طيب دلوقتى لما بكون عايز اعمل حاجة ببقى متحمس فى البداية وبعدين بمل عايز اعرف ازاى استمر ومقفش واكمل
الحقيقة ي صديقي تكمن فى الاستمرارية فقط لا غير انصحك بقراءة العادات الذرية هتفرق معاك ومش لازم تعلى سقف طموحاتك انك لازم لو محاضرة مثلا ٨ ساعات انها تخلص مرة واحده لأ جزأها اجزاء صغيرة وخد بريكات ف النص بس الاهم انك تكمل انما يبكي على الشغف النساء لو افترضنا انك حاليا بتبيع مناديل ف انت بعد خمس سنين هاتبقي اشطر واحد بيبيع مناديل ياريت تاخد المغزى من المثال ، احب الاعمال الى الله ادومها و ان قل
تم النشر الأربعاء، ٩ أغسطس ٢٠٢٣
الموضوع ده مش معاك لوحدك .. وللاسف فيه مفهوم شائع جدا بحكاية الشغف ديه، ولازم الواحد يكون متحمس وشعله طول الوقت. بس الكلام ده مش صح .. واللي بيخلينا نكمل من الدافعية او الحماس اللي بيخلينا نكمل هو تحديدنا للهدف والتزامنا بيه ومسؤوليتنا اتجاهه، ف ده اللي بيخلينا نستمر، اجبر نفسك متستناش اللي يجي ويجبرك او يحمسك، عارف ليه؟ لان التحفيز عبارة عن يوم مثلا او ساعة تحفزك وتملي انفاسك وبعد كده ترجع للحالة الطبيعة تاني .. الموضوع عامل زي انك اكلت اكلة بترفع الانسولين جامد .. ف الانسولين يرتفع جامد جدا في الدم وبعد كده تلاقيه ينخفض برضه جدا. فالحماس هو مجرد الدافعية الاولى ومش مطلوب منه انه يكون موجود طول الوقت .. لان ده مستحيل - مفيش حد طول الوقت متحمس، مفيش حد طول الوقت مضايق - مفيش حد طول الوقت فرحان .. احنا بنمر بأحاسيس كتير جدا على مدار يومنا. فأجبر نفسك بنفسك ..ده اول شئ . تاني شئ والمهم جدا في الاستمرار انك تبدأ بمستوى قليل .. يعني لو محدد هتذاكر انجليزي كل يوم 5 ساعات .. كفايا اوي ساعة او ساعة ونص .. انك تضغط على نفسك كل يوم بالشكل ده طبيعي انك تمل .. وطبيعي انك تحس بقلة الانتاجية ع مدار الاسبوع .. لكن انك تبدأ بشئ قليل وتستمر عليه ده افضل بكتير. (الاهم هو الاستمرارية). من الحاجات المهمة برضه واللي تقدر تعتبرها محفز كويس انك تعطي نفسك مكافأة بعد ما تخلص اللي انت بتعمله .. ده شئ هيخليك تحس بالانجاز والانتاجية وهيحفزك. برضه شئ مهم انك تدون انجازاتك ده برضه بيخليك حاسس بالانجاز.
تم النشر الأربعاء، ٩ أغسطس ٢٠٢٣
الحالة ديه للاسف بتحصل معانا كلنا المهم هنكون محتاجين الحمس بيقل ولا تأجيل ولا ايه بالتحديد اعرف عن التسويف وكيفية التعامل معه(يوجد الكثير من الفيديوز والمقالات) ان شاء الله تلاقى مساعدة
تم النشر الأربعاء، ٩ أغسطس ٢٠٢٣
لما تفقد شغفك افتكر انت ليه بدات ولما تنتهي النهايه دي هتبقي حلوه ولا لا
تم النشر الأربعاء، ٩ أغسطس ٢٠٢٣
لعرض السؤال في فدني اضغط هنا