السلام عليكم ورحمة الله وبركاته،
أنا طالبة تانية ثانوي ازهر
كنت بشتغل في محل للزي الشرعي أول ما بدأت الدراسة وسبت الشغل الشهر دا وهاخد كمان الشهر بتاع الامتحانات إجازة بس المهم إني بعد ما سبت الشغل أنا مش عارفه أذاكر ولا عارفة ألم حاجة.
أنا كنت فاكرة إني خلاص لازم أقعد من الشغل عشان أعرف أذاكر والمشكلة إني لما قعدت كسلت طول يومي على التليفون يا إما نايمة حتى لو ذاكرت مش بكمل ساعة على بعضها أنا مش عارفة اعمل إيه ولا أساعد نفسي إزاي
والمشكلة إني فعلا مقصرة مع ربنا كتير أوي بالذات في موضوع الصلاة والكسل عنها وما بقتش أدعي أصلا بقيت بصلي بغرض أن دي مهمة أكملها خلاص وفيه أيام بتعدي مش بصلي فيها أو أيام بتعدي أصلي صلوات ايوا وصلوات لا
أعمل إيه أنا عايزة حل أو نصائح تفيدني أبدأ أتحرك وأشد حيلي شوية عشان عارفة إني متأخرة وفيه مواد كتيرة معرفش عنها حاجة خالص وامتحاناتي قربت والمشكلة إني ما كنتش كدا، أنا كنت بجيب مجموع حلو في أولى وبطلع من الأوائل ودائما بخطط لكل حاجه وملتزمة على عادة التدوين والتخطيط وكنت قريبة من ربنا بس أنا مش عارفة أعمل إيه دلوقتي
الحل هو إنك تتركي البحث عن حل وتبدأي فعلا تحطي خطة بسيطة واضحة وواقعية للمذاكرة ومحاولة تدارك ما فاتك تصلي صلواتك عشان ترك صلاة مفروضة اكبر الكبائر اصلا ف دا خط احمر وتعملي جدول يومي بسيط لمتابعة الأذكار وورد القرآن تمسكي بيه لإنه هو الي هيشدك تاني بإذن الله واستعيني بالله ولا تعجزي
تم النشر الخميس، ٥ ديسمبر ٢٠٢٤
قال صلى الله عليه وسلم:"استعن بالله ولا تعجز" من الحلول اللي بحب اشاركها، هي: إنك تجيب ورقة وقلم وتبعد التليفون، وتكتب كل ما يدور في ذهنك، عبادة مذاكرة دراسة... آي شيء. ترتب الأولويات، الأهم ثم الأهم وبالترقيم تشوف العوائق، السوشيل ميديا، اليوتيوب، النوم الكتير أو الأكل الزائد تبحث عن الحلول للمشاكل، يعني مثلا السوشيل كيدا في برامج لقفلها بعد وقت معين أو لتحديد وقت ثابت لها يوميا وحاجات كتير تاني زي، stay foused، https://play.google.com/store/apps/details?id=com.stayfocused نبدأ نحط أوراد بسيطة بالتدريج، أهم حاجة بالتدريج أهم وأول حاجة الدعاء، وهذه ليست مزحة حقا🙂 يسر الله لك ووفقك لما يحب ويرضى
تم النشر الخميس، ٥ ديسمبر ٢٠٢٤
لما تعملي جدول ب اليوم هيفيدك جدا مع اليقين بالله سبحانه وتعالي وبعدين انتي عايزه تاخدي من ربنا ومتديلوش اديلوا حقه ك الصلاه و الاهتمام في العباده وفوضي امرك اللي الله وتوكلي عليه و٢دقيني هيجبر ب خاطرك بس انتي اسعي ونعم العبد أنه اواب يعني كل ما بيذنب بيتوب تاني ودا الصح عكس الناس اللي بتقول انا فقد الامل والكلام دا كله ذاكري وابدائى واجتهدي و توكلي على الله ودي اهم من المذاكره نفسها و جزاكي الله خيرا
تم النشر الجمعة، ٦ ديسمبر ٢٠٢٤
وعليكم السلام ورحمة الله وبركاته، أفهم تماماً ما تمرين به، وقد يكون من الصعب التكيف بعد ترك العمل والتركيز على الدراسة. لكن يمكنك اتباع بعض الخطوات لتعزيز تركيزك وزيادة إنتاجيتك: وضع جدول زمني للدراسة : قومي بإنشاء جدول زمني يحدد أوقات الدراسة ومواعيد استراحة. كوني ملتزمة بهذا الجدول، وهذا سيساعدك على تنظيم وقتك بشكل أفضل. تحديد أهداف صغيرة : حاولي تقسيم المواد إلى أجزاء صغيرة وتحديد أهداف يومية لدراستها. ذلك سيساعدك على الشعور بالإنجاز ويقلل من شعور الكسل. تخصيص مكان مخصص للدراسة : ابحثي عن مكان هادئ ومريح بعيد عن مصادر الإلهاء مثل الهاتف والتلفاز. هذا سيساعدك على التركيز. ممارسة العبادات بانتظام : حاولي تخصيص وقت للصلاة والدعاء. يمكنك البدء بالصلاة في وقتها والحرص على الدعاء لطلب العون من الله. استغلال الأوقات الصغيرة : استخدمي الأوقات القصيرة خلال يومك لمراجعة المواد الدراسية، حتى إن كانت لمدة ربع ساعة. التواصل مع زملائك : تحدثي مع أصدقائك أو زملائك في الدراسة. يمكن للدراسة الجماعية أن تجعلك أكثر تحفيزاً. السماح لنفسك بالاستراحة : احرصي على منح نفسك فترات قصيرة من الراحة. هذا سيساعد على تجديد طاقتك. كوني صادقة مع نفسك، ولا تترددي في طلب الدعم من عائلتك أو معلميك. تذكري أن الإصرار والمثابرة هما المفتاحان للنجاح. عسى الله أن يوفقك ويسدد خطاك ويعينك على العودة إلى الالتزام في الدراسة والعبادة.
تم النشر الأربعاء، ٤ ديسمبر ٢٠٢٤
هل كنتى منتظمة فى الصلاه والمذاكره اثناء العمل.؟
تم النشر الخميس، ٥ ديسمبر ٢٠٢٤
لعرض السؤال في فدني اضغط هنا