اللي انت فيه ده اكتئاب و ضغط نفسي، انت محتاج تفكر بهدوء و تريح اعصابك و تحاول تعمل كنترول على نفسك لأنك بتئذي نفسك بالشكل ده، انصحك تروح لدكتور نفسي هو هيعرف يساعدك و الدنيا معاك هتتظبط من ناحية الجانب النفسي و برده ابعد عن أي حاجة تسببلك إجهاد أو إرهاق نفسي و ابعد عن أي مشاكل، و لازم تقرب من ربنا لان اللي انت فيه ده اكيد اختبار و ربنا ابتلاك لأنه عايزك ترجعله، مفيش حاجة بتيجي مرة واحدة لكن حاول خطوة بخطوة الأول ابدأ بالصلاة، خلي عندك هدف انك هتصلي الخمس صلاوات النهاردة في وقتهم و بعدين بكرة نفس الحكاية و هكذا و أفضل محافظ على كده، و مع الصلاة ادعي كتير بالذات في اوقات استجابة الدعاء زي الوقت اللي ما بين الآذان و الإقامة أو الثلث الأخير من الليل ادعي ربنا كتير يصلحلك حالك و خليك صادق مع نفسك و مع ربنا ان انت ناوي فعلا تاخد خطوة جد تصلح بيها حياتك و علاقتك مع ربنا و حاول و أسعى لربنا و ربنا لما يلاقيك كده هيوفقك بإذنه بس انت حاول، و اقعد اقرأ قرآن و اقرأ تفسير الآيات هتحس براحة و طمأنينة، و افتكر إن النبي عليه الصلاة و السلام قال ان أمر المؤمن كله خير لو كانت حياته كويسة و عايش سعيد و شكر ربنا يكون خير ليه و لو كان في ابتلاء و صبر هيكون خير ليه برده و النبي عليه الصلاة والسلام ما ينطق عن الهوى، الابتلاء ده ممكن يكون سبب في ان مكانتك عند ربنا ترتفع أو الابتلاء ده ممكن يكون تكفيرا عن ذنوبك و في الحالتين ده شيء كويس جدا لأن ربنا ما بيرضاش لعبده الشر ولا الهلاك و لكن هو عايزك تفتكره و ترجعله، فعيد حساباتك مع ربنا و فكر في حياتك و ازاي هتبنيها من تاني، كلنا بنقع و بنقوم و بنقع تاني بس متقعش و متقومش تاني،و متستسلمش و متيأسش كلنا بيمر علينا اوقات صعبة و بناخد وقتنا في الزعل و الحزن اهم حاجةساعد نفسك ،و استشير دكتور نفسي برده يساعدك على حل المشكلة دي و ربنا يوفقك ان شاء الله.
تم النشر الثلاثاء، ٧ مايو ٢٠٢٤
1 تعليق
عايزاك تعرف أن كل واحد بيمر بحاجات صعبه كثير بس الاهم ان يعرف يطلع منها الحاجات اللي حصلت معاك دي اختبارات من ربنا بتشوفك هترجع ولا لاء وصحيح انت عايز حد تتكلم معاه وهيبقى احسن لو دكتور نفسي قرب من ربنا حاول اكيد هترجع بس حاول احنا ف دنيا دي عشان نغلط بس نرجع لربنا تاني احنا فدنيا دي ضيوف وبعدين هنمشي لازم نبقى عاملين لليوم ده لازم متيأسش من رحمه ربنا خلي عندك ثقه ف نفسك عشان تقدر تعمل اي حاجه أعقد مع نفسك كثير حاول تفهم نفسك وشوف انت عايز اي من دنيا دي حاول تقرب من ربنا وكل حاجه هتتعدل وبإذن الله ربنا يكرمك ويصلح حالك وبعد عن أي صاحب سوء لان بيشدك حتى لو انت مكنتش عايز كدا
تم النشر الثلاثاء، ٧ مايو ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك