السلام عليكم ورحمة الله وبركاته انا بنت عندي ١٥ سنه من وانا صغيرة بابا كان مسافر وماما كانت هي شايله البيت كله وكانت اي حاجه غلط نتعاقب عليها وتزعق وللأسف دا خلاني علطول بزعق وصوتي عالي ولما بتكلم مع حد واضايق نبرة صوتي تبقي حادة ولما صوتي بيعلي بيحسو الأشخاص اني بزعق وكمان انا مبقبلش الغلط وبضايق من أي حاجه زائد اني عفويه فمش بفكر في الكلام قبل ما أقوله وبحس ان اصحابي منجنبيني اوغرباء عني اي الحل
وعليكم السلام ..ده محتاج انك زى ما اعترفتى انك بتعملى نفس الاسلوب الغلط االلى شوفتيه فى طفولتك ..تبدأى تخرجى ده من جواكى وتعترفى بان دى عيوب تعبرى عن اللى مضايقك وتتقبلى ان اللى قدامك يعبر زيك لما تتصرفى بالشكل الحاد تعتذرى بعدها .. تشتغلى على نفسك فى انك تتدربى على الكلام بهدوء فى سببيل انك لو ليكى حق ما تخسريش حقك
تم النشر الخميس، ١٨ أبريل ٢٠٢٤
وعليكم السلام ورحمه الله وبركاته دلوقتي انتي مسؤولة عن نفسك ومحتاجة تتعلمي ازاي تخرجي من دايرة ماما وبابا وتربيتهم ليكي ومتنسيش انك بنت وان ليكي طبيعة اصلية محتجاها في كل حاجة في حياتك وطبعا الغضب حاجة بتتعارض مع ده دي عادات ممكن تساعدك في انك تبقي اهدي ممكن تختاري منهم عادتين مثلا تبدأي بواحدة يومك وتنهي يومك بعادة تانية التدوين كل يوم ، المشي في مكان طبيعي ، الرسم العشوائي الاهتمام بحيوان اليف أو نبات ، الأعمال اليدويه ، ممارسة الرياضة الخفيفة ، القراءة ده تمرين ممكن يساعدك خصصي وقت في اليوم متعمليش في أي حاجة وخدي وضع مريح ليكي وغمضي عينيكي واتنفسي بعمق وبنعومة واحطي ايدك على قلبك ومتسمحيش لاي افكار تجي ت دلوقتي ولو جت فكرة تجاهيلها تماما ابحثي عن صدمات الطفولة واتعاملي معاها
تم النشر الخميس، ١٨ أبريل ٢٠٢٤
+1🥺
تم النشر الاثنين، ٢٢ أبريل ٢٠٢٤
لعرض السؤال في فدني اضغط هنا