محتاج حاجات تبعدني جدا عن مواقع التواصل يعني مثلا لعبه استراتجيه او حاجات تلهي ف وقت الفراغ بدل عالم التواصل لاني بعاني منه ومن الانطوائيه
بلاش جيمز عشان هتستهلكك زيها زي السوشيال ميديا حاول تقرأ كتب تفيدك في معلومات سواء تاريخ او علوم هيبقي افضل لك كتير
تم النشر الثلاثاء، ٧ مارس ٢٠٢٣
ده جيل إيه الفارغ ده؟! بقى انت عايز "جيم" علشان مستخسر وقتك في ال "فيس"؟! طب وبالنسبة للدين والعلم والثقافة والفن والعمل؟! مفيش؟ خالص كده؟ إيه؟ هه؟؟
تم النشر الأربعاء، ٨ مارس ٢٠٢٣
انصحك تشغل وقتك بقراءة القران وحفظه ده اولا لو كل يوم قراءة صفحه واحده وحفظ ايه واحده بس كمان ممكن تنسغل بمشاهدة فيديوهات وثائقيه او فيديوهات مفيده في مجالات كتير زي فيديوهات دكتور راغب السرجاني فيديوهات الدحيح فيديوهات زي امريكان انجلش اي مجالل هتلاقي فيه ناس متميزة عامله فيديوهات ممتازة ممكن تتعلم مهارة جديدة تصميم فوتوشوب برمجه اي حاجه تقدر تتعلمها وتعرض خدمتك وتكسب فلوس ادعي كتير اللهم اشغلني بما بنفعني وانفعني بما علمتني
تم النشر الأربعاء، ٨ مارس ٢٠٢٣
بلاش العاب .. لانها برده هتخليك منعزل بشكل اكبر، فكده هتبقى معملتش حاجة. حاول تعمل انشطة جديدة ومفيدة تخليك تخرج من عزلتك زي انزل اماكن تطوعية انززل الجيم انزل خد كورس جديد او حاجة انت مهتم بيها انزل خد تدريب مثلا في شركة لو مهتم بالقراءة او لو عاوز تبدأ وتهتم ممكن تعرف اماكن نوادي الكتب وتروح تحضر ندوات ومحاضرات
تم النشر الثلاثاء، ٧ مارس ٢٠٢٣
في ابلكيشن اسمه شعله حلو اوي وممكن تسمع بودكاستس تفيدك وتسليك
تم النشر الثلاثاء، ٧ مارس ٢٠٢٣
لو نصحتك بلعبه برضه هتاخدك من الناس ومن العلاقات وهتندمج معاها بس لكن في افكار تانيه ممكن تجربها زي انك تشترك ف الجيم او انك تعمل عمل خيري تطوعي زي انك تزور دور ايتام او دور مسنين وتقوم بدور اجتماعي معاهم كمان ممكن تخصص اوقات لزياره اهلك والخروج مع صحابك ووقت تنزل مع صحابك تلعب كوره او انكم تاخدوا عجل تمشوا بيه مسافات طويله او تلعبوا اسكيت لو بتعرف تستخدمه حاول اصلا تطلع من البيت معظم اليوم هيساعدك كتير انك تبعد عن مواقع التواصل وعن الوحده والانطواء
تم النشر الثلاثاء، ٧ مارس ٢٠٢٣
اتعرف على أشخاص جديده مثقفه وأقرأ كتب
تم النشر الثلاثاء، ٧ مارس ٢٠٢٣
انزل اتواصل فى العالم الحقيقي جمعية رسالة او الاورمان ....جرب تنزل تشترك فى عمل تطوعى ...هتدخل جو تانى خااالص وهتدعيلى اتصل بيهم واسأل ازاى اتطوع فى الجمعية ...شوف اقرب فرع ليك وروح هتنسي الموبايل والسوشيال ميديا هيبقي ليها اتجاه تاتى خااالص واوعدك هتكون مبسوط بالشكل الاجتماعى الجديد ده.
تم النشر الأربعاء، ٨ مارس ٢٠٢٣
نزل ابلكيشن appblock واتعامل
تم النشر الثلاثاء، ٧ مارس ٢٠٢٣
لعرض السؤال في فدني اضغط هنا