السلام عليكم ورحمه الله وبركاته..
انا من محافظه الجيزه
دلوقتي اختي كانت بتكلم ولد ومرتبطين.. بس الموضوع ده بقالو كام شهر..
وحصل خناقه كبيره بينها هي وصاحبتها.. والاهل تدخلو ف خايفن تكون قايله لصاحبتها دي وتيجي الناس يقولو لبعض او الكلام يوصل لبابا من بره.. وممكن يعاقب اختي او يجرالو حاجه..
المهم انا عايزه اقول لماما بس خايفه تتصدم او يجرالها حاجه..
بس عايزه تكون ماما واعيه للموضوع وهي تقدر تقول لبابا عادي..
وخالتي قريبه مننا اويي يعني هي امي التانيه ويعتبر مربياني..
المهم بفكر احكيلها وهي تجيبها لماما براحه علشان انا خايفه علي ماما من الصدمه..
ودلوقتي اختي عامله مشاكل كتيره اويي وفي حوارات كتيره قولولي اعمل ايه.. اكلم خالتو وهي تجيبها لماما براحه ولا انا اكلم ماما بس خايفه ع ماما من الصدمه ودلوقتي انا وماما قاعدين متوترين وعلي اعصابنا و م عارفه اعمل ايه
ملحوظه اختي عندها 15 سنه
و عليكم السلام و رحمة الله و بركاته كلمي اختك براحة و عرفيها ان ده غلط و مينفعش تكلم ولد من ورا بابا و ماما و الا هتحصل مشكلة لو مستجابتش في الأول ده طبيعي قوللها تاني و اقعدي نبيهيها و اذكرلها عواقب اللي بتعمله و خليكي وراها شوية قبل ما تقولي لحد لو مفيش فايدة خالص قولي لخالتك تكلمها برده قبل ما توصلوا حاجة لمامتك لو انتي خايفة عليها.
تم النشر الثلاثاء، ٧ مايو ٢٠٢٤
السلام عليكم ورحمه الله. وبركاته موضوع انك تقولي لوالدتك او ما تقوليش ده هيبقى متوقف على طبيعه والدتك وطبيعه ردود افعالها فما ينفعش انها تحسب كده ما ينفعش تاخدي نصيحه من حد كده اقول لها ولا ما اقولهاش هو ضروري طبعا انه الام رب يكون متابعين اي حاجه بتحصل عشان يقدروا يحملوا بس اذا كان الاب والام لهم ردود افعال صعبه او ممكن تكون ردود افعالهم يعني ما يعرفوش يعملوا فيها انضباط فيحلوا الموضوع ممكن يتعقد زياده يبقى الافضل احنا نعالج الموضوع ممكن من غير معرفتهم حاليا. لو الموضوع بس انك خايفه انه يحصل حاجه او ان الناس دي بتتكلم او يعرفوا ماما فاحنا ممكن نلجا لخالته هي اللي تتكلم مع الناس دي لو في مشكله يعني وهما ممكن تتطور المشكله انهم يقولوا طب احنا هنكلم اهلها فخلي خالتو هي اللي تبقى متصدره في الموضوع وتقول لهم لو في حاجه انا اللي هتكلم معكم لكن والدتها ووالدها مش حابين يتكلموا في الموضوع يعني ما تقولهمش ان هم مش عارفين تقولهم هم مش حابين يتكلموا معكم في الموضوع وانا اللي متصدره وانا اللي هتكلم. اعتقد ان هو يكون الطف حل ولو عاوزه تقسمي فانت ممكن تحكي لها الموضوع كانك بتحكي على بنت تانيه خالص تقولي لها ده في بنت. مثلا عندها برضو 15 سنه او عندها 16 سنه وحصل كذا كذا ويحكي نفس القصه بتاعه اختك بس كانك بتحكيها لحد تاني وشوفي رد فعلي مامتك مثلا هتلاقيها بتقول لك مثلا دي لو واحده من بناتي انا كنت عملت فيها كذا وكنت عملت فيها كذا فهتبداي تشوفي ايه اللي ممكن يحصل وبناء عليه هتعرفي اذا كان فيه مساحه تحكي لمامتك وتعرفيها ولا لا لو لقيتي ان هي الموضوع صارت عليه قوي لو انجرد انها حكايه بتسمعها فالافضل هيفضل انك ما تقوليلهاش لو هي لقت انه لا لا المفروض يكون كذا وممكن اهلها يعملوا كذا وتناقشي انت معاه في موضوعك طب يا ماما ده حتى لو بنت غلطت يبقى مش المفروض انهم يفهموها يعرفوها وهكذا تاخدي معاها الموضوع ايه بانك توضحي لها ان ممكن نتصرف تصرف تاني ولو بدات استجابت وفهمت ده فتقدري تقولي لها غير كده ما انصحش انك الموضوع ان شاء الله ما يحصلش حاجه ما تقعديش تتوقعي القسوه تصرفات.
تم النشر الأربعاء، ٨ مايو ٢٠٢٤
انصحك تكلمى اختك بالراحة و قولتلها انك خايفه عليها و أن مينفعش اللى هى بتعمله و أن حرام و يغضب ربنا . لو مستجبتش بلغى والدك فورا .
تم النشر الثلاثاء، ٧ مايو ٢٠٢٤
أولاً , تبتعد عنه ولا تكلمه وتقطع كل شيء متعلق به , ثم تذهبين لوالدتها وتقولين لها ان اختي كانت تكلم شابا وهي منذ فترة رجعت عن ذلك ولن تعود لهذا الخطأ وتتمنى ألا تخسر ثقتكم , وهي مستعدة لتحمل العواقب , وتكون قد تركته فعلا وليس ضحكا ولعبا . وبهذه الطريقة تواجه الموقف وتتصدى له وسيكون هنالك خسائر بسبب الفعل الخاطئ لا بد من تحملها
تم النشر الأربعاء، ٨ مايو ٢٠٢٤
في احتمال أن صاحبتها متعرفش وساعتها القلق هيكون مش في محله وحتي لو دا ممكن يحصل فالقلق مش هيمنع حدوثه ، لكن المهم توصلي للام الموضوع في صوره بسيطه بحيث يكون عندها خلفيه ومهم جدا ندرك أن ارتباط ، مشاكل كتير ، حوارات في عمر 15 سنه دا مش مؤشر كويس لصحتها النفسيه ،، دا انذار بأن في مشكله محتاجه تدخل وعلاج
تم النشر الأربعاء، ٨ مايو ٢٠٢٤
لعرض السؤال في فدني اضغط هنا