منعزل تماما عن جميع الناس انا شاب ٢٨ سنه بحب كنت بحب الحياة جدا وكان محفزي في حياتي الوالد كنت طفل شقى جدا تسببت في مشاكل كتير لأهلي ولكن كانت بتتحل وبتتعالج بفضل ربنا ودعم اهلي بموت في امي وابويا الله يرحمه لكن مبعرفش اوصل ليهم ازاي خاصتا امي ابويا كنت بعرف اوصل حبي ليا بسهولة امي صعب مع انها طيبة جدا جدا جدا فوق ما يتخيل العقل البشري مش علشان امي والله كبرت وحصل ليا بعض المشاكل بسبب صحبة السوء ظبت نفسي بدعم الاهل وعدلت مسار حياتي بعد اكتئاب لمدة سنة بدون دكتور او اي علاج نفسي كان العلاج صلاة واستغفار كتير اوي وممارسة رفع الاثقال ساعتها حسيت اني طفل صغير ورجع قلبي خفيف من جواه من جديد فرحان كالأطفال من قلبي مبتسم ومحب للناس ومتجنب لكل شئ يفسدني بعد الدين والرياضة اشتغلت في مكان وانا عندي ٢٠ وبحكم اني صغير وعلى قدر معقول من الأدب والخلق والجمال اتفتحت ليا سكك كتير في علاقات حرام واتسببت اني اقطع صلاتي حصل ليا اول شي دور حساسية شديد حسيت انه عقاب من ربنا بسبب علاقاتي الغلط واستغلال نعم ربنا عليا من تفكير وبصيرة وشكل كويس في العلاقات دي ومع ذلك متعظتش كنت اصلي وارجع اقطع تاني وكمان كنت بدخن بحرص لكن كنت بفوق وارجع أمارس الجري او الرياضة اول ما احس اني اكتسبت وزن او فقدت لياقة واقطع سجاير لحد ٢٠٢٠ ايام كورنا تحديدا حصل ليا حادث سيارة ورجلي اتكسرت وراسي اتفتحت اتعالجت على أحسن ورجعت افضل من الاول او ما عملت الحادثة حسيت انه عقاب من ربنا انا اتخبطت للعلم مكنتش سايق ولما وقت بعد خبطة العربية كانت خبطة شديدة جدا والله لدرجة اني اندفت للأعلى ونزلت ساجد على الاسفلت وكان ما بيني وبين قطعة حديد كبيرة على الأرض مسافة بسيطة وكان ممكن انزل عليها والله واموت اول ما اتخبطت في عز ما انا في الحادثة مش قادر احرك رجلي من شدة الألم والدم مغرق وجهي سالت اصحابي قولتلهم وشي كويس والله العظيم قبل أي شئ قولتلهم الحمد لله عن رضا نابع من عمق قلبي وفعلا مع الحمد والإيمان انها رسالة تفويق من ربنا رجعت بكامل صحتي ومظهري وكل شئ تمام وفل الفل لميت نفسي عن أي شئ وحش وبعد كده رجعت تاني اعمل نفس الحاجات الحرام وبعدها حصل خلاف بسيط وتافه جدا مع اخويا الصغير الي انا بعتبر نفسي ابوه وكنت بعشق تراب الي بيمشي عليه وبحاول اكون دعم وسند ليه في كل عمري في حياتي ماكان يهمني ان حد من اقاربي او جيراني او أصدقائي يحصل خلاف مابيني وبينهم وعمري مازعلت في حياتي ولا اهتميت ولا كان يهمني امر حد في الدنيا دي الي كان فعلا بيأثر على نفسيتي خلافات مع امي اوابويا او اخواتي قلبي كان بيدمر وخلاف اخويا حسيت اني كسرني لان اول مرة في حياتي احس ان اخويا كبر وانا شايفه ابني بالنسبالي عيل صغير فرق مابيني وبينه ١٠ سنوات اخويا كان كبر شوية اول مره في حياتي اتعارك معاه وفعلا كنت أيامها مهمل في السهر التدخين والقهوة مكنتش بنام حرفيا شغل ١٦ ساعة واسهر بعض الشغل صحة كانت صفر كنت ناوي ارجع التمارين وارجع أقوى من الاول بس ملحقتش اخويا ضربني وروحت شغلي وانا زعلان اه بابا كان موصيني قبل ما يتوفى قالي اخواتك ضهرك وخليك حنين على امك وكويس مع كل اخواتك ووصاني على اخويا الصغير توصية خصوصي لاني كنت قريب من بابا جدا اكتر من اخواتي الكبار لاني عندي أخين تانين أكبر وواحد صغير الي كان عايش معايا انا وامي الي حصل بيني وبينه الخلاف لان الاثنين الكبار متزوجين ومستقرين أولادهم في دولة أخرى لما اخويا ضربني وحزنت وروحت شغلي زعلان شخص فضولي عليا مكنتش بتكلم معاه الا بحدود شديد سالني اليوم ده اتاخرت على شغلي لاني مكنتش ناوي اروح بسبب الزعل بس قولت اروح الشغل انسي الشخص ده قالي سبب التأخير ايه لقيت نفسي من زعلي قولتله خلاف مع اخويا وضربني اخويا الصغير ضحك ههههه اخوك الصغير ضربك وقالي مش عيب عليك ساعتها حسيت بسكاكين في صدري ووقعت على الأرض والمصيبة محستش بنفسي غير وانا في المستشفى وطلع عندي جلطة في القلب وركبت دعامة ساعتها اعتزلت الدنيا ونزلت في شغلي وفي رياضة ونفسيتي بقيت زي الزفت وشتمت كل اصحابي ويعتبر دمرت كل علاقاتي باي صاحب سواء كان بنت او ولد وكنت بروح الشغل وانا حاسس اني ميت مش من التعب نفسيا من الي مريت به وفضلت اعافر وصليت شوية وفضلت مكتئب حتى مع الصلاة وحسيت اني بقيت ضعيف واي شخص يقدر عليا كنت بستخدم عقلي فقط للشغل لكنت كنت آلة بدون اي مشاعر او صحاب من البيت للشغل والعكس فقط لا غير لحد ما ابتدي يحصل معايا مشاكل في الشغل وغيرت شغلي ما انه كان بيكسبني كويس جدا وكنت شاطر جدا وفضلت من شغل لشغل لحد ما حصل مشكلة مع اخويا الكبير ونزل من الدولة الأخرى لدولتنا وحسيت ان المشاكل في البيت كترت والهموم ذادت والضغوطات كترت وكان اخويا الكبير بسبب مشكلته يوميا يزعق بصوت عالي لدرجة اني كنت مبعرفش انام بعد الشغل واصحى مرهق من قلة النوم واروح الشغل لدرجة ان في يوم من كتر زعيق اخويا كنت هنزل حانة الساعة ٣ الفجر اخويا الصغير هو الي لحقني قالي علي فين قولتله هنزل اشرب مع اني مبشربش بس قولت اعمل اي حاجة تخليني انام اخويا قالي لا واتكلم معايا وبالفعل هديت ودخلت نمت ودخل اخويا الصغير للأخ الأكبر مننا وهداه وبعد كده ذا اكتائبي عصبيتي وبقيت ادور على الشغل البعيد انا من محافظة ساحلية بطبيعتي بحب الشواطئ وكانت معظم خروجاتي شاطئ صيف شتا بقيت اختار شغل بعيد عن محافظتنا واروح محافظات ساحلية أخرى فكرت اني اغير جو واستجم واشتغل واكسب لكن لقيت نفسي معنديش كنترول على اعصابي وبقيت افتعل المشاكل في شغلي مع زملاء العمل والمديرين رجعت تاني وقعدت في البيت لما بنزل يدوب انزل اجيب حاجة واطلع لا بخرج ولا اشوف حد ولا بصلي وكان عندي هواية الصيد بطلتها ولا بقرأ قران بسمع قران علطول وبدعي بس بنزل اشتري حتى احتياجاتي في وقت متأخر لان ليا شعبية ومعروف في منطقة السكن لتفادي المصافحات او النظر في عيون و جوه الناس الي تعرفني ومبكلمس حد وبفتعل مشاكل كل شوية مع اخواتي وأمي كبيرة بتزعل بحاول اعمل كنترول علشانها لكن مقدرش وتعبت بجد نفسيا ونفسي في حل او توجيه صح نزلت في كل شئ كشغل وعلاقات واجتماعيات بقيت صفر والحمد لله اني قدرت اشرح كلامي واحاول اوصله بصورة كويسة
الحمدلله انك قدرت تكتب وتحكي اللى جواك انت محتاج تتكلم اكتر وترتب افكارك ومشاعرك عديت بمواقف وضغوط كتير وطلعت منها ، انت صاحب شخصية قوية ، لكن حتى اصحاب الشخصيات القوية شديدة التحمل ، بيحتاجو اوقات للمساعدة والدعم .. هتختصر عليك تعب ووقت كبير بدل ما انت بتعافر فيها لوحدك، الاخصائي او المعالج النفسي هيساعدك تغير حياتك للافضل وتستعيد طاقتك وعلاقاتك تتحسن بالناس اللى حواليك وتبقى قادر تتحمل تفاصيل الشغل وضغطه. ارجع صلي الفروض ، دي نجاتك لاخرتك واستغفر بلسانك ...بيها ينشرح صدرك وربنا يعينك على ضغوط الحياة ويوفقك في كل حياتك.
تم النشر الثلاثاء، ٧ مايو ٢٠٢٤
هقول لك اللي انت حاسس به والمرحله الحاليه دي هي مرحله ارهاق نفسي انت مرهق نفسيا انت الحاجات اللي انت عديت بها استهلكت من طاقتك زي ما كده العضلات بتتعب فانا نفسيا العضلات النفسيه برضو بتتعب بتحتاج اعاده تاهيل. يعني انت ما شاء الله برافو عليك جدا ان في مواقف وساقطات كتير وقعت فيها وقدرت انك تقوم نفسك تاني انت انت نفس الشخص انت عندك نفس المقدره بس انا ممكن اكون يعني قبل كده عديت مرته ولكن حاليا حاسس ان انا مش قادر اعدي مره زي اللي عديته قبل كده يا رب يكون ايه السبب انه حاليا عضلات جسمي لا تقوى على ذلك. طب ايه السبب محتاجه تتكون من اول وجديد واعمل لها برنامج من اول وجديد وده اللي حصل معك نسبه الارهاق اللي عندك محتاجه اعاده تاهيل نفس الكلمه دي كبيره عادي التاهيل دي ببساطه ان انا كاني حد كده زي ما انت قلت حصل لك حادثه وعنده جرابات دي لازم تاخذ وقتها علشان المكان اللي اتخبط ده يرجع تاني يرجع فيه بنفس الطريقه الطبيعيه ثاني ما يبقاش فيه الخبطه دي سايبه اثر في كل الخواطرات النفسيه اللي عندك وخصوصا الموضوع اللي انت حكي صغير ده بالنسبه لك كمان ليه لانك كنت حاطط نفسك في مكان الاب ده اللي بيحصل اول ما يلاقي ابنه بدا يكبر وبدا يبقى له راي او بدا يبقى عليه مقاومه فده اللي بيحسسه الرصادمه كبيره هو رطه انك كنت متخيل صغير وهتفضل عنه بنفس الفكره ولكن لما حصلش انت هو كبير فلما هو كبر انت اتخضيت الموقف ده بس كان قويه عليك وقتها انت مش عارف تتعافى كده العمل مخبوطه جامد ومش عارف تصدق انك الخطه دي اصلا زي ما كنت قوي ايمانيا الحمد لله فده معناه انه الجزئيه دي نفسيا محتاج انك تقوي نفسك انا ليه الخطه دي وجعتني انا ليه ما كنتش شايفه ان دي حاجه ممكن كل الاكشن اللي انت بتاخدها دلوقتي هي اكشنز بتاعه حد نفسه يكون مرتاح وبيدور بس بيدور بعشوائيه طب اسيب الشغل واروح شغل تاني طب اسيب الناس دي الناس دي مش مريحيني واشوف ناس تانيين طيب لا انا مش مستحمل الدوشه ومحتاج وضع هادي طب لا الوضع العادي بيخلي الافكار تاكل دماغي فانا عايز اروح وسط دوشه عمال بس بتتعمل عشوائيه والموضوع محتاج نفس عميق وتبقى محدد لنفسك مده هتعمل فيها اعاده تاهيل نفسي لنفسك الحاجات اللي فيها صدمه قويه وزعلتك قوي تعبر عنها تكلم فيها تروح للشخص اللي حصل معايا الحاجه دي وتصفيها ما بينك وما بين تعبر عنها وتبدا تشوف ترسم طريق جديد ما بينك وما بين الشخص في التعامل الجديد علشان تكون قبل كده ده ما يتكررش تاني ما يحصلش صمامات اخرى بعد كده تبدا تقوم افكارك وتقوم الحاجات اللي متوسخه في نفسيتك علشان دي ما تسببلكش مواقف تانيه مقدما تحط لنفسك تاني هدفك قدامك انا عايز حياتي تمشي ازاي انا عايز اعمل ايه انا عايزه اوصل لفين بالراحه وبروق وخطوات صغيره من غير صربعه ومن غير ما احس ان الدنيا تقيله وانت ان شاء الله عندك كويسه تقدر تعتمد عليها تقدر تكون هي دي متاهله ترجع تاني احسن وبنفسيه احسن لانك
تم النشر الأربعاء، ٨ مايو ٢٠٢٤
اللي انت فيه ده اكتئاب و ضغط نفسي، انت محتاج تفكر بهدوء و تريح اعصابك و تحاول تعمل كنترول على نفسك لأنك بتئذي نفسك بالشكل ده، انصحك تروح لدكتور نفسي هو هيعرف يساعدك و الدنيا معاك هتتظبط من ناحية الجانب النفسي و برده ابعد عن أي حاجة تسببلك إجهاد أو إرهاق نفسي و ابعد عن أي مشاكل، و لازم تقرب من ربنا لان اللي انت فيه ده اكيد اختبار و ربنا ابتلاك لأنه عايزك ترجعله، مفيش حاجة بتيجي مرة واحدة لكن حاول خطوة بخطوة الأول ابدأ بالصلاة، خلي عندك هدف انك هتصلي الخمس صلاوات النهاردة في وقتهم و بعدين بكرة نفس الحكاية و هكذا و أفضل محافظ على كده، و مع الصلاة ادعي كتير بالذات في اوقات استجابة الدعاء زي الوقت اللي ما بين الآذان و الإقامة أو الثلث الأخير من الليل ادعي ربنا كتير يصلحلك حالك و خليك صادق مع نفسك و مع ربنا ان انت ناوي فعلا تاخد خطوة جد تصلح بيها حياتك و علاقتك مع ربنا و حاول و أسعى لربنا و ربنا لما يلاقيك كده هيوفقك بإذنه بس انت حاول، و اقعد اقرأ قرآن و اقرأ تفسير الآيات هتحس براحة و طمأنينة، و افتكر إن النبي عليه الصلاة و السلام قال ان أمر المؤمن كله خير لو كانت حياته كويسة و عايش سعيد و شكر ربنا يكون خير ليه و لو كان في ابتلاء و صبر هيكون خير ليه برده و النبي عليه الصلاة والسلام ما ينطق عن الهوى، الابتلاء ده ممكن يكون سبب في ان مكانتك عند ربنا ترتفع أو الابتلاء ده ممكن يكون تكفيرا عن ذنوبك و في الحالتين ده شيء كويس جدا لأن ربنا ما بيرضاش لعبده الشر ولا الهلاك و لكن هو عايزك تفتكره و ترجعله، فعيد حساباتك مع ربنا و فكر في حياتك و ازاي هتبنيها من تاني، كلنا بنقع و بنقوم و بنقع تاني بس متقعش و متقومش تاني،و متستسلمش و متيأسش كلنا بيمر علينا اوقات صعبة و بناخد وقتنا في الزعل و الحزن اهم حاجةساعد نفسك ،و استشير دكتور نفسي برده يساعدك على حل المشكلة دي و ربنا يوفقك ان شاء الله.
تم النشر الثلاثاء، ٧ مايو ٢٠٢٤
بشكر كل شخص حاول يقدم ليا نصيحة او توجيه يخليني استفاد بيه واكون احسن بتمنى ليكم دوام النجاح والتوفيق وربنا يجعل طاقة العطاء عندكم متجددة ويسعدكم يارب.
تم النشر الثلاثاء، ٧ مايو ٢٠٢٤
لعرض السؤال في فدني اضغط هنا