الغيره شعور طبيعي موجود فى اى علاقه أو الطبيعي انو يكون موجود ده حاجه عاديه جدا الغيره السليمه هى الي تكون بسبب خوف حد عليك ممكن يكون بيغير من لبسك عشان خايف عليكي من الناس أو هكذا لكن انا عندى مشكله ليها علاقه بيا فى الغيره بتاعتى انا ، للاسف انا اتعرضت لصدمات نفسيه كتير فى طفولتى ومراهقتى كمان سببتلى أذى نفسي كبير جدا وحفره كده جوايا علاقات كتير كنت أنا فيها دايما الطرف التالت أو الطرف الي دايما بيتم استبداله واتولد عندى فكره أن انا ف اى علاقه هيحصل كده بعدت عن الكل أو هما الي بعدوا عنى مش هتفرق كتير لكن أصبحت وحيده بعدين شاء القدر انى اتعرف على زميله ليا وقربنا من بعض وبقينا صحاب جدا جدا واكتر من اخوات بعدين ف الآخر نقلت فى الدروس معانا واحده صاحبتها ف بقينا نمشي احنا التلاته كنت شايفه السيناريو بيتكرر تانى ف قولت اواجه المرادى قبل ما يحصل حاجه تأذينى ف واجهت صاحبتي بالماضي بتاعى والعلاقات الي كلها اذتنى وهى اتفهمت ده ولكن قالتلي انها بتحبنا احنا الاتنين ومتقدرش تفضل حد عن التانى وانا ادايقت جدا جدا ازاى تقول كده بصراحه مكذبش انى بحس بتأنيب الضمير من معاملتى لصاحبتها التالته لكن انا مش حابه حد تالت ينضم لينا ولما عرفت ان صحبتى قالتلها تيجي معانا ف كل الدروس ادايقت جدا ازاى تعمل كده وبقيت كارهة انى اتكلم معاها ولا حتى اعاتبها اعمل ايه
معنى أنكم تحضرون دروس أنكم ما زلتم في فترة ما قبل الجامعة. الآن يوجد حقيقة يغفل غالب الناس عنها وهي أن الصديق الحق رزق محض، قد يمر العمر ولا يجد الإنسان ذلك الصديق الذي ينشده. وقد يجده الإنسان في عمر متأخرة، وبد يجده باكرًا وهذا من النوادر. من الظاهر أن شخصيتكِ رقيقة وحساسة جدًا لكن تعاملي مع الجميع على أنهم زملاء دراسة، وانتبهي أن تعلقكِ لا يشير إلى جودة العلاقة أو أنها صداقة رائعة، فقط ربما هو تخوفك من الوحدة. أرجو أنك فهمتِ قصدي، وإذا أردت مني أي توضيح فأنا حاضرة. انتبهي على نفسك.
تم النشر الاثنين، ١٥ يوليو ٢٠٢٤
حاولي متحطيش كل العلاقات السابقة دي فبالك وحاولي تتخطيها وعيشي حياتك طول منتي متمسكة بيها مش هتعرفى تعيشي الحاضر وصاحبي كتير بلاش تخلي واحدة بس مقربه والباقي عادي حاولي تكوني اجتماعيه بقدر الامكان ممكن ده يخفف إحساسك بالوحده وانو محدش مهتم بيكي أو كونك طرف تالت مع انو كل حاجه بتمشي بظروفها يعني ده مينفعش يكون مبدأ فحياتك دي حاجه بتتغير ثقي فنفسك بس المهم عشان لو صحبتك فيوم من الايام حسيتي إنها بتقرب اكتر لواحده تانيه وبقت صحبتها اكتر انتي متتضايقيش حاولي تقربي التالته دي بردو ممكن تكونوا أصحاب احسن وحاولى تشيلي فكره دي صحبتي ومحدش يخدها مني لا حاولي تاخدي الموضوع ببساطه ان احنا صحاب كلنا بس أكيد كل واحد منكوا عندوا صحاب تانيين ممكن تكونوا انتوا التلاته شله حلوه ولو حسيتي إنك مش حباها ولا عايزة البنت دي خالص قولي لصحبتك وهي تخرج معامي لوحدك ومعاها قأي وقت تآني وكونكوا أصحاب بقالكوا كتير أكيد ده مش هيتغير فنظرها وأكيد هي عارفاه ومقدراه ونتي حاولي تتقبلي الموضوع بس
تم النشر الاثنين، ١٥ يوليو ٢٠٢٤
اول حاجة خليني أقولك إن مشاعرك طبيعية ومعقولة، مهما كانت التجارب السابقة قاسية عليك. طبيعي إن الإنسان يكون عنده خوف من التكرار خاصة لما تجاربه السابقة تكون مؤلمة. لكن أنا حابة أقولك شوية نقاط ممكن تساعدك: الفهم والتحليل : حاولي تفهمي مشاعرك بشكل أعمق. ليه بتحسي بالغيرة والخوف من الفقد؟ هل هو علشان خايفة تنجربي لنفس السيناريو مرة تانية؟ الفهم ده ممكن يساعدك أنك تتعاملي مع المشاعر دي بشكل أفضل. الثقة بالنفس : ضروري تشتغلي على بناء ثقتك بنفسك. مش كل علاقة ليها نفس النهاية، ومش كل الناس زي بعض. ثقتك بنفسك ومكانتك في حياة الناس اللي بتحبيهم هتساعدك تتخطى الخوف ده. التواصل : كونك اتكلمتي مع صاحبتك وشاركتيها مشاعرك ده خطوة إيجابية كتير. ممكن تحاولي تنظمي كلامك بشكل أكتر وتفهميها أنك مش ضد صاحبتكم الجديدة ولكن عندك مخاوف واحتياجك لشوية وقت للتأقلم على الوضع الجديد. التوازن : حاولي تعملي توازن بينهم وبين وقتك لوحدك. خلي فيه لحظات تقضيها مع صاحبتك الواحدة ومش كله يكون دايمًا مجموعة. التقارب : حاولي تتعرفي على العضوة الجديدة بشكل أفضل، لأن ممكن تلاقي في النهاية إنها شخصية كويسة ووجودها هيكون إضافة ليكم مش تهديد. وأخيراً، اعرفي أن العلاقات البشرية تتطلب جهد وصبر وفهم، وكل ما تقربتي أكتر من نفسك كل ما هتقدري تتعاملي مع مشاعرك وأي مواقف تواجهك بشكل أفضل. أنا هنا لو حبيتي تشاركي أو تحتاجي نصيحة تانية.💖
تم النشر الاثنين، ١٥ يوليو ٢٠٢٤
لعرض السؤال في فدني اضغط هنا