هل فعلا خريجين كلية علوم ملهمش لازمة و مش بيلاقي اى شغل بعدين فعلا
بالعكس ...ده بيعتمد عليكي انتي لو اتخرجتي اعملي دبلومه على طول في مجال تخصصك متقعديش واشتغلي من وانتي في الدراسه دوري بدل المره مليون مره
تم النشر السبت، ١٧ ديسمبر ٢٠٢٢
انا خريجة علوم هقولك الميزة فى الكلية والعيب الميزة: خريج علوم يعرف يدخل مجالات كتييير جدا وبيكون اشطر فيها. العيب : ان فى مجالات مش سايبين خريجى عل م فى حالهم وعاوزين يعاملوهم درجة اقل من صيدلة وطب فى الوظائف نفسها . وكمان النقابة بتاعت العلميبن ملهاش نشاط كويس ولا اى فايدة .
تم النشر السبت، ١٧ ديسمبر ٢٠٢٢
ليه بس كده انا في كليه علوم بتحبطيني ليه اولا لكل مجتهد نصيب لو تعبتي لازم ربنا يكافئك وثانيا خريج علوم غالبا لو قسم كميا متاح ليه انه يشتغل في اي شركه في اي مجال او معمل تحاليل وممكن فيه بعض الاقسام التانيه بتفتح معمل تحليل او الحقن المجهري او مجالات تانيه كتير 😊ومتخافيش يعني لو ملقتيش شغل كده كده الواحده مصيرها تتجوز وتهتم بالعيال 😂
تم النشر الجمعة، ١٦ ديسمبر ٢٠٢٢
كليه علوم ليها مجالات كتير على حسب الاقسام والاشهر منها اخصائيين التحاليل والحقن المجهري بيكونوا خريجين علوم اختيار القسم في الكليه مهم جدا لانه هو الي هيفتح مجالات العمل وطبعا بعد التخرج متاح فيها دبلومات تخصصيه والماجستير بيوفر فرص عمل اكتر في معامل تحليل مستشفيات وشركات ادويه والمصانع كمان وصيداليات وفي مجال التدريس كمان
تم النشر السبت، ٧ يناير ٢٠٢٣
المفروض احنا لما بندرس ف كلية او لما بنختار ندخل كلية اى إن كانت نوعها مش بندور على ان بعد كده هنشتغل بالشهادة دى او لاء، كدا بالتفكير دا مش هتعرفى تحققى اى حاجة ليكى وهتفضلى ف مكانك مش هتتحركى منه، انما لو فكرتى بطريقة افضل انه علم ولو اجتهدتى فيه وربنا كرمك ممكن تبقىى دكتورة عالم من العلماء وغيرهم كتير وكتير، قبل مابيبصو على الشغل والوظيفة بيبصو على علمهم وتكوين كيانهم بالعلم والعمل على اكتسابه وتعلمه دا بيعلى من شأنهم، وعاوزة اقولك إن حاليا دلوقتي ف الزمن ده إن مكنتيش انتى اللى تتحركى وتجتهدى ف السعى وراء كل حاجه انتى عاوزاها مش هتجيلك لوحدها اسعى انتى بيها وكونى نفسك بعلمك واجتهادك وهما دول اللى هيشغلوكى لوحدهم وربنا يكرمك ويوفقك بحياتك يارب دايما
تم النشر الاثنين، ٢ يناير ٢٠٢٣
لا طبعا مفيش حاجه اسمها كليه مش فيها شغل انتي نفسك االي بتحددي مصيرك وحياتك مش الناس ملكيش دعوه ب الكلام المحبط ده لزم يكون عندك راي شخصي لنفسك اهم حاجه يكون في طموح
تم النشر السبت، ١٤ يناير ٢٠٢٣
انا والدي كان كلية علوم وللاسف كان بيقولي جملتك دي بس مع اختلاف الازمنة يمكن بقى الموضوع فيه مجالات اكتر زي المعامل مثلا لو انتي بتفكري تدخلي الكلية فانصحك بلاش لو حابة تشتغلي لو انتي جواها فاسعي بعدها وربنا يكتبلك الخير
تم النشر الأربعاء، ٢١ ديسمبر ٢٠٢٢
لعرض السؤال في فدني اضغط هنا