ديما بفكر كتير جداً وبنسا كتير جداً بردو بتعصب بسرعه بس مفيش احن منى خايفه من المستقبل مش عارفه ليه برغم ان كل حاجه مدبرة بأمر الله عز وجل
بخاف من اقل حاجه ساعات بحب اتكلم كتير وساعات باخد جمب لوحدى ومش بحب اتكلم بعيط بسبب ان ألفت قصه من خيالى وبعيط من غير سبب وبسبب وكل لما حد بيزعقلي بفتكر معامله بابا قبل ما يتوفاا كان بابا حنين اوى بخاف على شكلى ديما لازم اخلى شكلى حلو وفي نفس الوقت لبسي يبقا واسع لان مختمرة بخاف من كلام الناس برغم ان معرفهمش ببقا قاعده عارفه اجابه السؤال بس بخاف اجاوب يطلع غلط وببقا مزاكرة وحافظه اكتر من30سؤال فى3صفح وبمسك ورقه امتحان الترم بنساا الى كنت حفظته يومى مش بيعدى الا لما اكون بموت من التفكير ممكن اصحا بل اليوم والاتنين افكر وانام في اليوم التالت ساعات ببقا نفسي اعيط بس مش بعيط جسمي يسخن بس معيطش بخاف من اقل حاجه وديما عندى قله ثقه بل النفس من نحيه جسمي وشكلى.....
تنظيم مواعيد النوم الاهتمام بنظام غذائي صحي الإبتعاد عن كل ما يثير القلق البعد عن الاكتئاب ممارسة بعض تمارين اليوجا والتنفس بعمق الاهتمام بصحة كل من الجسد العقل تناول كل ما يحتوي علي الفيتامينات b ,d omg3 fiish oil الخ تجنب مشروبات الكافيين شرب الكثير من السوائل الماء الكثير . وقبل كل ده اهتمامك بحياتك مع الله لاتقصر أبدا فيها صلاتك
تم النشر الاثنين، ١١ سبتمبر ٢٠٢٣
من امتى وانتي كده؟ هل من بعد وفاة والدك؟ ولا الموضوع امتى معاكي امتى بالظبط؟ وليه مش شايفة نفسك حلوة؟ او ليه شم متقبلة شكلك؟ وازاي بابا كان بيحافظ على شكلك او بيخاف على شكلك، ولازم يبقى شكلك حلو؟
تم النشر الثلاثاء، ١٢ سبتمبر ٢٠٢٣
الحل هو التأمل وراحة البال والهدوئ مهم جدا لصحتك وخاصة الدماغ لهذا ايضا شوفي قنوات بتساعدك على انك ما تكوني خايفة وتصير حياتك افضل اما بالنسبة للتفكير لعندي الحل الحل هوي.. انك تحضري هاي القنوات... 1 دوباميكافين 2 عبدالله علاوي 3 تحفيز بالعربي 4 تحفيز يومي 5 محمد عيتاني 6 معتز مشعل 7 محمد غنايم هدولا جدا مهمات للحياة للدراسة للصلاة لكللل إشي حرفيااا حتستفيدي منهم 👌
تم النشر الثلاثاء، ١٢ سبتمبر ٢٠٢٣
التفكير الزياده دا بجد متعب جدا واكتر حاجه ممكن ترهقك وتسببلك تعب نفسي التفكير دا اكبر مرض نفسي بيتعرضله الانسان ومش كتير بيقدر يتعالج منه بسهوله بس اللي عاوزا يغير الطبع دا هقولك وعن تجربه لان حرفيا كل اللي انتي قولتيه دا كان بيحصل معايا بالظبط بس بجد اول حاجه اتعرفت علي ناس جديده ناس ايجابيه صحاب يعني تاني حاجه قربت من ربنا اكتر ودعيته كتير كنت دايما بدعيه يبعد عني كثره التفكير وربنا مبينساش حد وطالما انك انتي عاوزه تتغيري وتتخلصي من الحاجه دي وبتحاولي فصدقيني هلاقي نتيجه اه مش من اول مره ولا اول يوم انا اخدت فتره كبيره جدا علي ما اقدرت اتخطا الفتره دي حاولي تبعدي عن الناس المحبطه اللي بتقلل ثقتك في نفسك وخلي في بالك وتفكيرك وانتي ماشيه كدا في الشارع عشان متفكريش في كلام الناس دايما قولي لا حول ولاقوة الابالله العلي العظيم وافضلي استغفري يعني اشغلي نفسك بحاجات اهم من التفكير في الناس ممكن تقول اي عليكي بجد هتلاقي نتيجه وربنا يفرح قلبك ويبعد عنك اي حاجه وحشه يارب
تم النشر الاثنين، ١١ سبتمبر ٢٠٢٣
اما بالنسبه للمستقبل ف تفائلي خبر و سيبيها علي ربنا
تم النشر الثلاثاء، ١٢ سبتمبر ٢٠٢٣
لازم تثقي فنفسك و انك حلوه بجد و ربنا مميزك عن غيرك بكتير احمدي ربنا و حاولي تعيشي سنك لما تيجي تفكري او تضايقي اقراي آيه الكرسي صدقيني هتفرق معاكي و هتريحك كتير
تم النشر الثلاثاء، ١٢ سبتمبر ٢٠٢٣
لعرض السؤال في فدني اضغط هنا