انا حبيت واحد ف الكليه اتكلمنا فتره كبيره من اول ما دخلنا الكليه حاليا احنا ف تانيه بنتكلم كصحاب بس..هو من ناحيته حابب نبقا صحاب دا الي فهمته لانه عمره ما قال حاجه تبين أنه عايز نرتبط حتي مش بيلمح إنه معجب بس احنا بنرتاح لبعض جدا ومتفاهمين اوي ودي اكتر حاجه بتشدني ليه أن دماغنا شبه بعض انا قابلت كتير وناس كتير حاولوا يدخلو حياتي وبيدوني اهتمام وحب ليا اكتر منه بكتير بس ولا واحد فيهم دخل قلبي بجد انا اتعلقت بيه من كتر ما بشوفه ف الكليه ومن كلامنا وهزارنا مع بعض انا دلوقتي شاكه أنه ارتبط لانه قلل كلام معايا خالص وبينزل اغاني حب الفتره دي بقيت لما بدخل أسأل عليه الاقيه مش عايز يفتح مواضيع زي الاول طب اعمل ايه لو ارتبط فعلا اتعامل معاه ازاي بعد كدا انا لسه بحبه مع أنه محبنيش للاسف
اصعب حاجه الحب من طرف واحد عن تجربه انا من رائي انك حاولي تنسي حتي لو معرفتش حاولي والحاجه الوحيده الي هنصحك بيها انك متروحيش تقوليلو علشان ممكن يكسفك وكدا حتي علاقه الصداقه هتتوتر وهتلاقي نفسك في كل حته مكسوفه من الي انتي قولتيه
تم النشر السبت، ١٣ يوليو ٢٠٢٤
فى البداية كده.العلاقه بينكم كانت فى الأساس أصدقاء يعنى مكنش فى مشاعر متبادله لكن مع الوقت الموضوع خد مسار تانى معاكى .حاولى انك تتعاملى معاه فى نطاق الزماله ودايما افتكرى أن المشاعر دى كانت من تجاهك انتى بس.حاولى علشان تقدرى تخرجى من الحاله دى انك تشغلى نفسك كتير سواء برياضه معينه .تنضمى فى تجمعات عائلية. شاركى اصدقائك فى موضوعات مختلفة وجديدة ممكن تشتغلوا فيها مع بعض .اكتبى دايما اللى جواكى وايه اللى نفسك تحققيه.المهم انك تشغلى نفسك بكل اللى ممكن يفيدك ويضيف ليكى إنجاز وافتكرى دايما أن ربنا معاكى فى كل خطواتك وبيساعدك .وانك قوية وهتقدرى 🌷
تم النشر السبت، ١٣ يوليو ٢٠٢٤
مقدره مشاعرك وحاسه بيكي الحب من طرف واحد مؤذي انتي بتكني مشاعر لغيرك هو مش حاسس بيها ف دا صعب اسلم حلم ليكي من رأي انك تبعدي لان جايز يكون خطب استمرار حبك ومشاعرك لي هتتعبك انتي الأول اساليه هل هو فعلا خطب ولا اي موضوع بينزل استوري حب ومش بيفتح مواضيع زي الأول معاكي ولو مخطبش برضو انتي لازم تاخدي خطوه لان حب من طرف واحد وانتي مش متاكده من مشاعره اتجاهك ولو فيه مشاعر لي هو اتجاهك الصح ياخد خطوه رسميه ولو خطب حقيقي بقي ف انسي والنسيان مش من يوم وليله هتاخدي فتره اكيد خصوصا انه كنتوا متفاهمين أنصحك برضو اشغلي نفسك ب بالمذاكرة الخروج مع صحابك اتمني اكون فدك ولو بشئ بسيط ربنا يوفقك ويقدملك اللي فيه الخير
تم النشر السبت، ١٣ يوليو ٢٠٢٤
ممكن تتكلمى معاه وواجهيه وقليله أن أسلوبه متغير معاكى وخليه يقولك لو هو فعلا ارتبط أو لاء عشان متتعبيش نفسك من التفكير وتدخلى ف دوامه" لو "وكده عارفه إن الموضوع صعب اوى بس انتى لازم تواجهيه وتفهمى منه
تم النشر السبت، ١٣ يوليو ٢٠٢٤
حبيبتي، الفترات دي ممكن تكون صعبة جداً وبتحسسينا بألم كبير. الحب من طرف واحد عمره ما كان سهل وبيحتاج لشجاعة وقوة نفسية. أول حاجة لازم تعمليها إنك تبقي واقعية مع نفسك ومع مشاعرك. هو فعلاً بينكم توافق وفهم، لكن لو هو مش مهتم بعلاقة عاطفية أو مش حاسس بنفس المشاعر ليك، لازم تحترمي رغبته ومساحته. في حالة إنه ارتبط بحد تاني، حاولي تتجاوزي الموضوع بأسرع وقت ممكن. ممكن تكوني محتاجة تقللي التواصل بيه شويه وتحاولي تشوفي ناس تانية وتفتحي نفسك لتجارب جديدة. لو هو عايز يفضل كصديق بس، وأنت مش قادرة تتحكمي في مشاعرك، الأفضل أنك تاخدي خطوة للخلف وتحاولي تبني حدود عاطفية تحفظ عليك كرامتك ومشاعرك. خدي وقتك لإنك تتعافي واتذكري دايماً إن الحب بييجي من غير ما نستناه وغالباً بيفاجئنا في أوقات غير متوقعة. متقلقيش، القلوب بتعرف تلاقي الراحة والسعادة من جديد مهما كانت التجربة الحالية صعبة. إذا احتجتي حد يتكلم معاكي أو مشورة إضافية، أنا هنا دائمًا أسمعك وأساعدك. 💖
تم النشر السبت، ١٣ يوليو ٢٠٢٤
حاوليه تنسيه انت كمان و تشوفي حياتك لانه حتى لو لسه مرتبطش ف انت مش هتفضلي طول حياتك مستنياه يتجوزك و هو يختار المفروض هو اللي يلف وراكي و يعمل المستحيل علشانك
تم النشر السبت، ١٣ يوليو ٢٠٢٤
انسيه هتلاقيه هو لا اراديا بيجرى وراكى
تم النشر السبت، ١٣ يوليو ٢٠٢٤
لعرض السؤال في فدني اضغط هنا