انا في أولي ثانوي ،، دخلت الثانوي بعد معناه طالت المدة لسنه كامله ، بابا كان رافض اني ادخل ثانوي بعد منجحت في في الاعدادي . ماشي بي مبدأ البنت ملهاش غير بيتها ،، معا العلم إن مافيش ولا بنت من العائله كاملت في الدراسه، المهم انا بعد مجبت نتيجة الاعدادي للأسف كونت جايبه درجه وحشه جدا ده طبعن بعد ملميت المواد كمان كل ده بسبب اني اتلميت علي شويه شله فاسده ، المهم بعد مجبت الدرجه الوحشه دي ال هيا كانت 161 مكنتش عارفه اخش بيهم ايه دول يا دوبك ادخل بيهم سياحه و فنادق او تجاره ، المهم بابا حلف اني مش هكمل تعلمي قعدة اتحايل عليه كتير و ماما كلمته خليت كل العائله تكلموا بس برضوا مش راضي من اليوم ده و انا حياتي انقلبت رأسه علي عقب قعدة في البيت قعدة افكر معا نفسي هو انتي ايه هدفك في الحياء طب انتي نفسك تطلعي ايه ساعتها معرفتش اجواب نفسي علي اي حاجه بعديها عرفت ايهوهو حلمي عرفت ايه هو هدفي في الحياه عرفت ازي ابقا شخصيه قويا طول السنه ال انا كونت قعدها تطورت من شكلي و نفسي و إخدت كورسات و قربت من ربنا جداااا و بقيت كل يوم اصلي و بقيت كل يوم بقرا قران و بعت عن كل الاصحاب السوء و خلاص سنه كانت فضلها حولي 3علشان يجي السنه الجديده علشان اقدم ثانوي عام منازل ، بس للاسف حصل معايا حاجه، جالي عريس كان شاب قمور مستواه المادي كويس المهم انا وفقت بغبائي و عملنه خطوبه استمرت لمدة شهرين و بعديها سبنه بعض علشان كان انسان مش كويس خالص يبان من برا أن هو مالك بس بجد طبعو صعب اوووي و حصلت معنا مشاكل كتير كده لدرجة انو وصل بيه انو يشتمني بي امي من اليوم ده و احنا سبنه بعض بس كده ، و بعد كده قولت لماما اني عايزه اقدم في المدرسه قالتلي لاء ابوكي مش هيرضه قولتها يا ماما قوليلو المهم ماما قالتلو و الحمدالله وفق بعد معرف اني هذاكر منازل
انا دلوقتي كلهم بيقول لولي مش هتقدري علي الثانوي العام و انا لعند و اقول لاء هقدر و كل شويه يقولو لي كونتي اقدرتي علي الاعدادي انا حقيقي مش عارفه اعمل ايه خايفه يحبطوني بكلمهم ده انا بعمل كل ال عليا والله و بذاكرة كل يوم علشان عايزه اسبتلهم اني اقدرت ارجوكم ساعدوني
مش عارفة ازاى بعد ما قعدتى المدة دى وبقيتى احسن كده ولسه مش واثقة انك تقدرى انتى طول ما انتى باصه لحلمك ومتجاهله اللى حواليكى دول اللى مش شايفينه زيك ...هتقدرى وهما هيتفاجئوا ويتنحوا كده وهيجوا يقولوا هى عملت ازاى كده بس انت عارفه الاجابة ...هتكونى عملتى ده بالصبر والمثابره والاجتهاد والتجااااهل ليهم ولاى حاجة سلبيه وقت الاعدادى غير دلوقتى ...انتى واعيه اكتر ومركزة اكتر وبعدتى عن الشله اللى ضيعتك ربنا يوفقك يا بنتى و يوصلك لحلمك
تم النشر الجمعة، ١٣ أكتوبر ٢٠٢٣
انتي بنوتة قوية جدا .. ما شاء الله انتي عملتي حاجات عظيمة جدا .. تقريبا الصفات اللي فيكي ديه محدش من الكبار نفسهم قادر انه يوصلها. كان تصميمك انك تدخلي ثانوي وفعلا عملتي كده واصريتي ودخلتي، وكمان عدلتي وغيرتي من نفسك .. شوفي وبصي ع نفسك وعلى التغييرات اللي حصلت. انتي عرفتي انك غلطتي لما كنتي مع الشلة الفاسدة، واللي اكيد كانت عامل كبير ف درجتك .. انتي غيرتي كل ده، وبعدتي عنهم، بل وطورتي من نفسك واخدتي كورسات واشتغلتي ع نفسك جامد، بل وعلى علاقتك بربنا. شايفة كم الانجازات اللي انتي عملتيها. مش كده وبس .. انتي كمان مقبلتيش الاهانه .. لما خطيبك هانك وشتمك مقبلتيش وسبتيه. ف انتي بجد عارفه قيمة نفسك وقوية، خليكي كده متتغيرش وانتي بالمناسبة لسه صغيرة ع الجواز ، ركزي ع تعليمك وشهادتك. عايزة بقى تضحي ب ده كله علشان كلمتين فارغين صدقيني ملهمش لازمة .. ملكيش دعوة ب اي كلام فيه احباط .. وركزي ع اللي انتي عايزة توصلي له وبس. ربنا يوفقك
تم النشر الخميس، ١٤ سبتمبر ٢٠٢٣
السلام عليكم انت عندك حاجه قويه حاجه مميزه جدا مش عند اي حد تاني حضرتك انت عندك عزيمه والانسان اللي عنده عزيمه وعنده رغبه قويه ان شاء الله باذن الله ربنا هيحقق له الهدف بتاعه انت عندك حاجه مش متوفره عند ناس كتير ايه هي العزيمه والرغبه والنيه ان انت عايزه تحققي حاجه او عايزه توصلي لحاجه فلو انت عندك العزيمه ربنا هيوفقك ان شاء الله وهيحقق لك اللي انت عاوزاه وهينجحك في الثانويه العامه كل ما عليك حاجتين ما تبصيش للكلام اللي بيتقل اللي هو يحبطك ليه لان الكلام دونبغض النظر عن ان الناس قريبين منك اللي بيقولوه لكن اكيد هو مش سايق النيه لكن هم بيقولوا لك ان انت مش هتعرفي تحققيه فانت ما تبصيش للكلام ده خالص لا انت اكبر من كده انت عندك عزيمه تقدري ان انت تستغليها تحققي الهدف بتاعك حاجه تانيه تعمل لي خطه.فانت لازم تكوني متاكده ان انت هتحققي الهدف ده ثقي بنفسك وثقه قدرتك اللي انت هتحققيه فانت تتوكلي على الله وتبتدي تدرسي وتذاكري عشان خاطر تحققي الهدف اللي انت عاوزاه ده تمام.بعدين المفروض ان انت تعملي الخطه ليكي لتنفيذ الهدف بتاعك بمعنى ان انت خلاص قررت ان انت هتذاكري منازل فبالتالي انت لازم تشوفي مصادر تعتمد عليها للمذاكره المصادر دي في مصادر كتير قوي مجانيه تقدري ان انت تعتمدي عليها مش لازم تكون مصادر مدفوعه وبالتالي تقدري ان انت تذاكري من مكانك ده بالعكس ده اللي بيذاكر من بيته ده بيكون عنده قدره وقت اكبر من اللي بيروح المدرسه اه صح بيسمع مدرس او بيبقى قدام مدرب تكون اسهل بكثير فاثقل في نفسك ثقيل حضرتك انت هتقدري تحققي الهدف بتاعك ده انت عندك عزيمه مش متوفره عند اي حد تاني خالص فتاكدي تماما ان شاء الله انت هتوصلي لهدف بتاعك اتوكلي على الله وابدئي وكمان سنه هتبعتلنا هنا على الجروب وتقول الحمد لله ان ربنا كرمني ونجحت عامه وجبت مجموعه كويس جدا كمان ناس كثير مره بالظروف او بتمري بيها دلوقتي لكن لما حطوا قدامهم وكان عندهم عزيمه قويه.بالتوفيق ليك يا رب ان شاء الله.
تم النشر الخميس، ١٤ سبتمبر ٢٠٢٣
ذاكري من اليوتيوب وحلي كتير واعرفي طريقة الاجابه لو بتروحي دروس ...متسمعيش لحد وكملي وهم هايسكتووبعد اول سنه ربنا يوفقك يا جميلة ايوه كده عايزين نسمع عن اللي بيدورو على حلمهم وهدفهم ...ربنا يثبتك يارب ويدخلك الجنة يا جميلة
تم النشر الأحد، ١٧ سبتمبر ٢٠٢٣
انت تسطيع
تم النشر السبت، ١٦ سبتمبر ٢٠٢٣
ميرسي اووي علي الكلام الطيف
تم النشر الخميس، ١٦ نوفمبر ٢٠٢٣
اشكرك ☺️
تم النشر السبت، ١٦ سبتمبر ٢٠٢٣
لعرض السؤال في فدني اضغط هنا