كان في حد حاول يقرب مني ويتعرف عليا كتير وسمحتلو يدخل حياتي وخرج منها بإرادته بأسباب عبيطه ومجاش اعتذر لغاية م الظروف خلتنا نكلم بعض لاسباب بعد م أنا فتحت الموضوع ورجع بعد تاني وقالي انو ندمان
وبجد كل يوم كنت بندمو أن بعد عني بتأنييب الضمير والكلام السلبي وهو ديما يعتذر ويحاول يطور من نفسو وحرفيا تعبتو عشان نرجع مع اول مشكله بينا بعد تاني او بمعنى اصح سكت ومبقاش بيكلمني ولا بيرد ولا مهتم لزعلي ولا لعياطي ( مش فاهمه في اي ولا هو عايز اي ولا لي بيعمل كده ) ولا أنا أعمل اي أنا اتعلقت بي تاني واتعشمت تاني وكل مره بيسيبني ف نفس المعاد ونفس الوقت ( ضغطه امتحانات) نفسيا مدمره وعايزه اعرف اعمل اي)
العلاقة كلها غلط من البداية. أولا، مكنش لازم تتنازلي وتسمحي له يقرب لأن الشباب غالبًا مش بتبقى عاوزة من العلاقات دي غير التسلية شوية، ممكن كان متمسك يقرب لك طول ما أنت رافضاه، وبعد كده بقى الموضوع عادي وسابك بمزاجه، ممكن لف شوية وشاف بنات تانية وبعدين رجع يجرب وانتِ وافقتِ تاني وأنتِ فاكرة إنك لما تفضلي تندميه هو كده مش هيكرر غلطه. أنتِ أغلى من إن مشاعرك يتلعب بها ووقت ما يعوز يقرب ووقت ما يزهق يمشي. ربنا محرمش العلاقات دي من فراغ، البنت غالبًا هي أكبر طرف بيطلع خسران من العلاقات غير الشرعية، فالأفضل إننا نعزز نفسنا ونحفظ مشاعرنا لحد ما نقابل الشخص اللي يستحقنا ويحافظ علينا في الحلال. انسي خالص الشخص ده ومتفكريش أبدًا أبدًا ترجعي له لو رجع ندمان تاني، عززي نفسك وركزي على دراستك، ده الأهم بالنسبة لك عشان هي مستقبلك. ابني مستقبلك ولما تبقي نضجتِ وفهمتِ الحياة وإزاي تختاري صح وقتها هتعرفي تختاري الشخص اللي يستحقك. بالتوفيق.
تم النشر الأربعاء، ٢٦ مارس ٢٠٢٥
بصي يا جميل طبيعي في اي علاقه عشان تكمل والحياه تكون جميله أن يكون فيه الاهتمام المتبادل وبعد كده الحب والتقدير والاحترام والمسانده هواه مش اهتم وهواه مسندنيش هل انا روبوت عشان افضل اهتم فيه مش انا انسانه عشان اشوف اهتمامه هل انا لعبه شويه يرجع وشويه يبعد حسب مزاجه لا انتي مش كده انتي انسانه ابعدي عنه لأنه بيلعب بيكي وانتي غاليه مش اي حد كده يكلمك وامشي علي مبدأ الي يقدرك قدريه وانسيه خالص صفحه اتقفلت واعرفي انك لو سمحتي له أنه يدخل حياتك تاني كده هتكتبي علي نفسك العذاب وربنا يكتب ليكي الخير
تم النشر السبت، ٢٩ مارس ٢٠٢٥
حاضر حبيبتي ♥️
تم النشر السبت، ٢٩ مارس ٢٠٢٥
مش فاهمه
تم النشر السبت، ٢٩ مارس ٢٠٢٥
يارب يا حبيبتي تسلميلي♥️
تم النشر الأربعاء، ٢٦ مارس ٢٠٢٥
أنا حاسه انك بتوصفينا كلامك كلو صح شكراً اوي بجد أنا هعمل كده♥️
تم النشر الأربعاء، ٢٦ مارس ٢٠٢٥
"بصي، اللي يسيبك ويرجع وبعدين يسيب تاني من غير سبب مقنع، يبقى مش قد العلاقة دي ولا عارف قيمتك. الحب مش كلام بس، الحب اهتمام واستمرارية، مش حد يظهر ويختفي لما يحب. لو هو مش مهتم، يبقى ببساطة هو مش مستعد يكون في حياتك بجد. متضيعيش وقتك مع حد مش مقدرك، واللي يستاهلك بجد هيكون واضح في تصرفاته، مش محتاج تفكري هو عايزك ولا لأ. حافظي على كرامتك، وابعدي عن أي حاجة بتوجع قلبك بدون داعي."
تم النشر الثلاثاء، ٢٥ مارس ٢٠٢٥
أنت اخدت طريق غلط وحضرتك فاهمه قصدي الطريق ده بيقلل منك مش اكتر فانا بسألك ايه فايده كل ده؟؟ فكري بس لنفسك مش محتاج جواب
تم النشر السبت، ٢٩ مارس ٢٠٢٥
وايه الفايده من إنك ببلاش؟؟
تم النشر السبت، ٢٩ مارس ٢٠٢٥
ربنا يعوضك خير يبسبوسه🤍
تم النشر الأربعاء، ٢٦ مارس ٢٠٢٥
دا شخص مش ناضج هو بس حب الحب اللي انتي حبتهولوا اما انتي فا محبكيش هو عايزك ديما مهتمه و بدلعيه و تهزري معاه اما وقت الجد و الضغط يخلق مشاكل و مبررات علشان يهرب و بعدين يرجع يتأسف علشان مفتقد وجودك مش اكتر مش هقولك ابعدي هقولك اهربي قسما بالله دي علاقه توكسيك هتاخد من طاقتك و مشاعرك و كرامتك علي الفاضي ربنا يعوضك بلأحسن يارب🤍
تم النشر الأربعاء، ٢٦ مارس ٢٠٢٥
عندك حق 😥
تم النشر الأربعاء، ٢٦ مارس ٢٠٢٥
لعرض السؤال في فدني اضغط هنا