هل في علامات في الوجه او تصرفات اقدر استدل بيها انه خطيبتي مختونة ولا لأ؟ اكيد مش هينفع اسألها بشكل مباشر
انا مقلق انه دا يعمل مشاكل مستقبلية ويكون في برود مثلا.
خلى مامتك تسأل مامتها بشكل غير مباشر وسط الكلام ...تفتح الموضوع باى قصة عن نفس الموضوع والكلام بيجيب بعضة .
تم النشر الاثنين، ١٧ يوليو ٢٠٢٣
بقولك ايه ... الغالبية العظمي للأسف مختونة و ( للاسف دي مش ليك ) .. دا ليهم هما .. و عايزك تعرف ان الانثي اللي تعرضت للختان مش شرط انها تكون باردة ، و مفيش علامة في الوجه تدل علي اي حاجه غير حبوب الوجه بتدل علي اكل الشيبسي و التغير الهرموني و الدهون في الوجه و البقع بتدل علي نقص عناصر غذائية او مكياج فاسد ، هههه بهرج طبعا لاء بس فعلا الموضوع ده لاعلاقة له بالوجه ، و اضح انك جديد .. متقلقش يا بشمهندس كله هيبقي تمام ، التجربة بتبقي مؤلمة فعلا لكن بنسبة كبيرة اثرها النفسي مش بيسبب برود جنسي ، ثانيا حتي لو مش مختونة ممكن يبقي عندها برود جنسي برضه يعني مش قاعدة ثابته . فمتحطش الموضوع ده في دماغك اطلاقا ..
تم النشر الأربعاء، ١٩ يوليو ٢٠٢٣
الختان للأسف بيأثر علي الصحة النفسية للبنت وبيكون ليها صدمة خصوصاً لو تمت العملية في سن كبير قا بيكون البنت عندها رهبه وخوف من مجرد لمس المنطقة دي لكن البرود او المشاكل الجنسية بتكون مجرد خوف نفسي لكن علميا مش هيأثر وهي عمليه ملهاش اي اساس من الصحة والأهم من ده إن لو خطيبتك علي دين وخلق ونسب وفيه بينكم مودة ارجوك اوعي تسيبها هتندم معرفتك انها مختنه او لأ مش هيفيدك بحاجة خليك زوج صالح واتكلموا في الموضوع ده بعد كتب الكتاب او قبل الدخلة واذا مختنة او لأ حاول تطمنها وتفهمها ان التواصل الجنسي ده نعمة بين الزوجين والطرفين لازم يكونوا سعداء و لا تقلق مع الاطمئنان والراحة النفسية و المداعبات ومشاركتها في التعبير عن رغباتها ومحاولة تنفذها واحتوائها وكمان مشاركتها رغباتك وتفهمها بلطف مش هيكون فيه برود ولا تشنجات ولا أي مشاكل نهائي وللعلم البرود أو الفوبيا من الجنس مش مقتصرة علي المخنتات بس ممكن أي بنت عادية تصاب بيه
تم النشر الجمعة، ٢١ يوليو ٢٠٢٣
خلي والدتك بطريقه لطيفه تسئل مامتها يعني تفتح الحوار قدامها فحاجه وبعدين اسئلها بالصدفه
تم النشر الثلاثاء، ١٨ يوليو ٢٠٢٣
انا اقصد العكس. الختان هو اللي يعمل مشاكل.
تم النشر الاثنين، ١٧ يوليو ٢٠٢٣
عدم الختان لا يؤثّر على الزواج.
تم النشر الاثنين، ١٧ يوليو ٢٠٢٣
لعرض السؤال في فدني اضغط هنا