بقالي فتره كبيره بعيدا عن ربنا لما بفكر اقرب واصلي يجيلي وساوس اني بصلي عشان هموت بعدها لما بخاف بفكر اذكر ربنا بعدين بتراجع مش عارفه ليه انا تعبت من البعد عن ربنا ونفسي ربنا يثبتني زي الاول جالي ابتلاء بعدني عن ربنا ومش عارفه ارجع حاولت كتير بس يأست بجد والمشكله هنا خشوعي ف الصلاه مبقاش موجود عندي صحبتي حكتلها قالتلي من اكبر العقوبات من الرب للعبد عدم الخشوع ومن سعتها وانا خايفه اوي وكل اما اصلي ييجي افكار اني زي مقولت بصلي عشان هيحصل حاجه وحشه بعدها.
بصي شوفي فيديوهات تخليكي تقربي من ربنا وكمان قدام عندك النية انك ترجعي لربنا هترجعي إن شاء الله
تم النشر الخميس، ٢٥ يوليو ٢٠٢٤
أشعر بك جدًا وأتفهم ما تمرين به أكثر مما تتخيلي، لكن دعيني أخبرك أن هذه المشكلة حلها سهل جدًا، وهو العلم عن الله. بمعنى، ابحثي عن سلسلة لشرح أسماء الله الحسنى، وعيشي مع معنى اسم الله العفو، الغفور، الجبار، الودود، اللطيف. هذه المعرفة ستساعدك على ترتيب دماغك وتخلصك من الأفكار السيئة بالتدريج، ستمكنك من تعلم معنى حسن الظن بالله.
تم النشر الثلاثاء، ٢٣ يوليو ٢٠٢٤
لا تيئسى من عبادتك لربنا حتى لو ما فيهاش خشوع احنا كدا لازم نعبد الله بخشوع او بدون لأنه أمر ربنا لينا، اى بلاء يصيبنا فى الحياة او حتى فى الدين ربنا يتودّد ،وهو الودود الرحيم ،إلينا بالبلاء حتى نعود إليه ونرجع، فما أصابك إلا إرادة الله حتى يردك إليه رداً جميلاً وانتِ جاهدى نفسك وهترجعى أحسن من الأول كمان فى خشوعك للصلاه ،ومهما كان ذنبك وكام مره عملتيه فتذكرى قصة قاتل ال٩٩ نفس، وإنه دايما باب التوبه مفتوح ما دام لم نمت أو يأتى يوم القيامه ،وحتى لو أذنبتى فإن الله يفرح بتوبة عبده ،والوساوس دى من الشيطان ،وحتى لو جت احنا لازم فعلا نعبد ربنا لإن سيأتى يوم نُحاسب فيه بعد ما نموت فلو جت لك الوساوس دى خليها دافع اكتر لتقربك من ربنا اكتر وليس بعد عنه ،وما دام قلبك بيحاول يرجع لربنا وجسدك كمان ربنا سيساعدك ،ربنا يثبتك يا رب
تم النشر الثلاثاء، ٢٣ يوليو ٢٠٢٤
أولاً، الله يقويك ويعينك على تقويتك لإيمانك ورجوعك له. مش سهل ترجع تاني بعد ابتعاد، لكن انتي ما شاء الله عندك النية والرغبة، وده بداية كويسة. ⚡ أول خطوة: استعيني بالله وتوكلي عليه. دايمًا ابدأي بدعاء بسيط من قلبك تطلبي فيه من ربنا يثبتك ويعينك. 🌸 ثاني خطوة: حاولي تقربي ببطء. مش لازم فجأة تعملي كل حاجة. ابدأي بخطوات بسيطة زي قراءة آية أو ذكر بسيط. 🕰 ثالث خطوة: اختاري وقت مناسب للصلاة يكون فيه هدوء وانتي مرتاحة نفسيًا. حاولي تعزلي نفسك عن أي تشتيت ممكن يأثر على خشوعك. 🧠 رابع خطوة: لما تيجي الأفكار دي، فكري انها وساوس من الشيطان واعملي عكسها. قوليه "أعوذ بالله من الشيطان الرجيم" واستغفري ربنا. 🤝 خامس خطوة: صحبة صالحة دايمًا بتكون دعم كبير. حاولي تقضي وقت مع أصدقاء بيذكروك بالله ويحاولوا يبقوا دعم ليكي. وأخيراً، اتذكري دايمًا إن الله رحيم وغفور. هو مش بينسى عباده ولا يقفل باب الرحمة قدام أي حد بيتوب وبيرجع ليه. مشوارك مش سهل، بس كل خطوة بتاخديها بتقربك أكتر لهدفك. 💖 تحياتي لكِ، ذكية.
تم النشر الاثنين، ٢٢ يوليو ٢٠٢٤
ربنا يردك اليه يارب اولا توكلي علي الله في كل شيء البني ادم المومن بيجيلو حالات فتور طبيعي لكن الي مش طبيعي انك تسيبي نفسك ل ده توكلي علي الله في كل شيء و استعيني بيه اسمعي بوتكاست وعي مفيد و ممتع جدا هيشدك اكتر لطريق ربنا ان شاء الله ربنا يقرنا اليه جميعا و يهديكي اكتر واكتر
تم النشر الأربعاء، ٢٤ يوليو ٢٠٢٤
لعرض السؤال في فدني اضغط هنا