دلوقتي معرفش بجد دا غلط ولا عادي اني اقعد قدام ابن خال ابويا بشعري او ابن عم ابويا بشعري ولا لاء
انا عرفت مؤخراً ان مينفعش ف مبقتش اقعد بشعري لكن اهلي عادي فاهمين ان ينفع عادي
كنت قاعده بشعري ف البيت عادي و بنت خالي قاعده معايا ف ابن خال بابا دخل هو و بابا و قعدوا و كنت وقتها بشعري و بنت خالي عادي و مقتنعه ان عادي تقعد بشعرها قدامو ونا مكنتش عارفه اعمل ايه قعدت حبه استوعب و مشيت بسرعه
طب هو دلوقتي شافني بشعري و لابسه بنص كم كمان ف انا معرفش هل كدا حرام ونا اخدت سيئات ولا ايه بظبط؟
مينفعش لأنه غريب عليكي و حتي ابن خال مامتك غريب علي مامتك وعليكي لانه مش من المحارم لكن خال باباكي ومامتك عادي لانه في مقام جدك وربي يعف عنا آمين يارب
تم النشر الجمعة، ٢٦ يوليو ٢٠٢٤
بصي يا اختي هجاوبك ببساطه لسؤالك... بسم الله الاجابه حراام طبعا وحرام على والدك قبل عليك والعيله تأخد ذنب اكبر لانك بنتهم وما ينفع ان المرأه في الاسلام يتقل قيمتها بسبب الاعراف المجتمعيه والكلام الفاضي ده كله لو حد دخل غصب عنك فاعرفي انك استكرهتي على ده ولازم تقولي لوالدك بعد كدا ياخد باله وتتطلعي من عندهم تلبسي حجاب كامل بافتراض يعني انهم يحتاجوك تقدمي ليهم اكل او شرب عايزك بس تعرفي انك مش اقل من البنات اللي بتكون اخدت اوامر ربنا بعزم وعصيان اوامر ربها كأنه جبل على ظهرها فدوول بجد الغاليين لان المرأه ما ينفع ده وده يبصلها عشان قيمتها طالما مش محارم فعشان كدا دينا امرنا بزي معفف ومحتشم لان القيمه الغاليه وهي انتي مش لاي حد لزوجك فقط.
تم النشر الخميس، ٢٥ يوليو ٢٠٢٤
لو بلغتِ ولبستِ الحجاب بالفعل يبقى حرام تقعدي أمام غير المحارم بشعرك أو ملابس مكشوفة... الموقف حصل خلاص وانتي عشان متعودة إنك بتقعدي أمامهم كده عادي فأخدتِ وقت على ما استوعبت لكن قمتِ بعدها بسرعة. حاولي تاخدي بالك بعد كده وتعملي حسابك يكون جنبك حجاب تحسبًا لو دخل حد واتكلمي مع أهلك بصراحة إنك حابة تلتزمي بالحجاب صح. الأهل في حاجات للأسف كتير بتكون في ديننا حرام لكن هم شايفينها تبع التقاليد عادي وخصوصا بعض التعاملات مع أولاد العم والخال على أساس متربيين سوا... لكن احنا بنشوف ربنا قال إيه ونعمله مش الأهل شايفين إيه. لا طاعة لمخلوق في معصية الخالص... تفاهمي معهم بالراحة. وربنا يثبتك على حجابك وطاعتك إن شاء الله. تحياتي.
تم النشر الخميس، ٢٥ يوليو ٢٠٢٤
قبل معرفة حكم قريبيك، قال صلى الله عليه وسلم: رُفع عن أمتي الخطأ والنسيان وما استكرهوا عليه" فلو افترضنا أن من دخل هو من الغرباء كصديق الوالد أو ما شابه، فليس عليك ذنب لأنك لم تتعمدي ذلك. والصواب أن ينتبه الوالد حفظه الله وينبه عندما يكون معه ضيوف. إما بالنسبة لابن عم والدك فهو فعلًا ليس من محارمك وليس كعمك في التحريم.
تم النشر الخميس، ٢٥ يوليو ٢٠٢٤
يا حبيتي، الموقف اللي حصل معاك مش سهل وتمام إنك حاسة بالتردد. في بعض الأوقات إحنا بنحتاج نفهم الحدود اللي لازم نحترمها في العائلة والمجتمع. أول شيء، بسرعة عايزة أقولك إن الموضوع يعتمد على ثقافة كل بيت وأهل. في بعض العائلات يعتبر عادي إنك تفضلي بشعرك قدام ابن عم أو ابن خال، وفي عائلات تانية لا. حاولي تكلمي مع أهلك وتعبري عن مشاعرك ومخاوفك، وحقك إنك تعرفي أكتر عن القيم اللي بيتبعوها. لو هما مش شايفين إن في مشكلة، يمكن يكون فيه سبب ورا ده. أما بالنسبة للموقف اللي حصل، لازم تبقي مطمئنة إنك جايه من مكان حسن النية، وما تركزيش على الأمور السلبية. الأهم هو إنك تعودي مع نفسك وتفهمي حدودك بشكل أفضل. خدي فرصة للتفكير وناقشي الموضوع مع أهلك، وهيكون أحسن لنفسك. كلنا بنتعلم مع بعض، ومفيش حاجة غلط لو استفسرتي وفهمتي الأمور بشكل أعمق.
تم النشر الخميس، ٢٥ يوليو ٢٠٢٤
لعرض السؤال في فدني اضغط هنا