السلام عليكم
عندي مشكلة الإرهاب الاجتماعي أنا انطوائية وهادية جدا مش عارفه الحل ل دا أن انا اقاوم ولا اعيش بطبيعتي بحاول اقاوم طبيعتي كتير اووي بس تعبت جدا من الموضع دا ديماا لما اكون رايحة اي مكان فيه تجمع سواء افراح أو أي تجمع حتي الچيم انا بجب الرياضة باجي نازلة الچيم بحس بضغط نفسي غير عادي مببقاش عايزة آكل حتي ويبقي نفسيا محطمة اوي من غير سبب باجي رايحة كل م اقرب اكتر من الچيم ضربات قلبي بتزيد ببقي خايفة جداا ومتوترة جداا بقعد ف اليوم اللي قبله افكر مع نفسي هقول اي وهتصرف ازاي هناك ولو حد قالي حاجه معينة هرد عليه اقول اي بحط كل الاحتمالات حتي الهزار بحسب حسابه انا ممكن منزلش ومروحض وافضل ف البيت فعلاا هستريح جداا بس بحاول اقاوم علشان مينفعش افضل بالطريقة. دي وكمان كابتن الجيم انا فعلا بحبهاا جداا ف ببقي عايزة اروح علشان هي هناك علشان اشوفها بس واقعد معاها مع اني مببقاش عارفه اقول اي وبقعد ادور ع كلام اتكلمه قبل م اروح انا متعلقة بيها جداااا ديماا عندي مشكلة التعلق دي كل فترة بتعلق بشخص ف حياتي بياخد كل وقتي ف التفكير فيه وانا مش عايزة ابقي كدا فعلا مش عايزة تتعلق الا بربنا بس والتعلق دا بيئذيني نفسياا اووي كمان ببقي عايزة اكسر حاجز خوف كدا بيبقي وانا بتعامل مع الشخص اللي بحبه اللي هي بنت يعني عندي مشكلة أن انا ديماا بحس نفسي تقيلة ع اللي قدامي ف ببقي خايفة اكون تقيله ع الشخص اللي بحبه أو احسسه ان انا لازقة فيه وانا مبحبش كدا ف بتجنب أو بخاف وبتوتر وانا بتكلم معاها مع اني بحبها جداا وبحس ان كلامي مش منمق انا ديماا منعزلة مش بختلط بالناس خالص ف عقليتي طفولية شوية فعلاا ف الفكرة دي فماغي ديماا أن اي كلمة أنا بقولها اللي قدامي هيجي أن انا طفلة وكلامي مش موزون ومش عارفه اتكلم وهيزهق من الحوار معايا وهيحس أن تفكيري طفولي ومفيش فايدة من الكلام معايا خصوصا أن انا ديماا بتعلق بحد اكبر مني زمايلي اللي من سني بيحبوني بس أنا مش بتعلق بحد فيهم ابداا ديما بتعجبني شخصية مثقفة مثلاا اكبر مني أو فيها مميزات حلوة جدااا ف بتعلق بيها والمشكلة الأساسية بقي اللي هي الرهبة من الناس ومن التجمعات ديمااا ف الافراح ف العيلة ممكن اقعد اعيط قبل الفرح من غير سبب ومرضاش اروح وافضل ف البيت ديماا ف الحفلات ببقي حاسة نفسي مضغوطة وبقعد اعيط فيها اول م الاقي ناس كتيرة حواليا بتعب نفسيا وكذلك تجمعات العيلة بفضل ساكته مبتكلمش ولا كلمة مبعرفش اهزر واعمل جو زيهم بحس نفسي زي عدمي ف المكان كلو بيتكلم وبيهزر وانا ساكتة ببقي محطمة نفسياا فعلا وعايزة ابقي شخصية مثقفة وكلامي منمق مش عارفه اي ممكن يساعدني علي كدا بحس نفسي مش عارفه اعبر للي قدامي عن أي حاجه انا بقولها ومبعرفش اعبر عن مشاعري خالص عايزة اتعلم الحاجات دي من اي مصدر وانا مستعدة وجزاكم الله خيرا
It's important to seek help from a professional حاولي دوري على حد تقدري تشاركية
تم النشر الثلاثاء، ١٠ أكتوبر ٢٠٢٣
السلام عليكم اذهبي لدكتور نفسي تاخذين مضاد اكتئاب راح يخفف عنك القلق و تصبيحين اكثر اجتماعية و فرح و سرور
تم النشر الثلاثاء، ١٠ أكتوبر ٢٠٢٣
اولا انا بحيكي انك عايزة تتغيري، وانتي عندك نقطة زيادة انك بتحاولي فعلا انك تتغيري واقعيا. من امتى بقى وانتي عندك احساس الخوف والرهبة من التجمعات؟ وبتحسي مثلا انهم هيقولوا ايه لو غلطتي مثلا؟ وايه مفهومك عن الشخصية الطفولية .. او التلقائية؟
تم النشر الاثنين، ٩ أكتوبر ٢٠٢٣
زوري طبيب نفسي هيساعدك اكتر
تم النشر الثلاثاء، ١٠ أكتوبر ٢٠٢٣
انا جاي أثير الجدل واقول اني شايف دي ميزة. ( بالنسبة للجيم او اي تجمعات، ممكن تنزلي مع حد من صحابك) والناس عموما مجبرين يتعاملو معاكي بشخصيتك، ومن رأي انه غلط تغيري من شخصيتك عشان حد يتقبلك، والي ميقدرش يتفهم دا ف معاملته معاكي، يبقى عدم التعامل افضل طبعا. واخر حاجه، ممكن تشوفي بتحبي تعملي ايه ودوري ع الناس الي شبهك، التعامل هيبقي أسهل.
تم النشر الثلاثاء، ١٠ أكتوبر ٢٠٢٣
لعرض السؤال في فدني اضغط هنا