السلام عليكم
*لو سمحت اقرء للأخر*
لاحظت ان اغلب المشاكل اللي هنا مشاكل دنياويه تافهه جدا... يعني بالنسبه للي بيحصل لأخواتنا ف فلسطين حاليا فانت اكبر مشكلة عندك بالنسبة لمشاكلهم اتفه من التفاهه.. ولو عايز حل لكل مشاكلك تعالا اقولك ع الحل الوحيد اللي مفيش غيره ومتحاولش تدور على غيره وهو الدين
*يعني مثلا في حد ظلمك حد كسر بخاطرك حد اعتدى عليك او اتحرش بيك او حد ظلمك عموما وانت نفسيتك متدمرة بسبب دا.... يوم القيامة هتقفو قصاد بعض وهتاخد حقك منه كامل متكامل وربنا هيحاسبه على ظلمه ده ف الدنيا وف الأخره فا ريح بالك
*معندكش صحاب وحاسس بالوحدة وبتاع.. صاحب القران واعرف عن دينك اكتر وامشي ف طريق ربنا وربنا هيرزقك بصديق ماشي ف نفس الطريق ده وهو ده الصديق الوحيد اللي انت محتاجه ف حياتك متصاحبش اي حد وخلاص فالمرء على دين خليله
*عندك مشكلة مع اهلك.. برهم حتى لو هما مطلعين عينك افضل برهم واتعلم ازاي تبرهم صح مفيش حاجه انت هتعملها ببلاش كل خير عملته هتتحاسب عليه وهتاخد حقك كامل وكل ما اهلك كانو ظلمينك ومطلعين عينك وانت مستحمل وبتبرهم كل ما كان اجرك اكبر ودرجتك عند ربنا اعلى فا ريح بالك
*عندك مشكله مع حبيبك او حبيبتك اللي انت مرتبط/ه بيه/ا او مش عارف ترتبط... اتقي الله... انك بتعمل كدا هيا دي المشكلة اصلا وممكن تكون معظم مشاكلك ف الحياه بسبب كدا اصلا حرام اصلا انك تكلم بنت او انك تكلمي ولد بدون سبب.. الأرتباط عمتا حرام ومتنساش ان هتتردلك ف عيالك
*العادة السرية.. خليك واعي انك ممكن فمره تموت وانت بتعملها وياويلك من اللي هتشوفه ف قبرك قبل اللي هتشوفه ف جهنم ولو عايز حل... اولا لازم يكون عندك ارادة قوية انك تبطلها وعشان يبقى عندك الأرادة دي لازم يكون عندك وعي كويس ب اضرارها الصحية وقد اي هيا حرام شرعا وان ربنا ممكن يكون غضبان عليك بسببها + برضو لو انت بتصلي وملتزم هيبقى عندك حياء وهتستحي انك تعملها لأنك عارف ان ربنا رقيب عليك فا هتستحي منه
ثواني!! انت ليه مبتصليش.. واذاي اصلا عايش ومستحمل تعيش حياتك كده بدون صلاة... انا كنت زيك لحد ما بدأت اصلي ولتزم ف الصلاة تدريجيا والتزمت عليها شهر...بعدها بقيت لو في صلاة مش هقولك مصليتهاش...لو فيه صلاة ملحقتش اصليها ف الجامع جماعه وصليتها ف البيت بحس ان يومي مش مظبوط خالص... بقيت بشوف اي حد مبيصليش اصلا وبشفق عليه وبستعجب...
ارجوك صلي وخليك دايما ماشي ف طريق ربنا ولو وقعت قوم تاني بسرعه... طول مانت عايش مع القرآن الدين والجنة والنار والأخرة.. هتبقى الدنيا بالنسبالك تافهه بمشاكلها بكل حاجه فيها ومفيش حاجه هتهزك
وارجوك بطل تسمع اغاني.. مشتحيل القلب يجتمع على حب القران والأغاني مع بعض هيا حاجه واحده ودايما استعين بربنا ف حل مشاكلك الصغيره والكبيره وادعي بتيقن وثقه ف الله وان شاء الله هيحلهالك
واخيراً...
سيرش ع اليوتيوب عن سلسلة السيره النبويه لأحد عامر واسمعها كلها وربنا يهدينا ويهديكم♥
شكرا على التذكرة ....نحن نعيش فى الدنيا وطبيعى المشاكل تبقى دنيويه الدنيا طريق الاخره ..فحتى اللى بيجتهد للاخره هيكون بيواجه دنيا يقع الانسان وينشغل ويعود ويفرح الله بعودته ان الله يحب الاوابين التوابين ويحب المتطهرين
تم النشر السبت، ٢١ أكتوبر ٢٠٢٣
انا متفقة معك جدا لكن مع احترامي لرأيك الموضوع مش بالسهولة ابدا اللي انت بتتكلم بيها في ناس حقيقي بتحتاج مساعدة . سيدنا محمد عليه افضل الصلاة والسلام مر بأوقات صعبة وسمي عام بالحزن لكثرة ما اصابه فيه من الحزن سيدنا يوسف تمنى الموت ودول انبياء احسن مننا واقرب مليون مرة لربنا عايزاك تعرف ان مش كل الناس بتقدر تتعامل مع مشاكلها وتتخطاها لوحدها وياريت متحاولش تقلل من احساس حد مر بتجربة سيئة ادعيلهم ربنا يعينهم ولو مش هتقدر تدعمهم بكلمة حاول تفهم انه مش سهل عليهم في ناس ضعيفة جدا انها تتعامل مع كل ده طبعا القرب من ربنا بيخفف عننا كتير بس في ناس بتحتاج مساعدة وعلاج كمان
تم النشر السبت، ٢١ أكتوبر ٢٠٢٣
اللهم امين ....مش معظم الوقت الواحد ليلاقي طريقه لازم حد يرشده انت قدرت ترشد نفسك غيرك لا
تم النشر السبت، ٢١ أكتوبر ٢٠٢٣
جبت من الاخر ❤️
تم النشر الاثنين، ٢٣ أكتوبر ٢٠٢٣
اللهم امين... مع احترامي لوجهة نظر حضرتك.. كلامك مظبوط "كل مشكلة بتكون عند صاحبها اكبر مشاكل حياته" لاكن ف الحقيقه هيا تافهه هو بس مش واعي انها تافهه.. وهنا اقصد انها تافهه بالنسبه لربنا لأنه لو استعان بالله ف حل مشاكله ودعاه وهو متيقن ان ربنا يقدر يحلله كل مشاكله ربنا هيحلهاله ف لحظة لأن ربنا اصلا بيبتلي الأنسان بالمشاكل عشان يقرب من ربنا ويفضل دايما يستعين بيه مش يفضل يصيح ويستعين بدكاتره نفسيه وينسى خالص الأستعانه ب ربنا او يشكك ف قدرة ربنا وده ضعف ايمان بلص (لا يُكَلِّفُ اللَّهُ نَفسًا إِلّا وُسعَها) ربنا مبيبتليش حد بمشكلة كبيرة جدا ملهاش حل زي ما المبتلى بيكون فاكر وبالنبة لشعور التوهان اللي ذكرتيه انا فعلا مريت بيه لفترة طويله لحد ما مشيت ف سكة الألتزام...والأنسان هيفضل تايه طول ما هوا مبيصليش الصلاة اصلا هيا اقوى علاج للمشاكل النفسيه ومشاكل الروح عمتا + مشكلة فلسطين مش مجرد مشكله دنياويه... دي مشكله مات عشانها الاف الصحابه وتستحق ان يموت عشانها الملايين لأنها مشكلة دفاع عن مكان مقدس يخص امة كامله... وربنا يهدينا جميعا
تم النشر السبت، ٢١ أكتوبر ٢٠٢٣
تحيه كبيره لحضرتك واتفق معاك في معظم الكلام الا حكايه أنها مشاكل دنيويه هي فلسطين مش مشكله دنيويه برضو مع احترامي لفلسيطين واهلها بس لما يكونوا الناس عندهم مشاكل نفسيه ومدمرين داخليا وتايهين ازاي هيعلنوا اهتمام ولا مساعده لاي مشكله او زي ما بتقول لقضيه فلسطين عمرك جربت شعور التوهان النفسي اللي انت مش مدرك اي حاجه حواليك أظنك لاء عشان لو جربت مكنتش هتقول مشاكل دنيويه تافهه كل مشكله بتكون عن صاحبها اكبر مشاكل حياته لانه مش عارف يحلها ودي خاصه بحياته والإنسان مبتلي اكبر ابتلاءات الانسان في قلبه اللي هي روحه بالمعني اللي احنا عارفينه اتمني تحترم اي مشكله وتحترم صاحبها عندك حل كان بها معندكش ادعيله ربنا يخفف عنه الهم والضغط ويعرف يحل مشاكله وبخصوص فلسطين فإن القلب ليحزن وان العين لتدمع وانا والله ما بيد حيله الا الدعاء فيكفي أن الله معهم
تم النشر السبت، ٢١ أكتوبر ٢٠٢٣
لعرض السؤال في فدني اضغط هنا