اوووي نفسيا وجسديا ومش عارفه انسي كل مره اضربت فيها لحد دلوقتي ومش عارفه اثق ف حد اعمل اي
اللي مريتي بيه مكنش طبيعي للأسف واكيد نفسيتك اتأثرت بشكل كبير بسبب اللي حصل وعشان تقدري تتعايشي مع الذكريات دي لازم علاج نفسي مع مختص اتمني ربنا يكرمك ويعوضك كل خير يارب ❤
تم النشر الاثنين، ٧ أغسطس ٢٠٢٣
مش مطلوب منك تنسي لأن دة حاجة مش بإيدك تماما لكن مطلوب منك أن تتجاوزي الماضي وتتقبلي اللي حصل باعتباره مصيبة قدرها الله قبل خلق السماوات والأرض (ما أصابَ مِن مُصِيبَةٍ في الأرْضِ ولا في أنْفُسِكم إلا في كِتابٍ مِن قَبْلِ أنْ نَبْرَأها إنَّ ذَلِكَ عَلى اللَّهِ يَسِيرٌ . لِكَيْلا تَأْسَوْا عَلى ما فاتَكم ولا تَفْرَحُوا بِما آتاكم واللَّهُ لا يُحِبُّ كُلَّ مُخْتالٍ فَخُورٍ) وتقولي إنا لله وإنا إليه راجعون اللهم أجرني في مصيبتي واخلفني خيرا منها كلما تذكرتي الماضي
تم النشر الاثنين، ٧ أغسطس ٢٠٢٣
ادام الله عمرك اختي الفاضله ما بين اليوم وما سيأتي هو الوقت لا تحملي نفسك شئ لكن اقول لكي دعي الخلق للخالق يعني لا تدعي علي حد ولا تعيشي علي ما ماضي ولكن انتي في ايدك سلاح تانجو بيه وبنفسك بأن تقفي بين يدي الله وتطلبي منه ما شئت كما ظلمت انسي وانا عارف ان دا صعب ولكن حاولي صوابعك مش زي بعض زاى مافي الصالح ف الطالح وربنا يريح بالك وعقلك وقلبك ويسدد خطاكي لما يحبه ويرضاه
تم النشر السبت، ١٢ أغسطس ٢٠٢٣
اذا كانت هذه الذكريات تعيقك عن أن تعيشي الحياة بشكل طبيعي، وعن أداء مهامك والروتين اليومي بشكل طبيعي فعليك زيارة معالج نفسي، وحبذا إن كانت البداية من الطبيب النفسي لا الأخصائي، هو قادر على مساعدتك على تجاوز الأمر بشكل آمن وصحي
تم النشر الجمعة، ١١ أغسطس ٢٠٢٣
هو مش مطلوب مننا نسى حاجه .. لان الطبيعي اننا مش هننسى احنا بنتخطى .. ولكن مش بننسى. فالخطوة الاولى انك تشتغلي على نفسك في موضوع انك تتخطي الاذي اللي انتي تعرضتي له. طيب ازاي؟ بأننا نقتنع بأشياء معينه كده ولكن هتفرق في تفكيرك عموما .. طبعا تعرضنا عموما للاذي ده وارد فاول شئ انك تتقبلي تعرضك للاذي، احنا كلنا بناقبل في الحياة حاجات كويسة وحاجات مش كويسة .. ف احنا علينا اننا ناخد الحاجات المؤذية عن طريق انها تجربة .. تجربة المفروض نتعلم منها، تجربة المفروض انها تصقلك عاطفيا وشخصيا .. تجربة فعلا تكوني استفتدي منها في جميع الجوانب. لان الاذي في الحقيقة منقدرش نهرب منه، كلنا اتأذينا وهنتأذي سواء من مشكلة عاطفية او غيره، احنا فقط علينا اننا نتقبله ونفهم حكمة ربنا من التجربة ديه. هتقوليلي هو انا لازم اتعذب يعني علشان اعرف الصح او حكمة ربنا؟ في الحقيقة اه .. انتي لو فضلتي تقولي لطفل صغير مثلا، متقربش من النار علشان هتلسعك، غالبا ممكن ميسمعش كلامك، الا لو راح وقرب منها وفعلا اتأذي .. وقتها مش هيقرب منها لانه هيعرف انها مؤذية. هكذا هي الحياة، ولكن مش معنى كده انك متجربيش تاني تجربة جواز، لا ده مش معنى كلامي، معناه انك تتجنبي الغلط .. تتجنبي الوقع في الغلط مرة اخرى .. وتعرفي الصح من الغلط .. مفيش حد هيتعلم من الصح، لكن احنا لازم نغلط علشان نتعلم. اقبلي انك اختاري غلط ... اقلبي الاذي اللي انتي تعرضتي له ... اقبلي الحياة كما هي من خير وشر.... اقلبي نفسك .. علشان تعرفي تتخطي التجربة وتبدأي من جديد
تم النشر الثلاثاء، ٨ أغسطس ٢٠٢٣
يا حبيبتي، انا عارفة ان اللي انتي مريتي بيه صعب جدا ومؤلم. بس متخليش الماضي يسيطر على حياتك. انتي إنسانة قوية وقادرة تتغلبي على أي صدمة. مش معقولة تفضلي كده ٦ سنين بعد اللي حصلك. لازم تحاولي تنسي بقى وما تقعديش تفكري في الماضي. اعملي حاجات تحبيها، اطلعي مع صحابك، روحي الجيم، سافري، اتفسحي، عيشي حياتك عادي. ما تستنيش انك تثقي في حد تاني علشان تبتدي تعيشي. لازم تبتدي من نفسك وتثقي في نفسك اولاً. خدي وقتك في الشفاء. اعتمدي على نفسك اولا. بعد كده اطلبي مساعدة من أهلك وصحابك المقربين. محدش هيلومك، انتي مش الغلطانة. الغلط في اللي عمل فيكي كده. ربنا معاكي يا قمر وان شاء الله الايام الجاية هتبقى احسن.
تم النشر الاثنين، ٧ أغسطس ٢٠٢٣
اتوقع لو رحتي لاخصائي نفسي هيساعدك ، اضافة اعملي اشياء جديدة فيها شغف
تم النشر الأربعاء، ٩ أغسطس ٢٠٢٣
لعرض السؤال في فدني اضغط هنا