عندي مشكله نفسياً بمر بيها ومش عارفه ايه سببها أو ازاي اعالج نفسي منها انا حاليا بمر بمشاكل كتير مشاكل عائليه والبيت طاقه سلبيه وكان وزني72ودلوقتي بقى وزني64من كتر الحزن وسدة النفس واني أحياناً ببكي بحرقه علي حجات حصلت زمان وانا طفله مثلا متختطهاش وفقدان شغف في رغبتي في اكمال الحياه شبه يومياً بفكر في الانتحار وأنه هيكون اريحلي واريح لهم حد عنده حل؟
الحل هو اللجوء مباشرة لطلب المساعدة والعلاج من اخصائي او معالج نفسي ، بدون تردد وبدون حيرة .. حلك وعلاجك هيكون مع اخصائي او معالج او طبيب نفسي باذن الله المتخصص النفسي هيعرفك سبب المشكلة ، وهيساعدك في علاجها ويوصلك للتعافي من المواقف القديمة اللى لسه ماثرة عليكي لحد دلوقتي ، وهيساندك في استعادة شغفك بالحياة، واستعادة شهيتك ووزنك يظبط من جديد ويتظبط كمان النوم. واكيد استعيني بالله وادعيه يقويكي على رحلة العلاج والتعافي متدوريش على حلول في اي مكان تاني ، لان هتخسري وقت على الفاضي ، ومش هتوصلي لنتيجة مفيدة.
تم النشر الجمعة، ١٦ أغسطس ٢٠٢٤
يمكن انا هرد على السؤال ده تحدياً لانى مريت بالحاله دى كتير ومروحتش لدكتور نفسى او اى معالج ووصلت لمرحله صعبه بس أكون صادق انا عملت ذنوب كتير وفى حجات انا غلطت فيها لما بمر بالمواقف دى بفتكر انا عملت ايه غلط وبقول ان ربنا بيعاقبنى محبه عشان ارجعله واعرف طريقه وقرأت حديث عن النبي ﷺ قال: ما يصيب المسلم من نَصَب، ولا وَصَب، ولا هم، ولا حزن، ولا أذى، ولا غم، حتى الشوكة يشاكها إلا كفر الله بها من خطاياه. بس هى اغلب مشكلتنا ان احنا بيحصل امر يزعل ومبنلاقيش حد نحكى معاه او حد يهون علينا او القدر بيخلينا نقابل او نعيش مع حد سليط اللسان او يصدر من فعل مؤذى نفسى فبالتالي بناخذ الموقف و يفضل جوانا وموقف على موقف يحصل تراكمات وينتج الألم النفسى وعلى فكرا فى علاقه كبيره جدا بين الجهاز الهضمى والحاله النفسيه من الناحيه الطيبه ممكن تقرأى عن الموضوع ده وليه تأثير كبير على القولون العصبي المهم هو ازاى اتجاوز الحاله دى انا هتكلم من واقع تجربتى،انا مريت بحالات كتيره تنمر و ضرب و اهانه و مشاكل عائليه و ماليش اصحاب وكل ما يجى ببالك بس انا انهرت فعلا لكن لقيت طريق واحد نجانى طريق ربنا و الهدايه مع انى كنت بصلى بس الى هو بقضى واجب لما رحت الطريق فهمت الدنيا والناس على حقيقتها واحنا ليه بتعرض لدا كله واخرتها والاهم ازاى اتخلص من المرض النفسى لقيت الصلاه وقراءه القرآن نستنى حجات كتير والدعاء لقيت ربنا استجاب لدعائى لما بقله انا مش قادر والله ما بقول كلام وخلاص لقيت ربنا ادانى طاقه و بيقيت اروح دروس و اسمع كلام عن مشكلتى من غير ما ابقى قاصد اسمعه كأنها رساله من ربنا وسمعت ان ذكر ربنا بيزيل الغم والهم زى لا أله الا انت سبحانك اني كنت من الظالمين فى سوره الانبياء جربى والله ماهتندمى ولما قرأت ان الدنيا لا تسوى عند ربنا جناح بعوضه لقيت انها مش مستاهله اه كلام الناس مؤذى ومجبروين نسمع لو تسمعى شكوى سيدنا موسى لربه قال يارب كفَّ ألسن الناسِ عنى، فقال اللهُ عزَّ وجلّ: «يا موسى، ما اتخذتُ ذلك لنفسي، إني أخلقُهم وأرزقُهُمْ، وإنهم يسبُّونَنِي ويشتُموننِي".. فمحدش هيهرب من كلام الناس ولا اذاهم عشان احنا مش فى جنه الحل ان ازاى اتجاهل كلام الناس او اعمل ايه لما اسمع كلام مؤذى او اتعرض لمشكلة ومن خلال تجربتى ان الواحد يعتزل ما يوذيه باكبر قدر ممكن يعنى لو صاحب مؤذى ابعذ عنه مكان مش مستريح فيه ابعد عنه مثلا والدى بيعمل مشكله اتجنبه فى اى مشكله واعمل الى يبسطنى ويسعدنى كل واحد عارف الى بيسعده والاهم والاهم والاهم اذكار الصباح والمساء جربى مش هتخسرى حاجه لان ذكر ربنا تاثيره عجيب بس مهم انا قلبك يكون طاهر بمعنى انا القلب لو مشتهى الاغانى والمحرمات مش بيجتمع فيه ذكر ربنا وكان افضل حاجه ساعدتنى صلاه الفجر فى وقتها كنت بحس بشعور ارتياح فى وقت الفجر غير عادى بحس انى نسيت كل حاجه مبسوط نسيت كل حاجه مزعلانى كنت سمعت مره ان الواحد بيعيش يومه من صعوبات ويجى عند قيام الليل وساعه الفجر بيفضى الهموم والغم لان احنا بشر لازم نفصل شويه وانصحك لو هتقدرى تروحى لدكتور او اخصاصئى نفسى او معندكيش حد تتكلمى معاه وتحكيله من غير ماتتكسفى تقولى أمر ليكى ربنا سبحانه وتعاله تشكيله وتفضفضى معاه ازاى اتعبى شويه صلى ركعتين بليل مع نفسك واسجدى وادعى وقولى الى انتى عايزاه و هتلاقى الرد بطرق غير مباشره بترد على كلامك هتعرفى لم تجربى و هتلاقى ربنا بيبعد عنك الكلام المؤذى ويقويكى للاحسن أسف للاطاله بس انا بتكلم من خلال تجربتى ومعاناتى وازاى تجاوزت مشكلتى يمكن فى ناس مختصه فى الامر النفسى تتكلم احسن منى بس دى تجربتى والى واثق انها صح على فكرا الدكتور النفسى عنده مشاكل بردو محدش بيسلم بس هو عنده القدره والعلم ازاى يتجاوز الامر.. بالنسبه للشغف اكتشفى نفسك عشان ساعات مبنعرفش احنا قدراتنا ايه لان لازم اعرف قدراتى عشان اعرف استغلالها صح استعينى بالله بالدعاء عشان ربنا يوجهك للصح الحياه مش سهله الحياه تحديات ودا اعتبريه تحدى ليكى تعديه لو عدتيه او عرفتى تتعاملى معاه دا يعتبر انجاز ليكى فى حياتك مش شرط انى اطلع الفضاء عشان يبقى عملت انجاز وشكراً
تم النشر الجمعة، ١٦ أغسطس ٢٠٢٤
أول حاجة، أنا آسفة إنك بتمري بوقت صعب زي ده. واضح إنك بتحسي بضغط كبير ومشاكل كتير حوالينك. الحياة أحيانًا بتكون مرهقة، والمشاعر السلبية بتأثر على صحتك النفسية والجسدية. من المهم جداً إنك تحاولي تتكلمي مع حد موثوق فيه، سواء كان صديق أو فرد من العيلة أو حتى مختص نفسي، لأنهم ممكن يساعدوك في التعبير عن مشاعرك ويفهموا وضعك بشكل أفضل. حاولي تلاقي طرق لتفريغ مشاعرك، زي الكتابة أو الرسم أو ممارسة الرياضة، حتى لو لفترة بسيطة. والخروج للطبيعة أو التفاعل مع الحيوانات ممكن يكون له تأثير إيجابي على مزاجك. بالنسبة للأفكار عن الانتحار، دي أفكار خطيرة جداً، وليس من المفترض إنك تتعاملي معها لوحدك. من فضلك، اطلبي مساعدة من مختص نفسي. حياتك غالية ولازم تتعاملي معها كده. لازم تتذكري إنك مش لوحدك، وفي ناس كتير بتمر بمواقف مشابهة، والتحسن ممكن يحصل. حاولي تدوري على الدعم في اللحظات الصعبة دي، واعرفي إن الأمور ممكن تتحسن مع الوقت.
تم النشر الجمعة، ١٦ أغسطس ٢٠٢٤
لعرض السؤال في فدني اضغط هنا