السلام عليكم ورحمه الله وبركاته
لو سمحت أنا عندي أخ ولد في 2 إعدادي طول الوقت بيتكلم معانا أن هو عايز يسيب المدرسة و يروح يشتغل أحسن المشكلة أن احنا اتكلمنا معاه كتير ومش راضي يقتنع أن ده غلط .
المشكلة أن بابا مش قريبه منه ومتزوج واحدة تانية وعنده أولاد وكل شويه يقالوا روح شوف اخواتك.ياريت اشوف ارائكم
أخوكي شايف الدنيا من خرم إبرة .. ومش عارف إيه أبواب الشغل اللي بتتفتح له لما ياخد شهادة ووعيه هو نفسه بيتغير ازاي بالتعليم .. الحل أنك تحاولي تقنعيه أن الشغل بشهادة أعلى من الإعدادي والثانوي أحسن له ماديا بكتير من الشغل بالابتدائية وهو ممكن يجرب يشتغل في الأجازة على كل حال من غير ما يترك المدرسة ولو مستعجل على موضوع الفلوس ممكن يتعلم حاجة يشتغل بيها أونلاين فريلانس بجانب الدراسة
تم النشر الأحد، ١٩ فبراير ٢٠٢٣
خلوه يجرب شغل يكون بيعتمد على المجهود البدنى ...عشان يبدأ يقيم لوحده انه مش طول العمر هيقدر يكمل فى نفس الشغل اللى بيعتمد على المجهود البدنى ...والتعليم هيخليه يشتغل حتى لو جسمه لاقدر الله بقت طاقته ضعيفة. ممكن بردوا تعرفوا منه السبب الحقيقي...لانه واضح انه احتمال يكون عاوز يعمل كده عشان يحس انه راجل البيت وبيوفر جزء من الدخل...محتاج يحس برجولته يعنى ....دى ممكن تساعدوه فيها بانكم تعاملوه ع الاساس ده بدون شغل
تم النشر الثلاثاء، ٢١ فبراير ٢٠٢٣
اولا لازم متعرضيهوش ولازم تفهمي وجهه نظرة ولازم تدعميه كمان لان كل مرة هتعرضيه فيهاهيعند اكتر . الشباب في السن ده بيشوف عن كدا كدا محصلا بعضها اخدت شهادة ماخدتش كدا كدا مش هشتغل بشهدتي دي الدنيا من وجهت نظره لازم بعد متفهميه وتبينيله ان وجهت نظره هيا الصح ان في ربنا ربنا المقسم لكل واحد رزقة امتي وفين وتحكيله حكيات من واقع الحياة شفت مين عمل ايه وبقا فين ووصله ازاي. اخوكي ممكن يكون عنده مشكله نفسيا بخصوص والده انه مش موجود وده اكيد بيخلي اخوكي عايز يعمل حاجة يثبت فيها لنفسه انو موجود وليه لازمه ف انت لو اتكلمتي معاه وحسستيه انك معاه ومش معترضه علي الهيعمله ده ممكن يخليه يتقبل منك اراي تانيه ويسمع كلامك
تم النشر الثلاثاء، ٢١ فبراير ٢٠٢٣
هو حبيبي من كتر إهمال الاب مش آكتر لكن ولا مقتنع ولا حاجه هو بس النفسيه و المراهقه فحاولو تساعدوه يشتغل ويجرب بس من غير ما يسيب الدراسه.. سهلوا عليه التجربه بلاش يفضل قاعد جايز نفسه ف حاجات عاوز يحوشلها ويعتمد علي نفسه
تم النشر الأحد، ١٩ فبراير ٢٠٢٣
شوفي هو غالبا حاسس بالغضب من بباه والغيره انه قاعد مع اخواته التانين ومش موجود معاه بنفس المقدار ومش مهتم بيه زيهم وففتره المراهقه وتأثير اراء الأصدقاء بيفرق جدا معاه لانهم بيحتوه ف الفتره دي بأفكارهم وسلوكهم حتى لو خاطئه ف بيمشي عليها مهما كانت عشان صحابي قالوا كده الدور هنا دور الاب لازم ينتبه ان ابنه بيضيع منه مش دراسيا بس ولكن قد يكون سلوكيا ف المستقبل لازم يهتم بيه اكتر لازم يصاحبه قوي يديله وقت اكبر ويخرج معاه ويحفزه عشان يدرس ولو تكاسل او اعرض يبدأ يعاقب عقاب بسيط بالحرمان من حاجه واحده بيحبها ولفتره قليله وهكذا لحد ميبدا يلاقي في سيطره من الاب ف البيت وانه مهتم بيه وبمشاكله ومسيطر ف كل حاجه حتى ف غيابه كمان دور الام مهم جدا وتعمل نفس الي لسه قيلاه ان الاب يعمله وتعرف صحاب ابنها مين ويدخلوا البيت تعرف اشكالهم اهلهم مين ولو متاح تتعرف ع أمهاتهم عشان متسببوش الولد للشارع واصدقائه يربوه ويجي وقت يضيع ومتعرفوش هو سبب ضياعه ايه دور الاخوات عموما يكون صداقه مقربه مهما حصل اسمعوا منه ومتعاقبوش بس انصحوه بهدوء والعقاب والسيطره السلوكيه للأم والاب فقط
تم النشر الأحد، ١٩ فبراير ٢٠٢٣
غلط كبير ان الشاب اللي مقتبل العمر يترك التعليم ، حرفيا كده بيقضي علي اي فرصة مستقبلية محترمة ممكن تجيله في اي مجال عمل ، ثانيا لو حصل اي حاجه هيفكر يشتغلها هتبقي مجهدة و متعبة و العائد بتاعها مش مجزي دا لو حلال .. او هيضطر يشتغل شغل شمال .. ياريت توصل الموضوع لحد كبير في للعيلة و هو يعقل اخوك ده و يفهمه علشان هو فاكر الموضوع سهل و مالوش اي اثار جانبية ، ثانيا فرصة انه يتقدم لعروس علشان يتزوج و معاه شهادة غير لما تدخل علي الناس و تقولهم انا سايب المدرسة من اعدادي ، برضه فرص انك تتعين في اي شركة او عمل حكومي هتنزل بنسبة كبيرة ، النصيحة واجبة اتعب في الموضوع و انصحه و هات ناس تنصحه و تنصح والدك حتي لو هيلوم عليك او هيعتابك او هيضربك بس انت لازم تعمل كده لانه اخوك .. علشان لو صمم علي قراره يبقي عارف هو داخل علي ايه و كمان علشان يبقي علي نور و يتحمل مسؤولية نفسه فيما بعد و ميرميش اللوم عليكم .
تم النشر الأحد، ١٩ فبراير ٢٠٢٣
طيب انا عندي حل ، تقعد معاه وتحاولوا كده تفكروا لسنين قدام ، ان اخواتك كلهم خلصوا تعليم واشتغلوا في اماكن كويسه وفي مراكز مرموقة ، قوله وانت فين بقي ، معقول هتبقي لسه واقف في نفس السوبر ماركت ، او المكتبة ، لا بتقدم ولا بتأخر ، ده المستقبل اللي انت شايفه لنفسك ، انت كده هتبقي مبسوط بوضعك ده ، وحاول تحتويه خرجه وفسحه وغيرله نفسيته تماما واتكلم معاه دايما بهدوء وحاول تقنعه بالعقل واحده بواحده ان شاء الله ربنا يهديه للخير
تم النشر الاثنين، ٢٠ فبراير ٢٠٢٣
• إذا كان يُريد العمل فلا بأس دعيه يُجرب ، ولكن بدون ترك المدرسة ، واشترطي عليه ذلك أن يعمل ويُذاكر وينتبه لمُستقبله ، هذا أفضل من أن يستغل فراغه في معصية.
تم النشر الخميس، ٢٥ يناير ٢٠٢٤
أو في مكتبه
تم النشر الأحد، ١٩ فبراير ٢٠٢٣
عايز يشتغل في سوبر ماركت
تم النشر الأحد، ١٩ فبراير ٢٠٢٣
إيه اللي جاب لاخوكي القناعة دي .. وهو عايز يشتغل إيه بالضبط بالشهادة الابتدائية؟
تم النشر الأحد، ١٩ فبراير ٢٠٢٣
لعرض السؤال في فدني اضغط هنا