انا عندى أب سئ جدا وبيأذينا انا واخواتى وأمى دائما وبيصطنع مشاكل ودائما. بيتخانق مع أمى حتى انه فى فترة كنت متعقدة من الزواج ورفضاه بسبب علاقة ماما معاه كنت بعتقد ان كل العلاقات زى كده فى مرة من المرات رفع السكينة على امي وانا وكنت فى ثالثة اعدادى من بعد الموقف دا انا كرهته تماما ودا موقف من المواقف الكثيرة انا دلوقتى اخذت قرار بانى مش هتعامل معاه نهائي إلى آخر حياتى واللى حواليا ضدى امى بتكلمنى احيانا بطريقة غير مباشرة عن بر الوالدين فبتشغل فيديو على تليفونها والصوت بيبقي مسموع محدش شايف المى وحزنى من كل اللى انا عشته بسببه بضايق من انهم معاه ومحدش فاهمينى هل انا كده صح فى قرارى فى انى اقاطعه وانا دايما بخاف انى اكون زيه او اؤلم حد واكون انانيه زيه فى الغالب بجى على نفسي علشان محسش انى انانيه وبخاف برضو ان اخواتى الأولاد يكونوا زيه مع اولادهم اعمل ايه فى شعور الخوف دا وكيف اتغلب عليه واعيش حياتى طبيعة واللى عشته ما يأثر عليا تاثير سلبى حتى انه بسببه فقدت ثقتي بنفسي واصبحت بفكر كثير فى رد فعل الناس وما بقتيش بعمل بسبب كدا كيف تزداد ثقتى بنفسي وانا من داخلى عايزة اكون شخص كويس ودا بيخلينى اضغط على نفسي اكثر واحاسب نفسي كثير
اساءات الطفولة للاسف تأثيرها بيستمر معانا وتأثر علي حياتنا بشكل سلبي ان متمش معالجتها والتعافي منها احتسبي ألمك ده عند ربنا وان شاء الله ربنا هيأجرك عليه بس ده لا يسقط مسئوليتك انك تتعافي منه وانتي تقدري ان شاء الله .. الاب والام بنخرجهم من حسبه الناس المؤذيه نقاطعهم لكن ممكن نحجم علاقتنا بالشكل اللي مش يأذينا باباكي ضحيه هو كمان لاب قاسي ويمكن اقسي منه هو عمل معاكوا اللي في حدود وعيه وتربيته وعلمه والحل مش انك تقاطعيه وانتي خايفه تسببي ألم لحد وواضح ان مقاطعتك ليه بتؤلم والدتك .. لو تقدري تتكلمي معاه تحكيله عن مشاعرك كلميه لان المشاعر اللي جواكي دي وعدم مسامحته بتأذيكي انتي قبل اي حد لو مش هتأمني رد فعله او مش هتقدري تعملي الخطوه دي هاتي ورقه واكتبيله جواب اكتبيله كل المشاعر اللي جواكي وحستيها عشان كذا وكذا وكذا وازاي هي اثرت علي حياتك وشخصيتك واكتبي اتسبب في ايه ليكي وف الاخر انك قررتي تتحري من المشاعر دي وتسامحيه عشان ربنا وعشان نفسك خرجي كل اللي جواكي كل ألمك ووجعك عالورقه وبعدين فطعيها ده هيساعدك انك تفرغي كل المشاعر السلبيه المؤلمه اللي جواكي ولو ده فك هيفك معاكي جلد الذات وارضائك الزائد للاخرين وضعف ثقتك بنفسك ربنا يكتبلك الخير كله يارب انجاز.
تم النشر الاثنين، ٣٠ أكتوبر ٢٠٢٣
انتى مش محتاجه تكونى شخص كويس انت فعلا انسانه كويسه فكرة انك بتسألي نفسك كل الاساله دى وبتحاولى مع نفسك كتير ده ف حد ذاتو شىء كويس .. اول حاجه انا مقدره احساسك جدا وحاسه بيكى والله وقد ايه الموضوع صعب عليكى وان ده اثر على نفسيك لدرجه كبيره وان انتى ماشيه بمقولة لا يمكنك أن تشفي من نفس البيئه التى جعلتك مريضاً ، وهى أن انتى مينفعش تتعالجى من شخص وانتى معاه و ده نفس الموضوع مع باباكى ف اكيد كل ما هتكلميه هتفتكرى وهتتعبي لكن الموضوع ده داخل ف حته الدين وبر الوالدين وهكذا ف الي هيفيدك اكتر ناس متخصصه فى الدين زى مصطفى حسنى وغيره كلهم علي اليوتيوب بالنسبه الثقه بالنفس انتى محتاجه تتعالجى الاول من صدمات الماضي وتدركى انك ملكيش دعوه وان ده مش ذنبك وان باباكى مش سوى نفسياً مهما كانت الأسباب الي خليتو كده مش لازم عشان انتى معندكيش اب كويس معنى كده أن انتى حد وحش بالعكس الأرزاق بتبقي بأشكال مختلفه والابتلائات بردو يعنى ربنا زى ما ابتلاكى ب اب زى ده اكيد هيرزقك ب اولاد كويسين تزرعى فيهم كل حاجه كان نفسك تتعملك أو يرزقك بأم كويسه او اى شخص ربنا كاتبهولك لازم تتعالجى من الصدمات دى بالتدريج تاخديهم صدمه صدمه لحد ما تقدرى تتعالجى من كلو ولازم تقعدى مع نفسك وتفهميها قد ايه انتى حاولتى كتير وتعتبر ف حياتك كتير وده دليل علي انك شخص كويس بالنسبه لموضوع الرجاله ف صوابعك مش زى بعضها انا عارفه انو سببلك عقده لكن بجد هنصحك نصيحه اغلب الي باباهم بيكون سىءمعاهم بيخسروا حجم كبير من الحنان ف الإنسان بالفطره محتاج حنان ف بيبدؤوا يدوروا على حد طيب يديلهم الحنان ده ف اغلب حظهم بيكون مع رجاله مش كويسين لأنهم مبصوش علي عيوبهم هما بس عاوزين يسدوا فراغ الاب ف نصيحه متخليش تصرفات باباكى تخليكى تدورى على الحنان من ناس مؤذيه وده هينقلنا لنقطه تانيه وهى أنك لازم تحبي نفسك ووقتها مش هتحتاجى لحد واتمنى بجد أن حياتك تتحسن وبالتوفيق 🫶🏻🧡🧡🧡🧡🧡🧡🧡🧡
تم النشر الأربعاء، ١ نوفمبر ٢٠٢٣
انا مش هعيد كلام اتقال بس هقولك ان هو بكل ما فيه من سوء فهو لسه بيشتغل وبيتعب لاجل رعايتكم هدفه انتوا حتى لو اسلوبه غلط انا عارفه قد ايه فى مرحلة الغضب بيكون صعب تشوفى حاجة كويسة ....بس كل ما هتكبرى هتفهمى كل اللى اتكتب هنا لكن اوامر ربنا حتى لو مش مفهومه بالنسيالنا فعلينا بيها وليها اشكال كتير وحدود على حسب كل حاجة واجرك وانتى بتطيعى ربنا والدنيا سهله ....غير اجرك وانتى فى حاجة مصعبه عليكى الموضوع بس ملتزمه الطاعه بردوا شوفى بقى كلام ربنا قوله: « وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا ۚ إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلَاهُمَا فَلَا تَقُل لَّهُمَا أُفٍّ وَلَا تَنْهَرْهُمَا وَقُل لَّهُمَا قَوْلًا كَرِيمًا»، [الإسراء:23]
تم النشر الثلاثاء، ٣١ أكتوبر ٢٠٢٣
ربنا سبحانه و تعالى مذكرش ان لازم الاباء يعملوا حاجات حلوه عشان نبرهم بالعكس سبحانه و تعالى قال و إن جاهداك علي ان تشرك بي ما ليس لك به علم فلا تطعهما و صاحبها في الدنيا معروفا.. يعني لو أمرك بالشرك اللي هو كفر بالله مينفعش تقاطعيه انتي متسمعيش كلامه بس تبريه عشان هتتحاسبي علي ده و متدخليش ف دايرة عقوق الوالدين.. استغغري ربنا و استعيني بالله ومتفكريش كده تاني
تم النشر الاثنين، ٣٠ أكتوبر ٢٠٢٣
هو هيتحاسب علي افعاله وانتي هتتحاسبي علي افعالك يا حبيبة قلبي مهما حصل مينفعش تقاطعيه عشان ربنا انتي مطالبه انك تبريه و احتسبي الاذي النفسي اجر وثواب عند الله و بكره تتجوزي و تخلفي و يكون ليكي حياتك اللي تعوضك عن كل حاجه شوفتيها ربنا يفرح قلبك يارب
تم النشر الاثنين، ٣٠ أكتوبر ٢٠٢٣
تعالي نتخيل أسوء أب فى الدنيا، مجرد تخيل عن انه هيكون عامل ازاى او بيعمل اى مثلا بيجلد عياله او طردهم او حتى بيضربهم كل يوم ....الخ تعالى بقا نروح للأب ده نقولوا ان البيعمله دا غلط وانه لازام يتحاسب عن العمله ده تفتكرى هيقتنع بلكلام او حتى هيسمع اكيد لااء بل هيفضل مصدق انه صح وانه ببساطه معملش حاجه غلط، عايزاكى تعرفى أنه مفيش حد ملاك ومفيش حد مبيغلطش، لو بصيتى على حياه كل واحد من صغره لغايه ما يكبر هتلاقيها مليانه بضغوط نفسيه وتعب علشان دا الواقع الحياه مش كلها لون واحد فيها الوحش والحلو، الخلافات الزوجيه بتكون بين الزوج والزوجه هما الفاهمين بعض هما العاشروا بعض وهما برضوا اليقدروا يحلوا المشاكل دى، عامله ذى لما تكونى بتتخانقى مع حد بتحبيه ويجى طرف تالت يدافع عنك ويشتم الشخص ده ويكرهه ويقرر كمان يقاطعه لمجرد انه شافك بتتخانقى معاه بزمتك دا تفكير صح، اهو ده نفس البتعمليه بس الفرق انه ابوكى مش هقولك عن حكم الدين فى الحوار ده علشان انتى اكيد عارفاهاه ،حتى لو كنتى عارفة المشاكل البينهم انتى مش عارفه كل حاجه فمش من حقك تحكمى على طرف لمجرد ان أفعاله مش عاجباكى، هتفضلى تشوفى ابوكى وحش لأن عقلك خلاص ترجم ده وبالتالى هيفضل يدور ليه على اى غلطه حتى لو كانت صغيره هتبقى بلنسبالك كبيره، ودا مش تقليل من مشعارك بالعكس انا بوعيكى وحاولى تبصى لنص الكوبايه المليان، وعايزاكى تعرفى انه مش علشان فى شخص وحش يبقى كل الناس وحشه وأنه كل الناس ذيه، مفيش حد وحش طول الوقت أو ملاك طول الوقت بل بتيجى اوقات على الإنسان بيكون فيها بيعبر عن الجواه بطريقه ممكن تضايق كل الناس مفيش حد كويس علطول حتى انتِ ، أيا كان البتمرى بيه من وجع وحزن وحتى ألم نفسى أنتى مش مسؤله عنه بس مسؤله تطلعى نفسك منه وتباشرى حياتك من تانى انتِ بس عارفه ازاى تبسطى نفسك وتطلعى نفسك من مود الاكتئاب والزعل ♥️
تم النشر الثلاثاء، ٣١ أكتوبر ٢٠٢٣
بصى قريت كل التعليقات وبصراحه مفيش حاجه تتقال بعده بس هقولك حاجه أنا عندى صديقات كأنو بردو والدهم زى والدك كدا من أيام الكليه... دلوقت أللى توفاهم الله وبناتهم حطين صورهم على بروفيل وبيترحمو عليهم على طول... وإللى جاله الزهايمر وصحبتى مفتكروش مساوئهم... دول عايشين تحت رجلهم... هى ديه الفطرة... بلاش عشان متندميش بعدين
تم النشر الثلاثاء، ٣١ أكتوبر ٢٠٢٣
لا مش صح واجب عليكى بر الوالدين وحسابه مع ربنا عارف انه ضاغطك نفسيا بس ولا تقل لهما اف ولا تنهرهما وقل لهما قولا كريما فادعي لي بالهدايه وسلمي امرك لربنا قادر يغيره عشانكم
تم النشر الثلاثاء، ٣١ أكتوبر ٢٠٢٣
تمام هو معمليش حاجة كويسة عشان ابره وغير كده انا مقدرش اتعامل معاه تانى
تم النشر الاثنين، ٣٠ أكتوبر ٢٠٢٣
لعرض السؤال في فدني اضغط هنا